السلام عليكم ورحمة الله وبركاته

كيفكم يابنات واحلى قمرات يارب تكونو بخير

موضوعي جميل جدا جدا واكتر البنات بيحبوه جدا جدا
طبعا اللي مجربينوا :e036:

عارفين ايه هو ؟؟؟؟؟؟؟؟ طبعا قريتوا العنوان وعارفين هو ايه ايوة هو اقوى لوسيون لتطويل الشعر
وكل بنت جربتوا تعرف ان اقوى لوسيون لتطويل الشعر وخصوصا انه يناسب اي نوع شعر مهما كان

دهني جاف او عادي مهما كان نوع شعرك هتشوفي فرق مع الوسيون ده ان شاء الله لما تجربيه
بعد فترة وهتشوفي ان شعرك طول بشكل رهيب بامر الله وكمان حتى لو بتعاني من التساقط
هيقل عندك بشكل كتير جدا باذن الله وبفضله وهتفرحي بالنتايج

بس انا مش قصدي الوسيون ده عشان مخصوص اللي عندهم تساقط وراثي
عشان كل مشكلة شعر وليها علاجها المخصوص لحالتها وكدة

اما اللوسيون ده ياقمراتي فده مخصوص لتطويل الشعر بشكل سريع ان شاء الله
وكل اللي جرب الوسيون بتاعي ده عارف حلاوته لما شافوا نتايجه الحلوة اوي على شعرهم
وبعد فترة شعرهم بقى يطول بشكل سريع جدا بامر الله وبفضله والحمد لله على كرمه

طبعا انتوا لسة ماجربتوش اللوسيون بتاعي ده عشان انتوا لسة بتقروا موضوعي
لكن بعد ماتجربوه بامر الله هتشوفوا قد ايه هو جميل بالتطويل وهتشوفي فرق واضح معاه
ان شاء الله وهتفرحي بالنتيجة اوووووووووووووي اوي وهتدعيلي

يلة بقى نخش على مكونات اقوى لوسيون لتطويل الشعر ماشي
اولا هتحتاجي الحاجات دول اللي هم مكوناتهم من الاعشاب

ايوة ياقمري دي اعشاب والوسيون ده معمول
من عدة اعشاب تغذي بصيلات الشعر وبتساعد بشكل كبير جدا جدا على التطويل بامر الله
والاعشاب دول ياقمراتي هتلاقيهم عند اي عطار وانا بقى هقولك على اساميهم بكل نوع عشب منهم
نيجي بقى على اول عشبة واللي هي عشبة الروز ماري او ماتسمى باكليل الجبل
وطبعا العشبة دي هتلاقيها عند العطار مجففة بالشكل ده وزي مانتي عارفة ان النبات ده
ممتاز جدا بتطويل ومنع تساقط الشعر وتغذيته بشكل رائع واللي مجرب النبتة دي عارف كلامي
تاني حاجة هتحتاجي عشبة ديل الحصان واللي برظوا هتلاقيها عند العطار
العشبة دي رهييييييبة جدا جدا جدا جدا بتطويل الشعر بشكل اكتر من ممتاز ولانها ممتازة بتطويل الشعر
عملوها بشكل شامبو اعشاب وسموا الشامبو على اسمها لكن بقى الشامبو ده فيه الاصلي والتقليد
فعشان كدة استخدمي العشبة نفسها ههههههههههه وسيبك من الشامبو وخليكي في المضمون
المهم نرجع للموضوع
هتحتاجي كمان عشبة نبات الاس
وطبعا ياقمراتي نبتة الاس دي معروفة بتطويل الشعر بصورة رهيبة واللي جربها عارف الكلام ده
ودي برظوا هتلاقيها عند العطار
هتحتاجي كمان نبات الجرجير وده ياقمراتي هتلاقيه عن بتوع الخضار
وعلى فكرة نبات الجرجير ده لو مثلا عايزة تحطي لشعر طفلتك او انتي مثلا حامل او بترضعي
بلاش تحطي الجرجير ده لانه مش مناسب للاطفال ولا للحوامل واللي بترضع فهمتيياقمري
لكن بقى كل انواع الاعشاب حطيها عادي وممكن تستبدلي الجرجير بعشبة السدر عادي ياقمر
عشان نبات السدر فعال جدا لتطويل الشعر واللي مجربين نبتة السدر عارفة كلامي ده كمان ماشي
المهم بقى نرجع تاني للموضوع
هتحتاجي كمان ماء ورد اي نوع عندك مش لازم النوع بتاعي ده ويعني اي نوع عندك عادي
انا حطيت منه عشان يخفي ريحة الاعشاب مش اكتر ويخليها ريحتها حلوة على الشعر
كل الاعشاب دي هي من اقوى الاعشاب اللي بتساعد على تطويل الشعر بامر الله
وعشان كدة بقى الوسيون ده اقوى لوسيون لتطويل الشعر واللي جربوا من البنات اتهبلت عليه
وقالت انها مش هتستغني عنه ابدا ابدا لانها لاحظت الفرق بفضل الله ولان طول شعرهم بشكل سريع
مع ان من فيهم اللي كانت بتعاني من التساقط واللي قل بنسبة 80 في المية باذن الله من التساقط
اللي كان عندهم والحمد لله على كرمه
دلوقتي بقى عرفتوا مكونات الوسيون ياقمراتي وطبعا شوفتوا ان كل عشبة فيه ممتازة جدا
بتطويل الشعر باذن الله دلوقتي بقى نيجي على طريقة عمل الوسيون ماشي

على فكرة يابنات انا صورت كل حاجة من موبايلي عشان اوضحلكم اكتر ماشي
طريقة العمل كالاتي

اول حاجة هتعمليها هتحطي معلقة اكل من عشبة الروز ماري في طاسة او اي حاجة عندك
http://www.3rbz.com/uploads/a50e9b9b4ce42.jpgمركز تحميل الصور

تاني حاجة هتحطي معلقة اكل عشبة ديل الحصان كمان في الطاسة اللي فيها الروز ماري يعني
http://www.3rbz.com/uploads/18f9a5015e7d2.jpgمركز تحميل الصور

بعد كدة حطي معلقة اكل عشبة الاس فوق الخليط برظو
http://www.3rbz.com/uploads/61ec4b7285622.jpgمركز تحميل الصور

بعدها بقى خدي عشر ورقات من نبات الجرجير اغسليهم وافرميهم ناعم وحطيهم فوق الخليط ده كمان
وعلى فكرة الجرجير ده زي ماقولتلك لو حامل او بترضعي او لطفلتك بلاش الجرجير وحطي معلقة اكل
من نبتة السدر المجفف والمطحون او عشر اوراق من السدر لو مش مطحون يعني فهمتي ياقمري
لكن انا هنا حطيت الجرجير وخدت عشر ورقات منه غسلتها وفرمتها وحطيتها فوق الخليط ده كمان
http://www.3rbz.com/uploads/25455e4c6d532.jpgمركز تحميل الصور

بعد كدة بقى حطي نص كوباية مية ورد فوق الخليط ده برظوا
http://www.3rbz.com/uploads/c74d97c643222.jpgمركز تحميل الصور

بعدها بقى ياقمر حطي الخليط ده في حلة صغيرة وحطي عليهم كوبايتين مية عادية
وبعد كدة حطيهم على النار
حطي الخليط ده على نار هادية لمدة نص ساعة لحد ماتشوفي ان المية اتبخرت منها تقريبا
كوباية ونص هم اللي هيتبخروا وهيفضل عندك حوالي كوباية كاملة ودي هتكون لونها خضرا
ويعني لما تحطي النص كوباية من مية الورد مع كوبايتين مية عادية وتحطيهم على النار
هيتبخروا عندك كوباية ونص ويفضل حوالي كوباية واللي هتبقى لونها خضرا عشان الاعشاب
بقت مطبوخة عندك يعني فهمتي ياقمري

بعد مابقت عندك حوالي كوباية من المتبقي من المية دي طفي النار دلوقتي
وسيبي المية مع الخليط برظوا لنص ساعة عشان الاعشاب تدوب كمان بالمية السخنة
اللي هي طبعا الكوباية اللي فضلت من المية فهمتي ياقمراية

بعد النص ساعة التانية دي كمان صفي الخليط بمصفي ناعم وخدي المية الخضرا دي
وحطيها في طاسة وبرديها شوية كمان ماشي
http://www.3rbz.com/uploads/cb4d5a069a462.jpgمركز تحميل الصور

بعد كدة وبعد ماصفيتي المية من الخليط وبردتيه شوية كمان دلوقتي بقى حطي المية دي
في بخاخة وبالشكل ده بقى عندك لوسيون جاهز للاستخدام
نيجي بقى على طريقة الاستخدام ياقمراتي وهي كالاتي

بليل وقبل ماتنامي ياقمر حطي من البخاخة دي على فروة شعرك وانا بقولك اهو على فروة الشعر وبس
مش اكتر فهمتي ياقمر وبعد ماتحطي لكامل فروة شعرك اعملي تدليك خفيف بايدك على الفروة
لمدة خمس دقايق عشان تحركي الدورة الدموية وعشان تساعدي اللوسيون انه يدخل جوة المسان
وبعد كدة سرحي شعرك ولفيه بالبونية ونامي والصبح بقى اخلعي البونية دي
وبعدها اغسلي شعرك بمية وشامبو عادي زي كل مرة وعلى فكرة استعمال الوسيون ده تلات مرات
من كل اسبوع وعلى فكرة النتايج تبان من اول شهر لكن بقى لازم تفضلي تستعملي اللوسيون
ده لمدة تلات شهور ان شاء الله عشان يطول شعرك
ومتخافيش حتى لو وقفتي الوسيون مش هيتساقط شعرك
ولا هيرجع زي مكان لانه اتغذى من اللوسيون ده بشكل ممتاز
وعشان اللوسيون ده امن جدا لانه من الاعشاب
يعني مش هيضر شعرك نهائي ان شاء الله وبفضله وهتشوفي
ان شعرك بقى احسن بكتير عن الاول
وبكدة انا خلصت موضوعي ده ويارب يكون عجبكم ونال رضاكم
معاكم خبيرة التجميل همسات الملائكة

بااااااااااي