ازياء - فساتين سهرة و مكياج و طبخ - ناد جزل العطايا وانخ صعب الصديد= وروح بالله للنوما

https://www5.0zz0.com/2009/01/28/22/635904487.gif

ياسماء الحزن ياللي غيمـت بالجليـد

وارعدت به علينا وامطرت به مطـر

الشتاء مزق اوشـاح الربيـع السعيـد

والخريف ايتسآل وين نبـت الشجـر؟

والورق بح صوته والقلـم لـه نهيـد

فوق خط السطر تنزف اجروحه حبـر

ودمعتن في عيونن ذاب منهـا الحديـد

وصرختن فوقت من كان وسط القبـر

يالشعر قوم واصخرها علـى مااريـد

المواجيب عنـدي مالـك الهـا عـذر

اعرفك للقوافـي عـن جـداره تجيـد

قوم وافزع مـع نخـوه حفيـدة عمـر

وبنت هارون هارون الأبـي الرشيـد

وابو بكر وعمر والقرب منهـم فخـر

اختر الجزل وانظم منه عقـدن فريـد

وناد باعلى جهير الصوت لهل الشعـر

ناد جزل العطايا وانخ صعب الصديـد

وروح بالله للنومـاس واعطـه خبـر

ولا تناسى الحميـدي والكهالـي وليـد

والمطيري سعود اللي ببحـرك عبـر

ومعك امانه تنادي مبدعـات القصيـد

بنت يوسف وريم وهمس بنت الصقـر

قلهـم قلهـم غـزه سقاهـا الـوريـد

وارتوت من نزيف العرق دمن حمـر

ببين طفلن مصاب وبين رجلن شهيـد

وأمِ تشـق بيديهـا ثيـاب الـصـدر

وقلهم بالشعر صولـوا بوجـه العنيـد

ليـن عنـا شياطينـه تـول الـدبـر

والعذاب المخلـد والجـزاء والوعيـد

مدخر عند رب البيـت يـوم الحشـر

يومها الهم تقول النار هل مـن مزيـد

احشروا بينها اهل الظلم واهـل الكفـر

يامـة العـز ياخيـر الأمـم والعبيـد

لا متى احنا تحت رحمة صغار البشر

والهدف للأسف يفهمـه حتـى البليـد

والرحى من زمن دارت ولا احدن شعر

دار الأفغان وينـه والعـراق المجيـد

آه..آلا واحسـافـه يـابـلاد النـهـر

الحكي صح نحكي مير مامـن جديـد

مل صمت الكلام ومـل نظـم العبـر

غافلين وكـلاب الصيـد فينـا تصيـد

وكل واحد يبي يطلـع لسطـح القمـر

الفتـى مننـا ماهمـه إلا الرصـيـد

أصبح الحلم له منصب وجيب وهمـر

والفتاه اتحلم في ملك قصـرن مشيـد

حلمها الحب والموضه وهـز الخصـر

بـس مانشكـي إلا للقـوي الشـديـد

والفرج قيـل مفتاحـه تـراه الصبـر

يافلسطين مهمـا كـان فجـرك بعيـد

هدي الروع هدي وأبشـري بالنصـر

والوعد قدسنا والعيد بـه ألـف عيـد

بذن ربي نصلي فيـه جمـع وقصـر