|
رواية وعد الروح/بقلمي:بتول بوشناق
سلاام بنات كيفكن حبايبي
اليووم روايتي مختلفة شوي روايتي واقعية....بتحكي عن واقع سوريا يعني الرواية بلهجة سورية الرواية بتحكي عن الحب والصداقة وطبعا الحرب اتمنى الاقي تفاعل وفي مقاطع رومانسية كتير بس هي ممنوعة بهالمنتدى لهيك انا رح شيل المقطع يلي بكون فيو شي رومانسي اوك حبيباتي [IMG]textgram_1430654585[/IMG] شخصيات الرواية .... الجدة حنونة وقلبا طيب والكل بيحبا عائلة فيصل زوجته فاطمة اولادهم غيث شاب جميل عمره24وشخصيتوا رائعة حنون كتير و طيوب بحب نغم و بموت عليها شعرو قصير لون عيونو بني وجسمو رياضي يعني حلو بس مش بمستوى ليث(شخصية اساسية) ليث عمره23 كتير حلو و البنات بتموت عشخصيته بس هو ما بتهموا هالمواضيع حبوب كتير و قلبوا اطيب من العسل وبحب وبيعشق شي اسموا نتالي شعرو كثيف وعيونو كبار لونن رمادي على اسود وانفو حاد متل السيف وتمو مرسوم رسم يعني كأنو مخطط وجسمو رياضي يعني اكتر من وسيم وهو هﻷ عم يحاول انو ينفذ الاتفاق يلي بينو وبين نتالي بعد شوي بتعرفوه(بطل الرواية) فرح و هي اخر العنقود عمرها 4 حلوة كتير وبتشبه ليث و طيوبة و بتتاكل(شخصية ثانوية) عائلة محمد وهو اخ فيصل زوجته عبير واولادهم نور عمرها 22 شكلها عادي كتير بس طيوبة كتير و بتدخل عالقلب بسرعة(شخصية ثانوية) ريهام21 جمالها عادي كتير حبوبة وطيوبة كتير بس شايف حالها (شخصية ثانوية) خلود كمان 21و هي توأم ريهام بس ما بتشبهها يعني مو كتير حلوة يعني نور و ريهام اجمل منها و نفسيتها نفس نفسية ريهام(شخصية ثانوية) عائلة احمد وهو اخ محمد و فيصل زوجته ندى اولادهم نتالي عمرها 18 سنة و هي حلوة كتييييييرزشعرها لتحت خصرها بشوي ولونو كستنائي عيونها وساع و لونن اسود وعليهن لمعة طفولية انوفها ناعم كتير وتمها صغير بس ممتلئ ووجها كتير بيبي فيس وناعمة وجسمها خطير وحلو كتير...عندها انوثة طااااااااااغية......حساسة وهادية والكل بيحبا ...ما بتآمن بالحب وبتعتبروا سخافات بس انو بقدسو ...اما الاتفاق يلي مع ليث...ليث بيعشق نتالي بس هي ما بتآمن بالحب فكان الاتفاق انو اذا ليث بخلي نتالي تآمن بالحب وتحبو رح تقبل تتزوجو لهيك هو عم يحاول جاهدا من زمان بدون فائدة بس مع هيك ما فقد الامل وبعدوا عم يحاول(بطلة الرواية) عائلة اسامة و هو كمان اخ كل يلي انذكروا ، زوجته ياسمين اولادهم سيرين21سنة حلوة و طويلة وضعيفة كتير و حنونة ليوم الحنية و حبوبة(شخصية ثانوية) سارة 20 سنة حلوة و قلبا طيب كتييييييير و ما بتحب تزعل حدا منها(شخصية ثانوية) نغم19 سنة حلوة كتير شعرها متل لون البندق الفاتح وعيونها عسليات انوفها متوسط وتمها متوسط وممتلئ وجسمها متل جسم نتالي وكتير ظريفة و صديقة نتالي الروح بالروح و بتدخل عالقلب بسرعة بتموت على شي اسموا حب و غرام و بتلعب بعقول الشباب لعب بأنوثتها(شخصية اساسية) و الباقي بتتعرفوا عليه بالرواية ===___===___===____===____===_ ___===____===____===____= كان الكل قاعد بالبيت المتواضع بدون كهربا وجو الملل مسيطر عالجميع...... فرح بنت الاربع سنين:ماما مليت فاطمة:اي شو اعملك فرح:بدي ألئس (الئس:ارقص) وشغلت اغاني من تليفون امها وبلشت ترقص الكل:ههههههههههههههههههههههههه ههههههههههه نتالي:يقبرني يلي عم يرقص انا فرح:لولو قومي لقصي معي(رقصي) نتالي:هههههههه لا حياتي ما بدي رقصي لحالك سكتت فرح و بلشت ترقص و تعمل حركات بتضحك ،ضحكت نتالي عليها وراحت عالمطبخ تشرب مي ليث:فروووووحة رقصك حلوو>>وهو عم يضحك فرح:اي ماما ألمتني"المتني >علمتني" فاطمة :يخرب ديار عدوك انا ما علمت...... ما كملت الام كلمتا الا بصوت يدوي دوي....طرااااااااااخ الكل ارتعب من الصوت وفرح ركضت على حضن امها وهي عم تبكي والكل التم على بعضو من الخووف ليث:بسم الله....شو هالصوت...معقول من أثر المظاهرات فاطمة:استهدي بالرحمن الله لا يقدر ياسمين:ولله انا ما بشيل هالفكرة ن بالي...شفتو شو صار بحمص بسبب المظاهرات فاطمة:ولك شبك انت وابني استغفرو الله انشالله هاد مجرد صوت مو مهم نغم انتبهت انو نتالي مو موجودة وبخوف :مرت عمو وين نتالي ندى شهقت :طلعت لبرا ولهﻷ ما رجعت...يا ربي دخيلك شو هالصوت، ونتالي وين صاارت يا الله نغم وعلى وشك انو تبكي:يا الله بس ما يكون صرلا شي..... ورجع طلع نفس الصوت وبقوة اكبر من قبل.....طراااااااااااااااااااا ااخ .....