هنلبس إيه في الصيف؟ارجو التثبيت
 

https://photos.azyya.com/store/up1/0805092335583xNh.gif


جبتلكم موضوع جديد جدا بمناسبة دخول فصل الصيف لكن اتمني القرائه باهتمام وردكم العطر علي الموضوع
ولو فيه واحده دخلت ومسجلتش ردها بجد هزعل لان الموضوع بجد يستاهل
اخليكم بقي مع الموضوع


https://photos.azyya.com/store/up1/080504224450NcDM.jpg



كلكم متفقين معايا إن ملابس الصيف لها طبيعة خاصة جدّاً بتميزها سواء من حيث خامة القماش أو لونه أو من حيث تصميم الموديل نفسه وزي ما أنت عارفة برضه إن كل بنت ليها جسم يختلف عن التانية...

يعني مثلاً فيه بنت رفيعة، وفي بنت ممتلئة، وفي بنت قصيرة، وفي بنت طويلة، وكل واحدة من دول لها قماش معين يناسبها، ولها لون معين يناسبها، ولها كمان تصميم معين يناسبها.. موافقاني في الكلام ده ولا لأ؟؟..

بما إننا متفقين من حيث المبدأ يبقى تعالوا نعرف مع بعض واحدة واحدة إيه اللبس اللي ممكن نلبسه في الصيف، ويكون مناسب لنا، وفي نفس الوقت يكون شيك...

نشوف مع بعض
بالنسبة للبلوزات
https://photos.azyya.com/store/up1/080504224450eQda.jpg

تعتبر البلوزة من القطع الأساسية اللي مفيش بنت تقدر تستغنى عنها في الصيف، وده لأنها عملية جدّاً في اللبس، ومناسبة جدّاً لكل الأعمار ولكل الأوقات يعني من الآخر كده تقدر تلبسها البنت اللي في ثانوي والبنت اللي في الجامعة واللي بتشتغل، وكمان تقدري تلبسيها في أي وقت الصبح وبعد الظهر...

بس وأنت بتشتري البلوزة لازم تاخدي بالك وتختاري موديل يناسب طبيعة جسمك؛
يعني مثلاً:
لو كنت ممتلئة الأرداف:يبقى يا ريت تبعدي نهائيا عن البلوزات القصيرة والطويلة قوي، اللي على شكل (تونيك)، واختاري البلوزة اللي يكون نهاية طولها عند منتصف الأرداف..
وده لأن البلوزة القصيرة بتبرز جدّاً امتلاء المنطقة دي، والبلوزة الطويلة قوي هتظهر المنطقة دي وكأنها عريضة أكتر من اللازم.
https://photos.azyya.com/store/up1/0805042317358FPq.jpg

لو كنتِ ممتلئة الذراع:يبقى يا ريت تختاري البلوزة اللي يكون كُمّها واسع وطويل والكتف ساقط عشان يخفي العيب ده، وعلى فكرة كمان الكم "الشارلستون" مناسب جدّاً وبيداري امتلاء الذراع.
https://photos.azyya.com/store/up1/080504231736Y6bg.jpg

لو كنتِ صاحبة صدر كبير:ودي مشكلة بتشتكي منها بنات كتير قوي، وحلها إنك تراعي إن لون البلوزة يكون غامق، وتفتحي لون البنطلون من تحت..
https://photos.azyya.com/store/up1/080504231739naMk.jpg

وتبعدي نهائيا عن البلوزات اللي فيها قصات من تحت الصدر أو فيها تطريز على الصدر أو تحت الصدر علشان ما تلفتش النظر إلى امتلاء المنطقة دي.
https://photos.azyya.com/store/up1/080504231739uS24.jpg

ويا ريت كمان تبعدي في اختيارك عن البلوزات المصنوعة من القماشات الخفيفة...
https://photos.azyya.com/store/up1/080504231740gvqf.jpg

لو كنتِ قصيرة:بصي يا ستي لو كنتِ قصيرة يبقى يا ريت تختاري البلوزات اللي مقلّمة بالطول، وتبعدي عن البلوزات المقلمة بالعرض..
https://photos.azyya.com/store/up1/080504231740XYcm.jpg

وابعدي عن البلوزات الطويلة "التونيك" واختاري البلوزات متوسطة الطول..
https://photos.azyya.com/store/up1/080504231740916w.jpg

