|
ممكن تعطوني رايكم؟؟؟
السلام عليكم .... انا عضوه يديه ف المنتدى ..ابصراحه منتداكم لفت انتباهي ف حبيت اشارك معاكم...
انا متزوجه وصار لي تقريبا 6 شهور والحين ابي احمل ...انا اعرف انه هذا الشي بيد الله بس رحت عند دكتوره وفحصت على قالت الحمدلله الرحم والمبايض وايد اوكي... وسوى زوجي فحص والحمدلله طلع كل شي عنده اوكي.... بس سويت تحليل هرمونات وطلع عندي هرمون الحليب مرتفع وعطتني ادويه وخبرتني عن ايام الاجماع... وقالت لي انشالله يكون في حمل ...الحين انا خلصت الفتره وقاعده انتظر الدوره المفروض تيني اخر هالشهر بس خايفه تجي ومايكون صار حمل ..... ف ياليت تساعدوني وتعطوني حل... انتظر ردكم لموضوعي تحياتي |
رد: ممكن تعطوني رايكم؟؟؟
هلا اختي وش من حل تبين
الامر بيد الله سبحانه مواانتي تعالجتي اصبري ووان شاءالله ربي يرزقك لاتستعجلين ع رزقك اذا الله كاتب بتحملين وحتى لوماصار الحين كملي علاج هرمون الحليب ترى موبسيط موفقه غلاتي |
رد: ممكن تعطوني رايكم؟؟؟
حبيبتي نور الامارات انتي سويتي الي عليج والباقي على الله والمفروض تنتظرين ومابقة تفكرين بهذا الشي لانو حالتك النفسية راح تتعب وبالتالي تأثر على هرموناتك وانشالله يارب ماتجيكي الدورة واتصيرين حامل..وانتي ماصارلك الا فترة قليلة على زواجك بعدكي عروس ياعمري
|
رد: ممكن تعطوني رايكم؟؟؟
السلام عليكم رغم اني مسجلة من فترة وكتييير بحب هالنتدى بس لحد الآن انا متصفحة و بس لكن موضوعك اختي نور الامارات لفت انتباهي و عندي لك ان شاءالله حل طبيعي لمشكلتك و هي استعمال البقدونس خذي كمية من البقدونس وحطيها فوق الثدي مباشرة وانت لابسة حمالة طبعا حتى تثبت و لما تذبل تغيريها لبضعة ايام و ان شاء الله الهرمون راح ينخفض بشكل طبيعي و مفيدة ايضا للي تحب تفطم طفلها اتمنى اكون افدتك و الله المستعان و الله يرزقك ويرزقني و الجميع الذرية الصالحة. |
رد: ممكن تعطوني رايكم؟؟؟
مشكورين حبايبي على الرد على موضوعي....
بس انشالله احمل..... وفرح قلب زوجي..... في احد صار معه نفس حالتي.. ارتفاع في هرمون.... وهل هالهرمون له تأثير في الحمل... |
| الساعة الآن توقيت السعودية الرياض و الدمام و القصيم و جدة 04:36 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.