ازياء - فساتين سهرة و مكياج و طبخ - ღ بالصور إختارى فستان فرحك مع شكل جسمك ღ

- أزياء العروس (https://fashion.azyya.com/5)

ღ بالصور إختارى فستان فرحك مع شكل جسمك ღ

https://up.azyya.com/do.php?imgf=1431824081646.png

فستان الفرح حلم كل عروسة وصاحب الفضل في طلتك الخاصة

على الناس في ليلة عمرك، اعرفي ازاي تختاري الفستان المناسب

من بين كل الفساتين اللي بتتفرجي عليها بشكل يناسب نوع

جسمك، علشان يفضل ذكرى جميلة تحتفظي بيها العمر كله..

قبل ما نتكلم عن اختيار الفستان، تعالوا نتعرف على أشكال أجسامنا المختلفة، واللى ممكن تبسيطها في أربع أشكال

https://up.azyya.com/do.php?imgf=1446745576291.jpg

1- الساعة الرملية / The Hourglass:

ده الاسم المطلق على الجسم اللى بيتساوى فيه محيط الأكتاف مع

محيط الأرداف، وخصرصغير نسبياً.

2- المثلث / The Triangle:

بيقال على شكل الجسم انه مثلث لما بيكون محيط الأرداف أكبر من

محيط الأكتاف.

3- المثلث المقلوب / The Inverted Triangle:

بعكس المثلث، محيط الأكتاف بيكون أكبر من الأرداف.

4- المستطيل / The Rectangle:

بيتساوى فيه محيط الأكتاف مع الخصر مع الأرداف.

بعد ما بتحددي شكل جسمك، جه الوقت اللى تختارى فيه موديل فستان فرح يتناسب مع شكل الجسم ويظهر جماله، ويخفي العيوب غير المرغوب فيها.

فساتين الساعه الرمليه

جسم الساعة الرملية يناسبه أكتر من موديل من موديلات فساتين الزفاف، "فساتين الأميرات" اللي بتبدأ ضيقة عند الأكتاف ثم تنسدل بشكل واسع إلى الأسفل هيظهرك بشكل جذاب ومتناسق بجانب لمسته الرومانسية.

"الفستان الكلاسيكى" أيضاً من الموديلات المناسبة ليكي، وهو موديل بسيط من الفساتين يأخذ شكل الجسم بمجرد لبسه وفي العادة يصمم بأقمشة ناعمة منسدلة بخفة وتحدد الجسم كالحرير أو الكريب. ولإظهار جمالك وأنوثتك أكتر، اختارى فستان "عروسة البحر" أو "ذيل السمكة" أحد التصميمات التى تنسدل بشكل ضيق على الجسم بداية من الأعلى حتى الركبة ثم ينسدل فجأه على اتساع قليل فيأخذ شكل ذيل السمكة.

زى كده

https://up.azyya.com/do.php?imgf=1446745690171.jpg

فساتين جسم المثلث

جسم المثلث يناسبه جداً "فستان الخصر المرفوع" ويأتي بموديل يحدد أسفل الصدر ثم ينسدل واسعاً وبنعومة رقيقة على قوامك، فيخفي الأرداف الممتلئة ويظهرك بشكل أكثر اتساقاً وأكثر طولاً.

"الفستان التقليدى المنفوش أو الA-Line ايضاً من الموديلات المناسبة ليكي، وهو موديل اعتدنا عليه جميعنا لفساتين الزفاف، عادةً يبدأ ضيقا عند الصدر ثم ينسدل بداية من الخصر بشكل منفوش، وبيكون الفستان مطرز ومبطن من الداخل بالأقمشة الثقيلة الخشنة أو غير المنسدلة بانسيابية كالتول اللى بيساعد أن الفستان ياخد الشكل المنفوش اللي بيغطى الأرداف بشكل مثالى وجميل. "فستان الأميرات" ايضاً مناسب ليكي لطلة حالمة ورومانسية.

زى الصورة دى

https://up.azyya.com/do.php?imgf=1446745746641.jpg

فساتين المثلث المقلوب

العرايس صاحبات جسم المثلث المقلوب ممكن يضمنوا طلة غير متوقعة وجريئة باختيار فستان زفاف قصير، قصر الفستان بيتوازن مع نصف جسمك العلوى وبيشد الانتباه عن منطقة الأرداف ويركزه على الرجلين. موديلات "فستان الأميرات" و"عروسة البحر" أيضاً من الموديلات المناسبة لشكل جسمك.

https://up.azyya.com/do.php?imgf=1446745802421.jpg

فساتين الجسم المستطيل

الجسم المستطيل بيتماشى معاه موديلات متنوعة، ممكن تختاري "الفستان التقليدى المنفوش"، هيساعدك على الظهور بشكل أقرب لجسم الساعة الرملية لأنه بيبرز منطقة الخصربشكل انسيابى ومتناسق مع باقى أجزاء الجسم. موديل "الخصر المرفوع" أيضاً من الموديلات المناسبة ليكي، هيظهرك بشكل أطول وأكثر جاذبية، ولمظهر أكثر هدوء وبساطة، اختارى "الفستان الكلاسيكى"

https://up.azyya.com/do.php?imgf=1446745849521.jpg

بالإضافة لكل ما سبق، دي معلومات عامة يجب أخذها فى الاعتبار عند شرائك فستان زفافك:

1- التطريز هو عامل من عوامل جمال الفستان، ولو هتختاري ثوب زفاف مطرز، راعي أن يكون التطريز فى المنطقة التي تريدين لفت الانتباه إليها، على ان تكون المنطقة الممتلئة من جسدك مثلا خالية من التطريز أو مطرزة بشكل بسيط لا يجذب العين والعكس صحيح.

واختارى تطريز متقن ومدروس وتجنبي التطريز العشوائي، لإنه بيقلل من قيمة الفستان وجماله.

2- مكان الفرح هو ايضاً عامل من العوامل اللى لازم أخدها فى الإعتبار عند إختيار الفستان. لو الفرح فى مكان مفتوح، أو على البحر مثلا، إختاري تصميم بسيط وقماش مريح فى الحركة، وإبعدي عن التطريز المعقد. وإختارى من الموديلات المنفوشة أوالمطرزة لو الفرح فى فندق أو قاعة.

3- قبل الإتفاق النهائى على شراء أو تأجير فستان ما، احرصى على ارتدائه والمشى به، والجلوس به فى وضعيات مختلفة للتأكد من أن الفستان مريح ومرن، لتجنب أي مفاجآت غير مرغوب فيها يوم فرحك.