لو كنتِ ذات قوام مليان:يبقى ابعدي عن الأقمشة المضلعة خاصة في منطقة الوسط والأرداف؛ لأنها تلفت النظر للمناطق الممتلئة في الجسم.
https://photos.azyya.com/store/up1/080504231740C5Gd.jpg

كمان ابعدي عن البلوزات أو القمصان المنقوشة بنقوشات كبيرة أو مشغولة بكثرة من التطريز؛ لأنها ستظهرك أكبر مما أنت عليه في الواقع خاصة النصف العلوي من جسمك.
https://photos.azyya.com/store/up1/0805042317413B2I.jpg

لو كنتِ رفيعة:هتلاقي إن كل أشكال البلوزات مناسبة لكِ جدّاً.



بالنسبة للألوان اللي نازلة الصيف ده
https://https://www.boswtol.com/mastab...4/kamar_04.jpg


صيف 2008 بتميز بوجود بلوزات بألوان كتير قوووي زي "الروز" و"اللبني" و"الأصفر" و"الأخضر" و"البستاج" و"التركواز" و"البرتقالي" بالإضافة إلى الألوان الثابتة زي "الأحمر" و"الأبيض" و"البيج" بدرجاته المختلفة.. ده بالإضافة إلى وجود بلوزات فيها ألوان متداخلة مع بعضها..

وعلى فكرة مبقاش فيه حاجة اسمها إن اللون ده مش موضة لأن كل الألوان بقت موضة وبكده بقى عندك فرصة كبيرة جدّاً للاختيار..


ودي تشكيلة بلوزات ممكن تبصي وتطلي عليها

https://photos.azyya.com/store/up1/080504231741dn2Y.jpg

https://photos.azyya.com/store/up1/080504231742l9M6.jpg

https://photos.azyya.com/store/up1/080504231742aL2R.jpg

https://photos.azyya.com/store/up1/080504231742A8fM.jpg


يتبع

رد: هنلبس إيه في الصيف؟ارجو التثبيت
 

الفستان

https://photos.azyya.com/store/up1/080504230412jRm6.jpg

دي كمان قطعة ممكن تلبسيها في الصيف والفستان فيه منه أشكال كتير قوووي، ففيه مثلا الفستان القصير اللي ظهر بشكل كبير في السنتين اللي فاتوا، ولسه موجود برضه موضة الصيف 2008.

ومع الفستان ده هتحتاجي تلبسي بادي وبنطلون سواء جينز أو قماش..

وعلى فكرة الشكل ده مناسب أكتر للبنات الصغيرين من سن 16 سنة إلى سن 23 سنة..
https://photos.azyya.com/store/up1/080504230413m31D.jpg

https://photos.azyya.com/store/up1/080504230413QKMx.jpg

https://photos.azyya.com/store/up1/080504230413q2vv.jpg

https://photos.azyya.com/store/up1/080504230413JTrX.jpg

وبرضه لازم تاخدي بالك إن الشكل ده علشان يكون شيك في اللبس محتاج إن اللي تلبسه تكون بنت جسمها مش مليان خاصة من منطقة الصدر والإيد والأرداف..


كمان في الفساتين الطويلة ودي موجودة من زمان، ولسه برضه موضة، وفيه منها القماش والجينز ودي هتحتاج إنك تلبسي معاها بادي بس لازم تاخدي بالك من إنك لو كان ذراعك مليان يبقى يا ريت إنك تلبسي مع الفستان ده بلوزة سادة وبلاش بادي.

ودي تشكيلة من الفساتين

https://photos.azyya.com/store/up1/080504230414ZoHc.jpg

https://photos.azyya.com/store/up1/080504230414HztV.jpg

https://photos.azyya.com/store/up1/080504230414KKh4.jpg

https://photos.azyya.com/store/up1/080504230414e9pC.jpg



بونشو

https://photos.azyya.com/store/up1/0805042316132Zpn.jpg


ده ظهر السنة اللي فاتت، وانتشر بشكل كبير جدّاً، ولسه موجود موضة في صيف 2008، ومعاه هتحتاجي تلبسي من تحته بادي؛ لأنه غالبا بيكون مصنوع من القماش الشيفون، وكمه بيكون واسع، وعلى فكرة الشكل ده مناسب لكل الأجسام..

