ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   ادب و خواطر (https://fashion.azyya.com/40)
-   -   رجع يسأل عن اخباري (https://fashion.azyya.com/81179.html)

تح ــوها البشر 09-03-2009 02:34 AM

رجع يسأل عن اخباري
 









رجع يسأل عن اخباري بعد غيبة سنه وشهرين

رجع يبكي ويتألم , يقول : ارجوك واسيني

رجع كنّه يظن اني سعيد بدنيتي او زين

وهو مايدري الدمعه لو اتاخرت تسريني

دمع هل الوجع كنه جمع في غيبته جرحين

وانا عيني بدت تدمع على حزنه وتبكيني

يقول الدنيا خانتني وبعدك ياصقر سكين

ولاحدٍ ياصقر غيرك يقدّرني ويراعيني

طبيبي ضقت بغيابك حبيبي حيل انا مسكين

وانا جيتك بهالليله وتكفى لا تخلينـــــــــــي

وانا لامن نطق تكفى عطيته لو طلب هالعين

واجود بكل مايملك خفوقي وتملك ايديني

وقلت ابشر../ ولايهمك../ تدلل ../ وش تبي يازين

تراني فدوة عيونك لو انك جيت تشقيني

حبيبي لو تبي القمره عطيتك فوقها ثنتين

بعد لو تطلب النجمه اجاوب جيتك اضويني

بعد هذا ضحك بعثر همومه سلهم الرمشين

وقال الله ياطيبك وانا ظنيت ناسيني

صراحه..؟ حيل تحرجني بطيبك يََاطيب الغالين

ولادري كيف ابوفيلك حبيبي وانت تعطيني

وحط ايده على صدري ودموعه بللت خدين

ياويلي لا نزل دمعه وحط عيونه بعيني

كإن البرق متجمع مع السيل بذرا الجفنين

ياويلي لاغمزت عينه اموت ويلتعن(......)

تعال وعاد دورني بحزتها وشفني وين

مََن بين العين واطراف الشفاة اللي تناديني

بعد هذا تسامرنا وتواعدنا بعد يومين

وصيته على قلبي وهو مثلي يوصيني

تواعدنا على الجمعه ولاجاني إلى "الاثنين"

وطاف اسبوع والثاني وشوقي يشتعل فيني

تصدق عاد يالسامع..؟ ولا جاني إلين الحين

وقبل تسأل عن اسبابه بجاوب وانت واسيني

لإنه مات في حادث وانا متّ بغيابه لين

عرفت إني كذا ببقى ولااحدٍ يقوى يحييني

رجع كنه رجع ياخذ حياتي ويترك السكين...

هنا في صدري مركوزه .. المها في شرايني






















اتمني ينال اعدابكم :11_1_212[1]:

((ندى)) 09-03-2009 12:29 PM

رد: رجع يسأل عن اخباري
 
يعطيك الف عافيه حبيبتي ع الطرح الرااااااااااائع

والمميز

بانتظار جديدك يالغلا

تح ــوها البشر 09-03-2009 08:27 PM

رد: رجع يسأل عن اخباري
 
الله يعافيك
يالغلا


الساعة الآن توقيت السعودية الرياض و الدمام و القصيم و جدة 05:00 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0