ازياء - فساتين سهرة و مكياج و طبخ

أدري إنك ماتصدق .. بس والله فوق والله ..
والله إنه راح مني نصف عمري في غيابك !!
وأعرف إني شلت همي تارك حبي على الله
كني أبعد من نجوم الليل وأقرب من ثيابك
ياعساك وياعساني وياعسانا وياعسى الله
ياعسى الدنيا تموت وما يعيش إلا ترابك
يا أحبك واعشقك واهواك وإلا يفتح الله
ماتعودت افتخر باحساسي إلا تحت بابك
إيه أحبك والقضية واضحة والشاهد الله
يطرد المظلوم خصمة وأنت خصمي ياهلا بك
ياهلا بك يوم تجرح خافقي ويسامح الله
ياهلا بك يوم تلحق غيمتي وألحق سرابك
جابك الله في حياتي ياحياتي جابك الله
ليش مدري وين مدري كيف مدري بس جابك
كل ماقلت إبتدينا في المحبة قلت يالله
مادريت إن النهاية بين بعدك وإقترابك
أحسب إني كل شي في عيونك يعلم الله
وأثر عينك مستعفة .. ماتحب إلا حجابك
إنظلمت ولا شكيت .. ولاتركت الأمر لله
كان همي أنتظر باقي عذابك في عذابك
الله الله .. إنتبه وإحذر وفكر .. والله الله
مثل ما أحسب حسابي في هواك إحسب حسابك
ماطلبت المستحيل ولا رجيتك شي لله
ما طلبتك أرتفع من حجرتي وأسكن سحابك
يصرخ القلب المعذب .. يالمعذب وكّل الله
شاب حبك في عيوني وأنت توك في شبابك
رحت شي وجيت شي مختلف ياحسبك الله
تدري إني مابغيت أجلس مع حضرة جنابك
غيّرك ذاك الزمان .. ويازماني منك لله
ليش ماغيّرت فيني شي يوم إني أهابك
ليش ماعلمتهم عن قصتي وتوحد الله
يعرفون إنك سؤال ويعرفون إني جوابك
ويعرفون إني حلفت ولا عرف أغلى من الله
والله إنه راح مني نصف عمري في غيابك