ازياء - فساتين سهرة و مكياج و طبخ - (( خــنتني !! وشـلون ؟! علمني الصحيح ))

- ادب و خواطر (https://fashion.azyya.com/40)

(( خــنتني !! وشـلون ؟! علمني الصحيح ))

جيتني " نادم " من الدنيا تصيح
ما تنام الليل وأدري ما , ربحت!

شوف وش سوى عنادك ؟ يا جريح
لا [ مريِّحني ] .. ولا حتى إسترحت !

من فتحت الباب .. جاني منْه ريح ..
طرت من إيدي وأشوف إنِّك ( فرحت ) !!

لا تصدِّق .. كل من جاك بـ " مديح " ..
من عدوي , ياما واللــه إنمدحت ..!

شمعة الفرحه من أخطائك ..- تسيح !
( الغَرَق ) محتوم لك .. مهما سبحت !!

منظر " الفرقا " .. ترى جداً [ قبيح ] !!
مو نصحتك ؟ ليه يعني ما إنتصحت !!

صرت في وصلك عن عيوني شحيح ..
إنعمت عين الوصل ..
وينك !
سرحت ؟!

إعترف في غلطتك ..خلك " صريح " ..
لا تكابر بـ الخطا دامك جرحت !!

كان ودِّك في فراقي . . تستريح ؟
بسمَع الموضوع كامل لو سمحت !

خنتني ! وشلون ؟! علِّمني الصحيح !
وين عنِّي رحت / عنِّي وين رحت ؟

كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!

نقلت بما نالت به ذائقتي

رد: (( خــنتني !! وشـلون ؟! علمني الصحيح ))

كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!

تسلم اناملك لما سطرت من سطور رائعه

دمتي سعيده

تحياتي

رد: (( خــنتني !! وشـلون ؟! علمني الصحيح ))

كلمات روووعة وحزينة
اشكرك ياعمري ع الخاطرة

رد: (( خــنتني !! وشـلون ؟! علمني الصحيح ))

بوح جميل...كلمات معبره ..حروف رااائعه

اقدم إعجابي بقلمك

قلم يكتب الكلمات ..بعطر الحنين .. والشوق .. والعتاب

يبحر بنا في عالم الحروف .. الرائعه ..

احساس رااااااااااائع ..

لتبقى الكلمات .. في قمة روعتها ..

لك جل احترامي وتقديري,,,