وبعدين بلش يطلع صوت رصاص متتالي بيخلي القلب يوقف ندى:لا اله الا الله ...انا قايمة شوف وين اختفت هالبنت ...وين اله الا الله ...انا قايمة شوف وين اختفت هالبنت ...وين صارت ليث بسرعة:لا مرت عمو شو هالحكي انا بقوم ولو، انا هلا طالع شوفا وقبل ما يكمل ليث كلمتو دخل فيصل واسامة واحمد وغيث ومعهم نتالي وكان مبين على وجههم الخوف والربكة وفاتو وقعدو بدون اي كلمة ندى بخوف:نتالي شو صار؟...انتي منيحة؟...احمد شو هالصوت احمد:ما في شي ....صار في ضرب بين الجيش النظامي و الناس يلي ضد النظام وشكلها الحرب قامت....الله يستر بس فاطمة:الحرب؟!!...الله اكبر....الحرب قامت،معقول!!! فيصل:هاد الشي كان متوقع.........يعني اذا بلش الموضوع بمظاهرات اكيد رح ينتهي بهيك شي احمد:صحيح,بس ولله رح يضيعونا بأفعالن لك المهم عايشين بنعمة والحمدلله ليش لحتى يخربوا الدنيا غيث:يا عمي انت سمعت الاخبار كل واحد ماشي على هواه ليث:اي ولله بس بكرا رح يندموا عاللي عم يعملوه بكرا بيكتشفو انو هنن كان عم يهدمو وطنن بإيديهن ومفكرين حالن انو عم يأنقذو العالم اسامة:حسبي الله ونعم الوكيل ياسمين:الله من عندو يهدي الوضع الكل:آمييييييييييييين نغم بدون ما يسمع حدا غير نتالي:لولو تعي شوي قامت نتالي لعند نغم وقعدت جنبها نغم:شو صار معك رحتي ما رجعتي نتالي:عادي...مسكت كاسة المي ﻷشرب من هون وطلع صوت قوي من هون ولما اجيت اطلع لبرا سمعت الصوت مرة تانية بس كان اقوى وما عدت استرجي اطلع وضليت متخبية بالمطبخ....وبس نغم:اممممم ، طيب سمعتي شو قال ابوكي عن الحرب نتالي تنهدت:سمعت...ولله شي بخوف.....الله يستر نغم:يعني ضلوا مظاهرات ومدري شو لحتى وصلنا لهون....الله يهديهن نتالي:اميييين ....نغم...معقول نترك بلدنا ونبعد شي نهار نغم:صدقيني مابعرف...ماحدا بيعرف بعلم الغيب يا نتالي نتالي:هفففففف،بتصدقي ماشربت مي .....عطشانة ليث سمعها:أنا رح جيب وقام وقف وبدو يطلع الا امو فاطمة بتحكي فاطمة:ليث لوين رايح ابني ...شوف الضرب والقصف ليث:ماما بدي جيب كم شغلة من برا....يعني اذا بدكن شي بجيبوا ما بتأخر....../يتبع.... #$##$$###$$$$##$$##$$##$$$$$$$ $$$$##### احم خلص اول بارت طبعا اولها مو حماس بس مع ابارتات الجاي بكون احلا اتمنى تستمتعو |
رد: رواية وعد الروح/بقلمي:بتول بوشناق
|
رد: رواية وعد الروح/بقلمي:بتول بوشناق
|
رد: رواية وعد الروح/بقلمي:بتول بوشناق
|
رد: رواية وعد الروح/بقلمي:بتول بوشناق
فاطمة:ما بيصير تطلع يا امي،شوف شو عم يصير برا
فيصل:بابا لا تطلع لبرا،لا يصير شي لا سمح الله ليث:بس بابا حتى مي مافي هون والكل رح يعطش عاجلا ام اجلا،وبجيب شي ناكله كمان فيصل:معك حق خلص بابا روح جيب شوبدك ولا تتأخر وانتببه على حالك فاطمة:ابني انتبه عحالك الله يخليك ليث:خلص لا تاكلي هم،انا رايح سلام الكل:الله معك (بمكان تاني مش كتير بعيد عن هالبيت) نور:هفففففف مليت كتييير يا ربي ريهام:ولله ملل خلود:بدي روح لعند بيت عمي فيصل عبير:وين بدك تروحي والقصف ما وقف نور:ماما شو نعمل ملينا محمد:يا بنات انا قايم شوي لبرا بدي شوف جدتكم واعمامكم واعرف اخبارهم ولله قلبي قابضني عبير شهقت:وين بدك تروح يا محمد،ونحنا خلود:بابا خليك هون دخيلك مو ناقصنا مصايب نور:بابا خليك معنا ريهام:بابا لا تروح محمد:لا تصرعوني بدي روح وما حدا يمنعني دخل محمد عشان يتوضى ويصلي قبل ما يروح وما حدا استرجى يقول شي * * * * * * * * * * * * * * * * * (في بيت فيصل) نتالي:ياربي انا خايفة كتير....لهﻷ ما وقف القصف نغم:انشالله بيوقف،قومي هﻷ نتوضى ونصلي ونقرأ قرآن سيرين:اي يا ريت،احسن من هيك قعدة فاضية سارة:وانا بدي قوم يلا ياسمين:الله يحميكن يا بناتي اسامة:اي هدول بناتي كمان فاطمة:هههههه بدكن تتخانقوا عالبنات سارة:خليهم مرت عمي ، منتدلل شوي ان... طراااااااااااااااااااااااااااا اااخ دووووووووووووووووووووووف(صوت قذائف)(انا عشت هالاجواء) طلع صوت قوووووووي كتير الكل ارتعب منو والجدة حست بشي مو طبيعي صار الجدة:لا اله الا الله ، شو هالصوت الله يستر فيصل:شو رح يكون هالصوت يا امي،اذا في قصف اكيد في هيك اصوات الجدة:لالالالا في شي انا متأكدة،قلبي قابضني فاطمة:فيصل وين ليث لهﻷ.....مو كأنو تأخر احمد:امي...فاطمة...شو فيكن....