خواطر مغربية باللهجة المغربية..من انتاجي
 

دخلت قبر العذاب ملي شفت لفراق
ما قدرت نحبس دموعي و قلبي ليك مشتاق
ليلي كيف صباحي..حبك نومي سراق
تانفكر فليوم اللي صباحي فيه يشرق

** **

مالكاني..مالكا قلبي و روحي
و كلي مستعمراني
كل حرف مني
تينطق باسمك
نتيا اللي عندي
فهاد الدنيا
سبحان الله !
تجمع زين نسا لكون فيك
كيفاش قدرتي تختصري
الجمال كله نتيا ?
** **

واش ننسا كلامك الكاذب على العشق و لغرام
يسمعو جماد يسجد...و تحس بيه اصنام
ملي ما قادرا على كلمة كنبغيك علاش تقوليها ليا
ملي بعيدا عليك التضحية علاش تكذبي عليا ?

** **


نكتب كل كلمة
بقطرة من دمي
شكون اللي يقارن
همو بي همي
علاش تنحس باللي
الدنيا ديما ضدي
علاش يوقع هادشي معايا
و ديما تنعدي !!

** **

باش غادي نوصفك
نتيا ما توصفك
وراق و لا قلام
نتيا فوق الوصف
نتيا وصفك محتاج لوصف
يا ربي..كيفاش غادي نوصف
الجمال بالجمال
و الحنان بالحنان !!
** **
فليلة من ليالي الوحدة
جالس رافع وجهي للسما
تنرسم وجهك في السما
عينيك نجوم و فمك كوكب تايه
شويا شفت لقمر نازل للأرض
ووقف حدايا
ماعرافتش واش تنحلم
حيت نتي اللي لقيت حدايا !
:e064:

رد: خواطر مغربية باللهجة المغربية..من انتاجي
 

رؤؤؤؤؤؤؤؤؤؤؤؤؤعة

رد: خواطر مغربية باللهجة المغربية..من انتاجي
 

شكراااا

رد: خواطر مغربية باللهجة المغربية..من انتاجي
 

ماشاء الله
ابداااع .. استمري حبيبتي

رد: خواطر مغربية باللهجة المغربية..من انتاجي
 

تسلم ايدك