ازياء - فساتين سهرة و مكياج و طبخ - للمدرسة وحشة لكن موب وحشة كتاب

- ادب و خواطر (https://fashion.azyya.com/40)

- - للمدرسة وحشة لكن موب وحشة كتاب (https://fashion.azyya.com/88900.html)

للمدرسة وحشة لكن موب وحشة كتاب

رغم الترابط و الوصل حسيت فالروح اغتراب

ارجع مع صفوف الدراسه و ركابها

للمدرسه وحشه و لكن ماهي بوحشة كتاب

للصحبه اللي ماتناست بالفراق اصحابها

شوقي لجمعتهم كثر ما ينتثر مزن السحاب

كثر حنين المغترب عن ديرته لترابها

في ظل جمعتنا مرح يموت جو الاكتئاب

و في شقاوتنا براءة نختفي بثيابها

يا كثر ماكنا نخالف فالنظام و ما نهاب

حتى قوانين الادارة ما حسبنا حسابها

عودونا نلتقي بعد الاجازة و الغياب

اذا المدارس رحبت و استقبلت طلابها

و الحين صار فراقنا فرقى ذهاب بلا اياب

ما عاد تجمعنا سنين المدرسه بأحبابها

اتذكر اليوم الاخير المر و الفرقى عذاب

الموعد اللي ساعته من قبل كنا نهابها

ودعت كل اللي احتوتني قلوبهم قبل الذهاب

قفيت عنهم و نثرت عيني دموع اهدابها

جبنا الشهادة و افترقنا غصب عنا للغياب

و انتهت اغلى ثلاث سنين مرينا بها

فمان الذكريات اللي صداها باقي ما غاب

يالصحبه اللي ماتناست بالفراق اصحابها

منقوووول

رد: للمدرسة وحشة لكن موب وحشة كتاب

روووووووووووووووووووووعة

كلمااات راائعة يالغلاا

لا تحرمينا من مواضيعك ...

فمثلك لا يتوقف ..

فواصلي

يسلمو ع النقل الراائع

تقبلي مروري نحولة قطر

رد: للمدرسة وحشة لكن موب وحشة كتاب

كلمات قمه في الروعه

اختيار رائع تقبلي مروري ولك الشكر

رد: للمدرسة وحشة لكن موب وحشة كتاب

نحولة قطر
غيوم التعابير
تسلموووون ياغاليين ع الكلام الطيب

رد: للمدرسة وحشة لكن موب وحشة كتاب

نقل جيد
مشكورة ع الطرح ارقي
لك ودي