لا تفولوا على حدا نتالي بصوت واطي نغم:نغم قومي معي لبرا،بدي شوف من السطح شو صاير نغم بقت عيونا:شو عم تحكي انتي،انتي انجنيتي نتالي:نغم قومي وانتي ساكتة نغم:مابدي ما بدي نتالي:اووووووووف اوكي انا طالعة وانتي غطي عليي نغم بخوف:نتالي لا تطلعي،شو هالتفكير خلص نتالي بجدية:بدك تغطي عليي او اشتغل كلشي لحالي ، انا اللي براسي بعملوا نغم بقلة حيلة:اوكي اوكي موافقة *********بتول بوشناق(زهرة اللوتس) (بيت محمد) عبير ببكى: يا ربي وينه ،وينه لهﻷ ولله قلبي مو متطمن ابدا مو متطمن نور :اذكري الله يا امي،مابيصير هالحكي وانشالله بيرجع بالسلامة عبير:لا اله الا الله،انا قايمة صلي ركعتين ريهام:وانا قايمة صلي معك خلود:ماما لا تخافي انشالله كلو خير...وهﻷ منصلي انتي قومي ارتاحي نور:خلود معا حق،يلا ماما قومي * * * * * * * بتول بوشناق..(زهرو اللوتس) بمكان بعيد جدا . ......:آااااااااه ااااااااااه<<<كان عم يصرخ من الالم ومافي حدا يسمعوا....رصاصة طايشة رح تتسبب بفقدانه حياته ........:يا عم انت منيح ........:ابني الله يحميك ساعدني ........:تحمل يا عم رح اخدك عالمشفى *********مع اطيب التمنيات ان تستمتعوا.....بتول بوشناق طلعت على سطح البيت بهدوء وكل شوي تقعد وترجع تكمل بسبب اصوات القصف المخيفة وصلت عالسطح وشافت منظر محزن جداااا شافت الطيارات والدبابابات والنار المشتعلة شافت الموت قدام عيونا شافت وطنا...ضيعتها وهي عم تدمر...ضلت عم تتفرج فترة وهي زعلانة وبعدين سمعت وراها صوت وخافت وغمضت عيونها وبرمت لحتى تركض بس اصدمت بصدر عريض وكانت رح توقع بس هي تمسكت بياقة القميص وهو مسكها من خصرا وصاروا بوجه بعض فتحت نتالي عيونها الوساع بهدوء:ليث!!! ابتسم ليث:عيونه نتالي توترت:ليث شو عم تعمل هون ليث:انا شو عم اعمل او انتي نتالي:انا...انا....قصدي تركني ليث بابتسامة:مو لازم تتركيني انت بالاول نتالي انحرجت وتركته:انا اسفة ما قصدت ليث تركها:ولا يهمك ...هلا خلينا نرجع عالغرفة تحركت نتالي لحتى ترجع بس صوت الااااااه يلي طلعت من ليث وقفا ^^^^^^^^^^^قراءة ممتعة الجدة:ندى؟وين نتالي؟ ندى تلفتت يمين ويسار:نغم وين نتالي...كانت معك نغم توترت:هاا...ما بعرف مرت عمو احمد:شلون ما بتعرفي فيصل:طول بالك بتكون فاتت عالحمام(اكرمكم الله) ندى:حتى لو ....ليش ما قالتلنا غيث:انا رح شوف وينا لا تاكلو هم فتح غيث الباب وطلعت نتالي بوجه والخوف باين عليها غيث:نتالي،شو في،و وين كنتي قام لعندها احمد والكل لحقه نتالي:لحقوا عليي يا جماعة، ليث متصاوب الكل<<إنٌےـصِےـدِمِےـ>> فيصل:نتالي وين ليث وينه نتالي:هو فوق عالسطح....../يتبع.... # # # # # # # # # # # شو رأيكن بالبارت اليوم؟؟ شو رح يصير بليث؟؟ ومين الشخص يلي تصاوب؟؟ كلو منعرفو بالبارت الجاي |
رد: رواية وعد الروح/بقلمي:بتول بوشناق
السلام عليكم احبابي...اتمنى الجميع بخير......بتمنى تخبرو اصدقائكم عن الرواية عشان يتابعوني لانو هي اول رواية بكتبها وبدي تشجيع عشان صراحة حاسة بإحبااااط(>_<)
واي حدا بيحب انو اقرأ روايتو او رواية حدا من اصدقائو يخبرني وانا حاضرة اقرأ الرواية واعلق عليها يلا مارح اتأخر عليكن اكتر رح نبدأ بسم الله الرحمن الرحيم âک… âک† âک… âک† âک… âک† âک… âک† âک… âک† âک… âک† âک… âک† âک… âک† اتمنى ان تستمتعوا.....بتول بوشناق في احدى المستشفيات .....:حالته جدا خطيرة،يعني بين الحياة والموت .......:لا حول ولا قوة الا بالله العزيز الحكيم،طيب عطيني شي من اغراضه عشان ادق على حدا من اهله واخبرهم ......:تفضل معي ~~~~~~تحياتي احبائي .... عبير كانت ماسكة كاسة المي بإيدا وفجأة وقعت منا وانكسرت عبير:بسم الله الرحمن الرحيم،خير يا ربي ،خير انشالله اجت نور:ماما شو صار،انتي منيحة عبير:في شي يا نور,انا متأكدة قلبي مو متطمن نور:وحدي الله يا امي ،خير بإذن رب العباد ****لا اله الا انت سبحانك اني كنت من الظالمين**** فيصل:لييييييييييث,ليث رد عليي ابني فاطمة ببكى:ابني لا تروح قوم..قوم غيث:بابا لازم ناخده عالمستشفى بأسرع وقت ممكن اسامة:كيف رح ناخدو وسط هالقصف والضرب احمد:غيث معو حق يلا يا جماعة الجدة:رح نحاول نمر شو بدنا نعمل فاطمة:لك ابني رح يموت وانتو عم تتحدثو اسامة:اهدي يا مرت اخوي...نحنا اذا مرينا وسط هالقصف يمكن يصير شي لا سمح الله فيصل:شو ما بدو يصير يصير انا رح اخد ابني عالمشفى الجدة:ما بتروح لحالك انا رايحة معك احمد:لا امي انا بروح اش هالحكي ندى:لا شلون تروح ونحنا فاطمة وهي عم تبكي وبصريخ:لك اببببنننني يا ناااس خلصنا كلنا منروح بس خلينا نمشي وراح الكل عالمستشفى******وركب الكل بسيارتين ومشو ورا بعض وكل شوي يوقفو بسبب الضرب العنيف....