ودي مجموعة ممكن تبصي وتطلي عليها

https://photos.azyya.com/store/up1/080504231614kb19.jpg

https://photos.azyya.com/store/up1/080504231614IIxk.jpg

https://photos.azyya.com/store/up1/080504231614Gizx.jpg




الجوب

دي قطعة مهمة جدّاً ومفيش بنت تقدر تستغنى عنها سواء في الصيف أو الشتاء...

وصيف 2008 بيتميز بوجود جوبات بخامات متنوعة، فهتلاقي الجوب المصنوعة من "الجبردين" و"البوبلين" و"الكتان" بأنواعه، وكمان نازل جوبات من قماش "الشانتونج" و"الحرير" و"الدانتيل"، بالإضافة إلى الجوبات "الجينز".

كمان هتلاقي تنوع في التصميمات بين الصك والإيفازية والكلوش علشان كده عايزاكي تبقي شاطرة وتختاري الجوب المناسبة لطبيعية جسمك..

يعني مثلاً

لو كنتِ رفيعة:يبقى يا ريت تختاري الجوبات اللي فيها نقوش وشغل كتير زي التطريز مثلاً أو اللي قماشها مشجّر، وابعدي نهائيا عن الجوبات السادة والجوبات الصك..
https://photos.azyya.com/store/up1/080504231615jCtp.jpg

https://photos.azyya.com/store/up1/0805042316150NqA.jpg

https://photos.azyya.com/store/up1/080504231615Edb7.jpg

https://photos.azyya.com/store/up1/080504231616DTjs.jpg

https://photos.azyya.com/store/up1/080504231616FQI6.jpg

لو كنتِ ذات قوام مليان:يبقى اختاري الجوبات السادة، وابعدي عن الجوبات اللي فيها شغل كتير أو اللي قماشها منقوش؛ لأنها هتبينك أكثر بدانة مما أنت عليه.
https://photos.azyya.com/store/up1/080504231616AlXC.jpg

https://photos.azyya.com/store/up1/080504231616Bph0.jpg

https://photos.azyya.com/store/up1/080504231617fsPD.jpg

https://photos.azyya.com/store/up1/080504231617KAoW.jpg


كمان خدي بالك إنك في حالة ارتداء الجوبات الجينز اختاريها خالية من الجيوب الكثيرة.

https://photos.azyya.com/store/up1/0805042316171AqE.jpg




البنطلونات

أهم حاجة بتميز صيف 2008 هي اختفاء البنطلونات الجينز اللي فيها تطريز من على الرجل والبنطون الباجي.. وعودة موضة السبعينيات في البنطلونات القماش "اللي بتتميز بإن رجل البنطلون بتبقى واسعة جدّاً".

https://photos.azyya.com/store/up1/080504231617Dm8F.jpg

https://photos.azyya.com/store/up1/0805042316183V4j.jpg

https://photos.azyya.com/store/up1/080504231618dpfU.jpg

كمان بيتميز الصيف ده بوجود بنطلونات بخامات متنوعة بين القماش والجينز والكتان..
https://photos.azyya.com/store/up1/080504231618hAop.jpg

https://photos.azyya.com/store/up1/080504231619vyvO.jpg



وبالنسبة للألوان فصيف 2008 بيتميز بوجود بنطلونات بألوان جريئة جدّاً زي "الأحمر" و"الأبيض "و"البرتقالي" و"الموف، "ولو عايزة تبقي بنت متميزة في الصيف ده يبقى احرصي أن يكون في دولابك بنطلون أبيض؛ لأنه بيدي شياكة خاصة لو اتلبس معاه بلوزة ألوانها فاتحة

https://photos.azyya.com/store/up1/080504231619e1kx.jpg

https://photos.azyya.com/store/up1/080504231619Dv8p.jpg

https://photos.azyya.com/store/up1/080504231619IBeL.jpg

https://photos.azyya.com/store/up1/0805042316204M5o.jpg


بس كده خلاص خلص كلامنا النهارده..

يارب الموضوع يعجبكم واسفه للتطويل
مستنيا ردودكم

رد: هنلبس إيه في الصيف؟ارجو التثبيت
 

رد: هنلبس إيه في الصيف؟ارجو التثبيت
 

مشكوره مرورك سندس والسرعة في الرد
بس شكلك ما قرائتي الموضوع لانك رديتي قبل التكمله
مشكوره

رد: هنلبس إيه في الصيف؟ارجو التثبيت