ازياء - فساتين سهرة و مكياج و طبخ - تصدقون اهلي طلعوا موب اهلي!!!!!!

اس اس الــسلاااام عليكـــــــوا .... ازيكـــــــــوا يــا ورعــــــااان

هذا الله يسلمكم قبل مده ذاك اليوم وانا جالسه على كنب بيتنا << يعنني عندنا كنب

واجلس اقلب في جريدة الرياض وكل شوي طايحه على الارض

واقرى ذاك الخبر حق الجيزاني الي بدلووه مع تركي ولخبطه

و جاني احساس وشعور والهام ومها ومنيره

وجلست افكر وافكر وافكر وغفيت شوي ثمن صحيت وكملت تفكير

وقلت لايكون انا بعد مبدله << معد ورى

واروح لاميمتي وهي في المطبخ ولاهيتن تزين مصابيب

انا : يمه يمه يمه يمه

مامي << يقالي كشخه : وجعتين وشو << حنونه امي

انا : انا بنتك ؟

اميمتي :

لا انتي بنت ام الدحمي جيرانا

و ارووح اركض لغرفتي وانا ابتسي ودمعي اربع اربع : واستلقى على سريري وامسك دبي واجلس ابتكي وابتكي وابتكي << نصابه قصم ماعندي دب بس يقالي مثل هالبنات خخخ

لا صدق و انقز واجيب شنطتي وحطيت فيها لاب توبي وقواطي تونه وفكس

وانزل و البس عباتي واكتب رساله وداع لاهلي واعلقها على الباب

(( إلى اهلي النصابين الي قالو اني بنتهم وانا منيب بنتهم

تراني برووح الى الابد

الى اللقاء

ابنتكم المخلصه ))

المهم واروح لبيت ام الدحمي
وادقدق الجرس عليهم

واسمع ذاك الصووت الي يوم سمعته يفز قلبي وحسيت فيه حنان امومه << امحق

خيرررررر وجع بلا وجع وشذا الازعاج

ويوم انفتح الباب وجتني رجفه

واجلس اصيح واضم الحرمه اللي فتحت لي الباب يمه يمه اشتقت لك وراك تركتيني وش انا فعلت لكم !!!!

ام الدحمي : قصم موب بيدي بس رجلي غصبني << تعيش الجو بسرعه

واجلس ابكي صدق يعني انا بنتك صدق ؟

ام الدحمي : هااو وشو بنته الله يصلح حالك اقول طسي بيت اهلك بس

انا : بس انتي امي

ام الدحمي : من زينك عشان اصير امك انا بحلتن بذا الي عندي تجين تنشبين لي

انا : الله وعندي اخوان بعد <<< يعنني موب مسنتره عن جيراننا 24 ساعه

ام الدحمي : قصم مالي خلقك وخري من خشتي خليني اروح اكمل غسيل الحووش

انا : طيب اذا انتي موب امي من امي ؟؟؟؟؟

ام الدحمي : انتي اصلا امك خطفتك من ايطاليين ولا انتي منتب سعوديه

انا : وانا اقووول وراني احس اني اهبل وفيني زين مهوب في احد << مشكله الثقه

ام الدحمي : اقول صدق صدق شكل ماعندك مرايات في البيت تلايطي بس << اخلاق سياحيه

و ترقع في خشتي واتحطم واجلس اركض في الشارع ابكي وشعري يتطاير <<< ودي دايم اسويها

المهم وقلت يابنت مالك الا اهلك

وارجع لبيتنا وانقز بدوون ماحد يشووفني واشقق الرساله << يعنني ما هجيت

وانقز لغرفتي واحط قواطي التونه تحت السرير واخمد

طبعا وبعد اسبوووع من المووضوع إلا كل الحاره دارين عن سالفتي

وام دحيم ماخلت احد ماقالت له وكل ما شفت احد قام يضحك علي

لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله

وصارت سالفتي على كل لسان ..

ـ ما يستفاااد :

1- ترى اهلك هم اهلك لاتفكر تتركهم

2- كل السالفه نصب << قولي قصم بس

3- لا فكرت ان اهلك مهوب اهلك لاتروح لام الدحمي وتقول لها انتي امي

منقـــــــــــول