ويرجعو يكملو و يوقفو عند حواجز وبالقوة يمشوهن لحد اخيرا ما وصلو عالمستشفى......* * * * * & & * * * * * كان الكل عباب العمليات وخايف ومتوتر والصمت كان سيد المكان لحد ما رن تليفون غيث ورد عليه غيث:الوو....وعليكم السلام.....شووووو؟!؟!...لا اله الا الله.....طيب بأي مستشفى....جد؟!!....لا بس انا موجود فيه هلا....طيب ماشي....الله معك. سكر الخط والكل كان عم يتطلع فيه وحاسين انو الاتصال ما ببشر بالخير فيصل بهدوء:مين اتصل؟ نزل غيث راسو :عمي محمد احمد باستغراب:شو بدو هلأ غيث:لا مو عمي متصل بس هو.... الجدةانقبض عقلبها:شو فيه...احكي غيث:هو...هو بين الحياة والموت الجدة:شو هالحكي.....هو وين.،،،خدوني لعندو فيصل:مين قلك هالحكي يا ابني غيث:اتصلو هلا من المستشفى وخبروني اسامة:وبأي مستشفى هو؟؟ غيث:هو هون بهالمستشفى احمد:بهالمستشفى؟!لكن خلينا نروح نشوفه الجدة:انا رايحة معكم احمد:امي ما بيصير لازم حدا يبقى مع ليث الجدة:قلتلكم بدي روح يعني بدي روح ضلو يتناقشو بالموضوع والجدة مصرة تروح معن لحد ما اخر الشي عملو يلي بدا ياه غبث والجدة واحمد راحو لعند محمد ........وطبعا نتالي و ندى وفاطمة وفرح وياسمين و بناتها سيرين وسارة ونغم كانو عند ليث يعني تقريبا كل النسوان عند ليث......... و اما فيصل و اسامة راحو يجيبوا عايلة محمد **********قراءة ممتعة batoul boushnak وصل فيصل واسامة على بيت محمد تنهد اسامة قبل ما يدق الباب وفيصل خايف من ردة فعل عبير,دق اسامة عالباب وفتحت خلود خلود:اهلين عمو اسامة اهلين عمو فيصل تفضلو اسامة بضيق:اهلين عمي خلود،حبيبتي فوتي قولي لامك واخواتك يلبسو ويطلعو،ونحنا عم نستناهم برا خلود:ليش عمي في شي فيصل بغصة:مافي الا الخير يا بنتي خلود:طيب دقيقة ودخلت خلود لجوا وفيصل واسامة راحو عالسيارة ×××××××××تحياتي للقارئين اتمنى ان تستمتعوا فاطمة:ولي عليك يا ابني...لك ريتني انا ولا انت يا ضناي ندى:وحدي الله يا فاطمة كلشي بخير انشالله ادعيلو ياسمين:ندى معا حق اهدي الله يخليكي خلص وشوي بيطلع الدكتور والكل بيركض لعندوا فاطمة بخوف:دكتور شو صار معكن كيف صار ابني الدكتور:............ -------قراءة ممتعة لبست عبير عبايتها وبناتها كمان وبعدين طلعو لبرا عبير بخوف:خير اسامة شو صاير اسامة بربكة:ولله مو عرفان شو قول عبير بخوف وشك:خير شو في لا تخوفوني اكتر فيصل:بس نوصل عالمستشفى منخبرك عبير بصدمة:عالمستشفى!!!!!لييش؟؟!!! فيصل قال كلشي لعبير عن محمد وليث وطبعا بلشت عبير والبنات يبكوا وهنن مش مستوعبين الفكرة ^^^^^^^^^^سبحان الله وبحمده....سبحان الله العظيم الجدة كانت عم تبكي بقوة و مو مصدقة انو محمد رااح وغيث صار يبكي ..فقد اعز عم عندو و احمد انهد وقلبو تقطع تقطيع هاد اخوه وحبيبوا كيف راح وترك وراه ارملة وثلاث بنات وامو يلي رح تبكي دم من القهر ....بهاللحظة وصلت عبير والخوف واضح على ملامحها والبنات فاقعين بكا...... * * * * * * * * * * * * * * * * * قطعت عليكم؟؟؟؟ هههههه اسفة بس بدي تفاعل ما بدي حس حالي عم احكي مع حالي!!!! انشالله يكون البارت حلوو وانشالله كل ما شوف تفاعل انزل اسرع واطول السلام عليكم |
رد: رواية وعد الروح/بقلمي:بتول بوشناق
جميله حبيبتى
تسلم ايدك |
رد: رواية وعد الروح/بقلمي:بتول بوشناق
رائعة مدهلة متالقة راح الاحباط هههه
|
رد: رواية وعد الروح/بقلمي:بتول بوشناق
هههههههه حببتي الهام...تسلميلي
و نودي منوورة حبي |
رد: رواية وعد الروح/بقلمي:بتول بوشناق
في المستشفى لما كان الكل واقف برا غرفة العمليات وعم يستنو بفارغ الصبر....طلع اخيرا الدكتور واخيرا الكل راح لعندو
