دارميـــــــــــات
https://i164.photobucket.com/albums/u...00/alsalam.gif بعد ما اوصي كلبي يعاتب الروح شيفيد العتب وتريد احاجيك ماشه نار حبك تلهب وياي كافي انزف جرح وتريد اداويك تحركني بغرامك واشتعل نار وهسه تريد ترجع ما اخليك ياريتك تجي وتشوف الجروح تلكاهن خطيه يسولفن بيك شسولفلك عليهن والله محتار ياجرح التشوفه ابناره يجويك احبك حب عراقي يحب الهموم اصيل وشايل الدمعه ويسليك حبيتك طفل عايش وياي ياعشك الطفوله شلون أأذيك سامرتك ليالي وكلبي مذبوح مثل نجم السعد بحضاني الوليك يدك ناي الحزن وي صفنه الليل حد وجه الصبح موال اغنيك واسولفك عليه وحالي خلصان بس عندي المهم لازم اداريك شوف اثار حبك بين العيون بين شيب بيهن وانت مابيك وبين بالكلب حبك نياشين بعد شكثر بعد وتريد اراويك بين كلشي بين منك وياي سلاما على الجروح البيهه اباريك جنت شمعة بحياتك تطرد الليل هسه الشمعة ذابت بيش اضويك اترس حضني الك بدموع العيون واذا راحن عيوني اشلون ارويك من ماي الكلب شربتك وياي وافتحلك نهر من كلبي وسكيك هسه الكلب مات او مو كلب صار جثه ابنص جسم حاجيني شنطيك لميتك دمع بعيون الايام كلي شراح اكلهن لمن ابجيك ألملم ذكرياتك حتى ارتاح وشوف شباقي بيهن حتى ابديك طبع ذيب الوكت لتأمنه الجروح زمان الضحكك لازم يبجيك اتمنى ان تكون نال رضاكم تحياتي لكم :sddhgh: ممــــــــــــــــــــــــــــ ـــــا راق لي |
رد: دارميـــــــــــات
لقلمك زخات جورية والى فكرك عطاء
غير محدود كل يوم لقلمك شيئ غير عادي ارفقي علينا ... فما عدنا نســـــــــــتطيع الوقوف امام خيالاتك وابداعاتك تحياتي الاخويه لك تسبقها احلى واجمل روائح العطور تحياتي ندى |
رد: دارميـــــــــــات
اسعدني تواجدك بين ثنيا اقلامي زدتي موضوعي روقيا بمرورك الكريم |
الساعة الآن توقيت السعودية الرياض و الدمام و القصيم و جدة 06:28 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.