الهريسة الدمياطى بالبندق من مطبخ الشيف مونى بالصور
 

السلام عليكم ورحمة الله
كل عام وانتم بخير
طبعا مدينة دمياط هى بلد الحلويات فى مصر فعشان كده كل حاجة دمياطى بتبقى متميزة وبتبقى احلى طعم زى الهريسة اللى عملتها وهقولكم مكوناتها دلوقتى (وبالمناسبة انا اخدت طريقتها من صديقة ليا أرجو الدعاء لابنها بالرحمة وليها بالصبر)
المكونات:
2 كوب دقيق سميد ناعم
كوب الا ربع زبدة سايحة بس غير ساخنة
2 ملعقة كبيرة عسل جلوكوز وممكن نستبدله بعسل نحل
ربع كوب سكر
تلت كوب حليب
كوب الا ربع جوز هند
حوالى كوب بندق مجروش
مكونات السيرب:(والسيرب هو الشربات او القطر)
كوب سكر
كوب الا ربع ماء
عصير نصف ليمونة
الطريقة:
اول حاجة هنحضر السيرب هنحط كل المكونات مع بعض على النار واول مايغلى السيرب والسكر يدوب هنطفى عليه يعنى لونه هيبقى فاتح وهنركنه على جنب مش هندخله التلاجة
http://i18.servimg.com/u/f18/16/73/51/37/121.jpg
وفى كسروله هنحمص دقيق السميد لغاية مايبقى لونه دهبى
http://i18.servimg.com/u/f18/16/73/51/37/221.jpg
والخطوة دى اختيارية احنا بنحمص دقيق السميد عشان الهريسة تبقى نفس شكل هريسة المحلات ممكن منحمصوش حسب رغبتكم وفى اناء هنحط الزبدة السايحة والحليب
http://i18.servimg.com/u/f18/16/73/51/37/321.jpg
ونضيفلهم السكر
http://i18.servimg.com/u/f18/16/73/51/37/421.jpg
وعسل الجلوكوز
http://i18.servimg.com/u/f18/16/73/51/37/521.jpg
ونقلب كل المكونات دى بالمعلقة الخشب وممكن بالمضرب الكهربائى
http://i18.servimg.com/u/f18/16/73/51/37/622.jpg
ونضيفلهم دقيق السميد اللى حمصناه وجوز الهند
http://i18.servimg.com/u/f18/16/73/51/37/721.jpg
ونقلبهم مع بعض كويس لغاية ماتمتزج المكونات
http://i18.servimg.com/u/f18/16/73/51/37/819.jpg
ونحط الخليط فى صينية مدهونة مقاس 26 ونبل ايدينا بميه سخنة او سمنة ونساوى بيها خليط الهريسة عشان يبقى املس
http://i18.servimg.com/u/f18/16/73/51/37/918.jpg
ونحط عليها البندق المجروش ونضغط عليها بطبق عشان تمسك كويس فى الهريسة
http://i18.servimg.com/u/f18/16/73/51/37/1018.jpg
ودخلتها فرن متوسط الحرارة لغاية ماإستوت ولما خرجت من الفرن سقيتها بالسيرب السخن اللى عملته
وده شكلها النهائى
http://i18.servimg.com/u/f18/16/73/51/37/1117.jpg

http://i18.servimg.com/u/f18/16/73/51/37/1216.jpg

http://i18.servimg.com/u/f18/16/73/51/37/1314.jpg

http://i18.servimg.com/u/f18/16/73/51/37/1414.jpg
وبالهنا والشفا

رد: الهريسة الدمياطى بالبندق من مطبخ الشيف مونى بالصور
 

الله يعطيج الف الف الف الف الف الف عافيه