ازياء - فساتين سهرة و مكياج و طبخ - رد: كيف أكون دلوعة بحركاتي وناعمة بشكلي .

النعومه تبدا من جسمك قبل كلامك وتصرفاتك
اول شي اهتمي ببشرتك انها تكون رطبه ونظيفه وتلمع بذرابه (ادخلي قسم التجميل هنا فيه طرق روعه) ...

(الذهب والالماس والاكسسوار) اختاري شي ناعم ومافيه اشكال كثيره ولاتكثرين منه ..مثلا اذا لبستي كم طويل اكتفي بدبلتك وساعه وحلق ..الاساور مالها داعي هنا واذا لابسه لبس مافيه شغل وساده البسي اساور او ساعه كبيره .اذا لبستي حلق طويل لاتلبسين سلسال عشان مايصير زحمه

المكياج خليك ناعمه بكل المناسبات حتى الزواجات الحين حلات البنت بنعومتها وانتي حلوه ماشاء الله ماتحتاجين شغل كثير ( انصحك بعدسات وكحل كات آيز وروج وبلاشر وبس )

الشنطه اذا انتي قصيره لاتاخذين شنطه كبيره ابدا اختاري شي بسيط مافيه سلاسل وخرابيط وحجمه متوسط او صغير ومايكون سيرها طويل للفخذ او الركبه لان هالشي بيقصرك زياده

الشوزات اختاري دائما الكعب العالي بالجمعات والمناسبات الكبيره والحين منزلين كعوب روعه واسعارها تجنن

المناكير يعطيك انوثة مو طبيعيه (خاصة العنابي والاحمر والبيبي بنك) دايم حطي منه واحرصي انك تحطينه بشكل مرتب مو حوسه

الشعر ابعدي عن الخصل والميش لان موضتها راحت (اصبغي اسود او بني غامق)
اللبس اكتبي بقوقل نصائح باللبس للنساء القصيرات لان للامانه ماعندي خبره

اما الكلام فافضل شي انك ماتكثرين منه لان الحريم اللي يتكلمون كثير بعيدات مره عن النعومه بس خلي صوتك منخفض واحفظي لك كذا كلمه تحسين نطقها حلو واذا ماتعرفين راقبي البنات الدلوعات بعايلتكم وارجعي طبقي بالبيت وبعد كذا محاوله بتضبطينها

اذا ضحكتي لاتتشققين وتطلع كل اسنانك اضحكي برقه يعني ضحكه معبره مو لازم كل الناس يسمعونها

العلك لاتاكلينه قدام احد لانه يخرب الشكل افضل شي الحلاو اذا تبينه لريحة الفم

المكياج ادخلي لقسم المكياج هنا وتكي فيه ومع الوقت بتعرفين اساسيات المكياج

بس اهم من كل اللي قلته تكوني واااااثقه من نفسج بكل شي تسوينه.

:e10::e045::e015::e014::e025:: e026::e026::e026: