ازياء - فساتين سهرة و مكياج و طبخ

السلام عليكم
بنات ابي مشورتكم ادري ان مشكلتي صارت حق اغلب البنات

انا عمري 27 سنه وللحين ماتزوجت ودي اتزوج ودي يكون عندي بيت و عيال ودي احسب شعور الام
مااقول لكم اني ماانخطبت ابد لا انخطبت كثير بس دايم اهلي يرفضونهم
و فوق ذا كله ابدد مو حاسسه اني عايشه مرتاحه يعني اهلي و قرايبي كانوا يستهترون فيني لاني للحين ماتزوجت و حطوا ف بالي فكره ان الوحده من توصل ال 27 خلاص محد يبيها
عقب ماركزت هالفكره ف بالي و خلوني اعيش ف هم و ضيق صاروا يدعون لي و يقولون لا فيه ناس اكبر منك تزوجوا و مدري ايش

مره ناس كلموا بنت خالتي و قالت لهم عني بس اول ماعرفوا ان ابوي يرفض الشوفه الشرعيه قالوا لها مانبيها شوفي غيرها

تخيلوا كل ماانخطب اهلي يسألون عنه و اللكل يمدحونهم بس من يقولون نبي الشوفه يرفضونهم
عكس اختي يوم عرف ابوي ان اللي متقدم لها يصير ولد اخو صديقه وافق
وربي مااحسد اختي ولا شي بالعكس وربي فرحانه لها و اتمنالها السعاده من كل قلبي

بس ش معنى انا يوقفون ب طريقي ً حلمت ب حلم وعقب مافسرته عند مفسر قال ان تفسير حلمي ان الناس يحملوني فوق طاقتي يعني اهلي و هو السبب ف تأخير زواجي ً

تخيلوا صرت مااحب اروح مكان فيه جمعات صرت اتضايق و تدمع عيني كل مااشوف وحده اصغر مني مع عيالها ً

ودي افرح ودي او تتحقق هالامنيه ً من اقول ل امي ان ودي يكون عندي عيال تضحك وتسلك لي تقول الله بيرزقك

صارت الوحده ملازمتني ف كل مكان ماصرت احب اختلط ب اهلي كثير و لا اختلط مع قرايبي صرت افضل الوحده و العزله عن اللكل 💔

ادري الاغلب بيقول لي الزواج مشاكل و مدري ايش ً ترا مو اللكل مثل بعض

💔💔💔💔