لاتجعلى ثمن طفلك طقم الماس
هذي قصه سمعتها وحدثت في قاعه للافراح في احدى المدن خلال موسم زواجات هذا الصيف وحقيقه حبيت انقلها لكم بلهجتها العاميه لبيان ان الناس اجناس قاعه في احدى المدن (ماراح اذكر اسماء المدن ولا العوائل للخصوصيه) مسوين نظام ان حوش القصر في جهه الحريم يكون للشغالات والاطفال راحت وحده من خلق الله وحطت طفلهامع الشغاله ودخلت العرس بعد ما دخلت بنص ساعه جت وحده من الحريم وقربت من الطفل وبدت تلاعبه وتقول يا حليلك تغيرت علي وقالت للشغاله عطين الولد لان امه تبيه من داخل وبحسن نيه عطته الولد علي اساس ان الام فعلا مرسلتها طبعا طلعت الام حوالي الساعه 12 في الليل عشان تاخذ الولد وتخلي الشغاله تدخل تتعشي ______________________________ ما لقت لا ولد ولا تلد وسالت الشغاله وقالت لها اللي صار وبعد تلطيم الخدود والنياح والصياح تم ابلاغ الشرطه بالحادثه وعمل محضر في ذلك وبدأت عمليات البحث بعد ثلاث ايام من الحادثه هذي دخلت وحده من الحريم محلات الذهب اللي في السوق واختارات طقم ألماس وذهب واستاذنت راعي المحل انها تاخذ الطقمين توريها امها العجوز في السياره لان الذهب حق عرس قالها لا ممنوع يطلع اي ذهب الا وهو مدفوع سعره وقالت له بس هذي عجوز ولا تقدر تنزل قالها نعطيك عربيه وجيبها قالت طيب دقيقه وراحت للسياره واخذت الولد اللي سارقته من قصر الافراح ودخلت المحل وقالت دوك هذا ولدي اعز ما املك بس دقيقتن خله عندك وابوري امي الذهب وراجعه بائع المحل قال لخويه هذا ولدها وضناها وما فيه اغلي منه وخلوها تطلع توري امها الذهب ساعه ..ساعتين ... طولت الحرمه ما رجعت ..!! اتصلوا في الشرطه وبعد ما حضروا قالوا لهم هالبزر اللي حطته عندكم مسروق من قصر افراح ولنا ثلاث ايام ندور عليه بلغوا اهله عشان يجون يستلمونه جاء الاب والام ووضح له افراد الشرطه القصه وشلون ان الحرمه حبكت الموقف واستغلت الابن رفض راعي المحل يسلمهم الابن الا بعد ما يدفعون 25 1 الف قيمه أطقم الذهب والالماس قاله الابو لو تبي 200 الف عطني الولد بس ______________________________ الي هذه الدرجه وصلت ضمائر بعض الناس ..!! لا حول ولا قوه الا بالله انتبهوا هذي القصه حق |
رد: لاتجعلى ثمن طفلك طقم الماس
مشكوره ياقمر على القصه الرائعه
|
رد: لاتجعلى ثمن طفلك طقم الماس
مشكوره ام نورا على المرور الرائع
|
رد: لاتجعلى ثمن طفلك طقم الماس
حسبي الله ونعم الوكيل عليها
قصه غريييييييييييبه الله يعطيك العافيه اكوسه |
رد: لاتجعلى ثمن طفلك طقم الماس
لا حول ولا قوة الابالله
حسبي الله ونعم الوكيل فيها مشكوره حبيبتي على القصه والنصيحه |
الساعة الآن توقيت السعودية الرياض و الدمام و القصيم و جدة 01:24 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.