فاطمة بخوف:دكتور شو صار معكن كيف صار ابني الدكتور:الحمدلله نحنا قدرنا نبعدوا عن مرحلة الخطر باقي دعائكن فرح الكل انو ليث بخير بس يلي ما كمل فرحتن لما شافو عبير وبناتا والجدة واحمد واسامة وفيصل ندى:خير شو صار معكن ما حدا جاوب على ندى لان بنفس اللحظة غابت عبير عن الوعي ووقعت عالارض واجا الدكتور بسرعة واعطاها مهدأ واخدا على غرفة والجدة ساكتة مو قادرة تنطق ودموعها شلال وبنات محمد عم يبكوا ولا يسكتوا فاطمة بنفاذ صبر:شو صار خبرونا احمد بهدوء وانكسار:محمد........توفى <<<<<صِـدُمِةّ>>>>>ّ نتالي حست وكأن حدا دفشها بقوة ولزقت بالحيط ونغم ضمت نتالي وصارت تبكي،وسيرين وسارة بكوا بإنكسار وندى وفاطمة وياسمين بكوا بصمت...الكل بحب محمد بس هو هﻷ راح وتركهن..بعد شوي اجا الدكتور لعندن الدكتور:عظم الله اجركم يا جماعة.....كنت بدي خبركم انو ما حدا يقول للاستاذ ليث باللي صار لحتى نتطمن على وضعوا منيح ﻷن هاللشي رح يأذيه كتير فيصل:انشالله،طيب هو ايمت بفيق الدكتور:عن قريب اذا الله راد...لانو اصابتو مو كتير خطيرة بس هو نزف كتير دم...يا ريت تنتبهوا عأكلو كمان<<<وراح فاطمة:فيصل بدي فوت لعند ليث شوفي فيصل:ماشي بس لا تخبريه بأي شي هزت فاطمة راسها ودخلت لعند ليث وقعدت جنبوا تمسح على راسو وتقرأ قرآن.....صحي ليث واول ما شاف امو ابتسم فاطمة إبتسامة تعب:كيف صرت هﻷ ليث بصعوبة:الحمدلله،شو وين الباقي فاطمة بربكة:هﻷ بيجوا بس لحتى ترتاح باﻷول ليث:امممم انا منيح _________________بعد اسبوع عالاحداث______________________ _ لهﻷ الحزن عامم القلوب وليث مو عارف بشي واليوم قرروا يخبروه واليوم كمان رجعوه عالبيت وكان الكل قاعد بالغرفة عند ليث ما عدا عبير زوجة محمد لانو بلشت عدتها وكانو بناتها معها عشان اذا احتاجت شي ليث بشك:يا جماعة شو في؟حاسس في شي بدكن تقولوه فيصل بتوتر:ليث نحنا خبينا عنك هالموضوع لحتى تتحسن حالتك ليث بإستغراب:اي موضوع....احكو احمد بحزن:عمك محمد عطاك عمرو ليث منصدم بقوة:كيف ؟؟!!! وايمت ؟؟!!وليش ما خبرتوني؟ فاطمة:نحنا ستنينا لحتى تتحسن حالتك...وهاد الشي صار من اسبوع،هو تصاوب وما قدروا ينقذوه ليث:يعني عمي راح....راح وتركنا.... فيصل:وحد الله يا ابني،هﻷ ما بيجوز عليه غير الرحمة ليث:لا اله الا الله.....الله يرحمو ♥ه♡ه♥ه♡batoul boushnak♥ه♡ه♥ه♡ بعد مرور شهر على هالاحداث قررت عائلة نتالي تطلع على لبنان والحزن بلش يتلاشى تقريبا وقبل ثلاث ايام من سفر عائلة نتالي صارت الاحداث التالية. كانت نتالي قاعدة بالغرفة مع نغم وخلود وريهام وكان الكل ساكت لانو نتالي وبنات محمد ابدا مو صحبة ودوم بيتخانقو وخصوصا انو بنات محمد شايفين حالن كتير بس الغريب انو ريهام بادرت بالكلام مع نتالي لاول مرة عالتاريخ يمكن وفاة ابوهن كسرت شوي من غرورن ريهام:نتالي انتي ليش ما بتحبينا؟ نتالي بإستغراب:انا !!! انا ما بكرهكن بس بحس انو انتوا ما بتطيقوني ولا بتحبو وجودي او حكيي معكن خلود:لا بالعكس انا بحب انو نكون متفقين بس بحسك ما بتعطينا وج ابتسمت نتالي ابتسامة واسعة لريهام و خلود وهنن ردوا الابتسامة وكانن عم يعلنو السلام بيناتن وبهاللحظة فات غيث وليث وكان معن بوظة<<<يمممممممييييييي اعشقها مع انو الدنيا كان شتوية بس مافي احلا من انك تاكل بوظة بنص الشتا مع العيلة يلي بتحبا بعد شوية فاتت نور مع سيرين وسارة نور:اااه يالخاينين...عم تاكلو بوظة بلانا<<<تقبر قلبي طيوبة مو متل اخواتا ليث:ههههههههه انتو ما قاعدين معنا....بس عالحالتين حصتكن موجودة سيرين:انا مابحب غير بوظة على فانيليا ها غيث:لك احلى بوظة فانيليا لاحلى سرون بالدني سارة:اي اي وانا وين رحت نتالي:لك انتي بعيوني تعا قلوبي انتي نغم بقهر:اي تراني موجودة هنا<<<بالسعودي....كتير بحبووو نتالي:هههههههه دخيل السعودية.....لا تغاري انتي بكف والدنيا كلها بكف تاني الكلل:اووووووووووووه ريهام:نيالا على هالدلال ولله وبيلبئلا سيرين:انو نحنا على جنب يعني نور:ولله شكلها نتالي بتطيرنا كرمال نغم....نغوووم قومي نقلعي بدنا نتدلل شوي نغم:لا ولله ما دخلني...قال انقلعي قال نتالي:ههههههههههههه كل هالقد بتحبوني وانا مالي خبر ليث:اي اكيد الكل بحبك ولو نتول انتي الغلا كلو نتالي استحت:وجع ليث سكوت غيث:ههههههه ابو الشباب روق ليث:لك انتو شو دخلكن فيني.....(وقام بلش يغني)....واللي ما بحب نتالي الله يبعتلو علة واللي ما بحب نتالي الله يبعتلو ..الله يبعتلو علة الكل:هههههههههه نتاالي عصبت:ليييث خلص بقا ليث:اسفة ما عاد عيدا خلص نور :اي شو رح نبقى هيك قاعدين فتحو سوالف ريهام:فيلم...فيلم. ليث:اي ولله لحظة جيب مجموعة افلامي المهم قعدوا ييحضروا الفيلم و اكلو بوظة ودردشة واحاديث وضلو سهرانين للصبح ضحك ومزح وكتير انبسطو وكانو اول مرة بحياتن بيقضو هيك وقت مع بعض....تاني نهار بعد الفطور نغم ونتالي وريهام وخلود بلشوا ينظفوا ويرتبوا البيت مع بعض نتالي:نغم،روحي جيبي المساحة من المطبخ بلييز نغم:هففففف،روحي انتي نتالي:نغموووو خلص انا مشغولة،روحي جيبي المساحة ومسحي الارض يلا سكتت نغم وراحت عالمطبخ تجيب المساحة،وصارت تبرم عليها نغم:يا ربي وين المساحة . ......:ورا البراد نغم ارتعبت وبرمت وكان غيث نغم: يييييي تضرب،رعبتني غيث:هههههههههه ........./يتبع...... * * * * * * * |
