ازياء - فساتين سهرة و مكياج و طبخ - محتاجة مساعدتكم بليييز

انا عضوة جديدة وعندي مشكلة يا ريت تساعدوني
انا متزوجة من 8 سنين وبحب زوجي جدا وعندي 3 اولاد وطول عمرنا عايشين برة مصر وحصل لينا ان جوزي اتفنش وقعدنا في مصر سنتين شوفنا فيهم ايام صعبة جوزي سافر بلد تانية وبدأنا من جديد من ساعتها واحنا قررنا ان ولادنا يدخلو المدارس في مصر وتحنا نسافرله في الاجازات وخصوصا ان المصاريف المدارس برة غاليه ومرتبه ما يكفيش اكل وشرب وسكن ومصاريف مدارس برة
جيت الاجازة دي اقضي معاه الصيف اتفاجئت اني لقيت علي الماسنجر محادثة قديمة من سنة تقريبا بيبنه وبين واحدة وفي نقاش بينهم انها بتقوله انها حامل وهو بيقولها مش تبعي انا وانا معاكي كنت عامل احتياطاتي طبعا مفهوم ازاي بدون الدخول في تفاصيل وقالها روحي اعملي dnaونقاش من دة انا قريت الرسايل دي وجاتلي صدمة وخصوصا ان في صور متبادلة بينهم البنت دي اجنبيه انا واجهته قاللي مش انا دة صاحبي وكان بيتكلم من الماسنجر بتاعي عشان خايف من مراته
انا مش قادرة اصدقه طبعا لاني شايفه في المحادثة صوره وهو باعتهالها وهي عامله لايكات قديمة علي صور ولادي
انا مش قادرة اتحمل فكرة انه يعمل فيا كدة ومش طايقة اشوفه قدامي ومش قادرة ابعد عنه برضو لانه حب عمري وابن عمي وللاسف ابوه وامه متوفيين ومقدرش احكي لحد وانا وحيدة اهلي ولو حكيتلهم اكيد حيطلقونى وانا مش عايزة كدة مش طيقاه ومش قادرة ابعد عنه والولاد مرتبطين بابوهم جدا لانه بيدلع ويخرج طول ما احنا هنا بيعوضهم عن العيشة من غيرو في مصر
ساعدوني انا بقالي شهرين في القصة دي ومش قادرة انسي وبمثل طول الوقت عشان ولادي ما يلاحظوش اي توتر بيني وبين ابوهم
وبحاول امثل عليه اني بتعامل عادي عشان ما يزهقش مني ويشوف غيري
ساعدوني بنصايحكم اعمل ايه
وللعلم انا الوحيدة اللي وقفت جنبه في زنقاته وبعت دهبي وكنت بستلف عشان ما اشيلوش هم ايام ما كنا في مصر وفي نفس فترة خيانته دي انا كنت حامل وبراعي والده في مرضه 7 شهور في المستشفيات وانا من الستات اللي بتهتم بنفسها جدا يعني المفروض اني املي عينه بس معرفش عمل كدة ليه انا في نار جوايا ومش عارفة اطفيها