رد: رواية وعد الروح/بقلمي:بتول بوشناق
نغم: يييييي تضرب،رعبتني
غيث:هههههههههه اسفة<<<<غيث بيعشق شي اسمو نغم بس هي بعمرها ما فكرت فيه اخدت نغم المساحة وراحت لحتى تطلع بس الارض كانت كلها ماي فزحطت ووقعت وغيث ركض لعندا وهو ميت خوف عليها غيث:نغم انت بخير نغم:ايييييييي.....اجري عم توجعني....ااااخ نغم:حبيبتي اخدك عالمستشفى نغم انصدمت من كلمة حبيبتي وهو كمان قالها بعفوية وما كان بدو يقولها قامت نغم وهي بقمة توترها:لا مافي داعي انا منيحة وبعدين تركتوا وراحت وفوق هيك نست المساحة عالارض فاتت نغم عالغرفة وتيابها ماي وشافتها نتالي:نغوووووووم وجع وين المساحة....وصرلك ساعة كمان<<<بتدلعها كل مرة شكل خخخخ نغم:وجع يلي يوجعك....ما تشوفي شو صار معي<<نغم تذكرت انو ريهام وخلود موجودين فقررت تسكتت لانو ما بتثق فيهن ريهام:نغم ليش تيابك ماي نغم:هاا...لا ابدا بس وقعت عالارض وكانت كلها ماي خلود:طيب انا رايحة جيبها خلصو البنات شغل ونغم حكت لنتالي كلشي ونتالي فرطت ضحك عليها ونغم مقهورة كتير وبعد العصر نزلو البنات عالسوق ريهام:نتالي شو بدك كمان نتالي:اممممممم بدي....بدي شال عالكنزة يلي جبتها خلود:اوووووف،لولو انتي كتير مملة خلصينا بقا نتالي:ههههههههههه اوكي خلص هاد حلو نغم:اخييييييييرا لقيتي المطلوب خلود:لولو،رح تروحي تعملي تصوير لاسنانك نتالي:اي صح كنت رح انسى منيح اللي ذكرتيني ريهام:معناها خلينا نروح ومشوا الصبايا ووصلوا لعند الدكتورة وهونيك شلحت نتالي حلق الذهب يلي بإذنها وحطتوا بمحرمة بجيبها ولما خلصوا تصوير حملت نتالي المحرمة ورمتها بدون ما تعرف او تنتبه انو هي رمت الحلق الذهب وخصوصا انو هي بتحبوا كتير لانو هو من جدتها والدة امها يلي بتموت عترابها.....وبالبيت نتالي:مااااااامااااااا وينك نتالي ببكى:مااامااا حلقي.....ضاع حلقي ندى:اي حلق انشالله؟ نتالي:حلق الذهب يلي من ستي ندى:وكيف ضيعتيه يا هانم وحكت نتالي كلشي صار لندى ندى:الله يسامحك،وشو رح تعملي هﻷ يعني نتالي:انا نازلة دور عليه بكل البناية واذا ما لقيته رح دور بالشارع (البناية يلي عايشين فيها ملك لعمامها وابوها يعني بكل طابق عايش حدا من اعمامها فيه ما عدا محمد الله يرحمه يلي كان عايش بغير منطقة يعني بعيد عنن شوي) دخل ليث مع جملة نتالي الاخيرة ليث:على شو بدك تدوري ؟ نتالي بدلع عفوي:لييييث،حلقي الدهب ضاع وبدي روح دور عليه ليث بغيرة:وين بدك تدوري عليه......خليكي انتي هون انا رح دور عليه نتالي بفرح:شكككككرررااا.........بس عنجد ما بدي تعبك مععي ليث:ولو نتول تعبك راحة ليث برم الدنيا وما كان يلاقي الحلق وصار الليل فحمل حالو وطلع .........في حدا بيدور على حلق بس هالحلق غالي عليها كتييير...لما قال لنتالي انو ما عرف وين الحلق صارت تبكي كتيرعلى قد ما بتحبو وتاني نهار طلعت نتالي مع نور وريهام عالضيعة(هنن كانو بالضعية لما صار القصف وتوفى محمد لهيك بعد ما تصاوب ليث راحو على حلب وما رجعو لان عملو العزا لمحمد بحلب) لما وصلوا على بيتن بالضيعة بلشو ينظفوه مع بعض و كتير انبسطو لاول مرة نتالي بتنبسط مع بنات عمها محمد لما شالو هداك القناع طلعوا كتير بينحبو المهم بعدين طلعت نتالي لعند جدتها والدة امها يلي بتحبا كتييير وهي ساكنة بالضيعة طلعت لعندا وصارت تبوس رجليها من الشوق (اكرمكم الله) بعدين قعدت شوي ورجعت نزلت لعند بنات عمها محمد ودعتهن ورجعت على حلب مع عمها فيصل وهيك خلص هالنهار...واليوم رحلة سفر عائلة نتالي يلي فاقت بكيير ورتبت تيابها وطلعت وقعدت مع نغم نغم والدموع بعيونها:يعني خلص بدكن تروحوا نتالي بحزن:نغم لا تبكي وتكسري خاطري نغم:كيف ما ابكي وانا رح ابعد عنك وما رح اقدر شوفك مرة تانية نتالي:لا تحكي هيك نشالله منرجع و منشوف بعض عن قريب نغم:خليكي هون,خليكي معنا نتالي:نغمتي خلص,رح نبقى على تواصل,ورح صبح ومسي عليكي كل يوم نغم:اوكي حبيبتي نتالي:يلا قومي قعدي مع اهلي شوي وراحو قعدو مع بعض وبلشوا دردشة وبعد نص ساعة بلشوا يودعوا بعض وليث ما كان موجود بس هي كانت بدها تودعوا لهيك راحت على غرفته بدون ما حدا يحس دقت الباب وفتحتوا بهدوء ليث كان عم يحضر تلفزيون ولما شافها ابتسم ونتالي ردت الابتسامة وسكرت الباب وراحت بسرعة ما بتعرف ليش كانت حابة تشوفوا قبل ما تروح مع انها ما بتحس بأي شي تجاهه طلعت العائلة على لبنان ومر شهر كامل بحزنوا وسعادتوا ونتالي كل يوم بتتصل على نغم وبتحكي معها لحد ما اجا يوم السعادة لنغم* * * * * * * * * * * * * نتالي:الووو نغم:كيفك لوولوو نتالي:هلا نغم ماشي الحال وانتي كيفك نغم بفرح:انا كتييييييييييييير منيحة وطايرة من الفرح نتالي:ههههههههه خير شو في نغم:تتذكري زكريا نتالي:وكيف رح انساه وانتي كل يوم بتحكيلي عنو (زكريا هو شب تعرفت عليه نغم عالانترنت بالصدفة وحبوا بعض كتير) نغم:ههههههه اليوم خطبني من اهلي نتالي بخوف:وانتي وافقتي انشالله نغم:لا لسا قال يعني بدي فكر بس اكيد رح وافق انا بحبو وهو كمان نتالي:يا نغم يا حبيبتي علاقتكن رح تكون مليئة بالشك وما رح ترتاحو مع بعض حتى لو بتحبيه وبحبك نغم:نتالي شبك ما نبسطي عشاني نتالي:يا حبيبتي اكيد انبسطت بس عم احكي هيك عشان مصلحتك بس خلص عملي يلي بدك نغم:لا تزعلي نتالي:ههههههههه ما رح ازعل نغم:حياتي انتي....بحبك نتالي:يا قلبي انا اكتر....اي كيف الوضع عنا بالضيعة نغم تنهدت:شو احكيلك كل يوم والتاني قصف وقتل ما عم نخلص وهﻷ عم يقولو رح تبلش بغير اماكن بحلب وبالشام نتالي بحزن:يا الله ليش هيك عم يصير ولله شتقت لسورية وحابة ارجع نغم بحزن اكبر:اااااخ يا نتول اااخ كل يوم بيتوفى حدا من الضيعة وقليل الاتصالات نتالي:حسبي ربي وكيف الاسعار نغم:ولله اضرب من وقت انتو رحتو صار كلشي غالي اكتر من قبل حتى ربطة الخبز منموت الف موتة لنجيبا نتالي:هفففففف طيب حبيبتي خلص سكري عالموضوع نغم:اوكي حياتي بحكيكي بعدين باي نتالي:تشاو بغرفة غيث عشيق نغم غيث عم يحكي مع حالو:يا ربي نغم رح نروح من ايدي...معقول...بس انا بحبا وبدي ياها...كان لازم اطلبا من اهلا من الاول...استغفر الله...بس هي رح تروح بطريقا هلأ...هففففففف يعني خلص نغم مو إلي......انا روحتا من ايدي يعني الحق عليي خلص راحت لنصيبا لازم انساها * * * * * * * * * * * * * * * * بعد بكرا رح ياخد زكريا نغم بدون عرس او ملكة عشان محمد يلي توفى واخواتو ما قبلو يعملو عرس فاتو على بيتن الجديد وبلشت حياتن الجديدة......نغم كانت خجلانة كتيييير قعدت عالتخت بهدوء وهي منزلة راسها قرب زكريا لعندا وباس خدا برقة وبعدين رقبتا............خلينا نتركن لحالن ما بدنا نتدخل بخصوصياتن خلينا نروح لعند اممممم لعند عبير مرت محمد الله يرحمه خلينا نشوف حياتن بعد وفاة محمد * * * * * * * * * * الجدة:شو رأيك يا بنتي نطلع على تركيا عبير:على تركيا؟ما بعرف......كيف رح ندبر حالنا هونيك الجدة:لا تخافي من هالموضوع تركيا عاملة مساعدات للسوريين علشان الحرب عبير:ولله ما بعرف متل ما بدك الجدة:لكان بكرا بحكي مع فيصل عشان هالموضوع وانتي اقنعي حالك نور:واااااااو رح نطلع على تركياااا......يس خلود:لا تنبسطي كتير عم نقول يمكن نور:انتي شو حشرك الجدة:لا اله الا الله حاج تتقاتلو بتوول بووشناق وبمكان بعيد عن سوريا ......بلبنان وبالضاحية تحديدا نتالي:يعني بابا بكرا رح تسجلنا بال school احمد:انشالله نتالي:لحمدلله,اخييييييييرا شتقت للدراسة بس خايفة ما اتأقلم مع هالمدرسة احمد:لا عادي ما تخافي......انتي بأي صف السنة نتالي:ههههههه بابا انا ثالث ثانوي احمد بإبتسامة:ربي ييسر عليكي......شدي الهمة ها نتالي:انشالله......بابي ايمتين اول يوم احمد:بعد بكرا انشالله نتالي:امممم طب شو اسم المدرسة احمد:يوزرسيف اعتقد BATOUL BOUSHNAK تاني نهار..................... فاتت نغم عالمطبخ تحضر الفطور حضرتو وخلصت ولما فاتت عالغرفة تفاجئت باللي شافتو ما توقعت تشوف هالمنظر ابدا وايمت بصباحية عرسا قربت من زكريا وصرخت:......... ⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐ خللللللص قطعت عليكم؟؟؟؟ معلش بلكي تتفاعلو شوي هههههههه توقعاتكم؟؟ شو شافت نغم؟؟ كيف رح تكون ايام نتالي بالمدرسة؟؟ ليث شو رح يعمل ليوصل لنتالي او استسلم؟؟ غيث خلص فقد الامل ؟؟؟ بدي تفاااااعل |
رد: رواية وعد الروح/بقلمي:بتول بوشناق
السلام عليكم
كيفكن احبابي انا كتيييير اسفة لاني تأخرت عليكن كتير سامحوني ::>_<:: . . . . . . . . . . . . . . . . . . . . . . عبير:مرت عمي انا قتنعت انو نطلع على تركيا الجدة:الحمدلله يا بنتي اقتنعتي عبير:هاد احسن حل يا مرت عمي احسن من القعدة بنص القصف الجدة تنهدت:اااااااه الله يرحمك يا محمد عندما يغيب من نحب ينكسر شيئ في قلوبنا ولا نستطيع معرفته او اصلاحه وعندما يغمر الحزن ارواحنا نخرس تحت مسمى الخوف من اللانهاية أليس امرا مؤلما؟؟؟ (بقلمي) ←_←←_←←_←←_←←_←←_←←_←←_←←_←←_← ←_←←_←←_←←_← كان ليث قاعد لحالو ويتطلع عالفراغ............وينك يا نتالي لهلأ......إشتقتلك كتيييييير,وكييف بدي اقدر خليكي تآمني بالحب[تتذكروا الاتفاق اذا امنت نتالي بالحب رح تتزوج ليث وطبعا الكل بالعايلة بيعرف عن حب ليث الها وعن هالاتفاق]يا ليتك معي .....اديش عم اتعذب وانتي بعيدة عني بس لازم خليكي إلي لازم قربك مني كيف يا ربي كيف هفففففف ✨✨✨✨✨✨✨✨✨✨✨✨✨✨✨✨✨✨✨ نغم بصريخ:زكريا شو عم تشرب شو هالقرف زكريا ببرود:شو شايفة يعني.....هاد مشروب نغم بقرف:يععععععع يعني انت بتشرب؟ زكريا:اي بشرب,شو دخلك نغم:حبيبي انا بكره هالقرف تركوا بلييييز كرمالي زكريا بصريخ:خرسي,انتي لا تدخلي شو بشرب نغم ببكى:زكريا ليش هيك انا شو عملت زكريا قام ومسك شعرا بقوة:خرسي قلتلك ,هاد الناقص,تاني مرة لا تتأمري فهمانة نغم ببكى:اهئ اهئ اهئ خلص توبة بس اتركني دفشها زكريا بقوة عالارض وراح يكمل شرب ⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐ عندما تتكلم الاقدار يخرس الجميع هذا واقع الحياة!!! (بقلمي) ✨✨✨✨✨✨✨✨✨✨✨✨✨✨✨✨✨✨ فاقت نتالي وهي لسا حاسة بنعس بس كان لازم تقوم عشان تنزل عالسوق لتجيب مستلزمات المدرسة اخدت حمام بارد لان الدنيا شوووب لبست كنزة لتحت الركبة مع فيزون ضيق وحطت حجابها وراحت عالصالون وكان الكل قاعد باست راس امها وابوها وقعدت نتالي:ماما،يلا خلينا نقوم ندى:لوين انشالله نتالي:شو لوين ماما،بدنا نجيب غراض المدرسة ندى:لسا بكير وين راكضة هلأ نتالي:يالا ماما....بلييييييز ندى:حسبي ربي....قايمة البس قامت ندى تلبس وبعد اقل من دقيقة دق تليفون نتالي وكانت نغم رفعت السماعة وهي مبسوطة نتالي بفرحة:هلا بالعروس نغم ببكى:اهئ اهئ اااه يا نتالي اهئ نتالي بخوف:نغم حبيبتي شو في...شبك....شو صاير نغم:زكريا...زكريا يا نتالي زكريا نتالي:لك شبو زكريا....شو صاير نغم اهدي واحكي نغم وسط بكائها:واحد حقييير.....طلع واحد حقير..اهئ اهئ اهئ.....ااااااه من قلبي....اااه يا نتالي لو تعرفي وجعي...اهئ اهئ لك طلع بيشرب ولما حكيت معو ضربني...صار يضربني..اهئ اهئ اهئ.....انكسرت يا لولو....كسرني وكسر قلبيييي...لك ااااااه نتالي دمعوا عيونها:لا يا عيوني انتي....اهدي الله يخليكي اهدي......يا قلبي احكي من الاول شو القصة نغم:اهئ،يا ربي دخيلك نتالي:نغغم،حاج تبكي،احكيلي شو صار خلص نغم حكت كلشي لنتالي نتالي شهقت:حاولت حذرك من قبل بس انتي ما سمعتيني قلتلك بس انتي ما سمعتي نغم:نتالي لا تزيدي الطين بلة...اهئ انا تعبانة....تعبانة كتير نتالي:خلص يا قلبي حاج تبكي...خلص...روحي صلي اقرأي قرآن عشان تهدي ورجعي حاكيني بعدين نغم:اوك نتالي:يلا باي يا روحي نغم:بااي سكرت نغم من نتالي وبعدين غسلت وجهها وتوضت وصلت وقرأت قرآن وفعلا ارتاحت كتير طبعا زكريا ما كان بالبيت طلع من بعد ما ضربها بشوي....مر النهار بحزنو وسعادتو عالكل نام الجميع ومنهم حزين ومنهم سعيد وكل واحد حاطط ببالو شي...نتالي مبسوطة انو بكرا مدرستها بس كانت بنفس الوقت كتير متدايقة على نغم كانت عرفانة انو هالزواج ما رح يمر على خير وحاولت تحذر نغم بس ما في فايدة ونغم كانت رح تموت قهر نامت ودموعها على خدها رجع زكريا عالبيت وما حكي معها ولا كانو موجودة وهالشي قهرها وعالاقل يصالحها،ليث رح يحاول يوصل لنتالي باي طريقة اما غيث المسكين فقد الامل خلص هي راحت لنصيبها وهو مارح يقطع بنصيبها لو شو ما صار......هاد كان تفكير ابطالنا باليل....يتبع..... . . . . . . . . . . . . . . . . . . . . . . شو رأكن ببارت اليوم؟؟ انشالله عجبكن توقعاتكن شو رح تعمل نغم؟ كيف رح تقضي نتالي ايامها بالمدرسة؟؟ ليث كيف ممكن يوصل لنتالي؟؟ ومازن معقول يعرف بقصة زكريا؟؟ مين توقع من زكريا الشي االي عملو؟؟ يلااا سلااام احبببكم |
| الساعة الآن توقيت السعودية الرياض و الدمام و القصيم و جدة 12:37 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.