ازياء - فساتين سهرة و مكياج و طبخ - المقلوبة الفلسطينية كتييييييير زاكية

السلام عليكم حبيباتي
اليوم جايبتلكم طريقة عمل المقلوبة الفلسطينية اكلة كتير زاكية ومشهورة عنا بفلسطين

المقادير :
دجاجة مقطعة اربع قطع
3 حبات بطاطا متوسطة الحجم
حبيتين باذنجان متوسطة الحجم
3 حبات بصل متوسطة الحجم
حبتين طماطم متوسطة الحجم
3 كاسات كبار رز بسمتي
البهارات : ملح _ هيل_ بهار طعام_ فلفل اسود_دقة رز_ بهار كبسة اذا بدك بيعطي طعم طيب _كركم
( البهارات حسب الرغبة مقاديرها اذا تحبي يكون الاكل مبهر كتير او لا)

الطريقة:
اولا نسلق الدجاج نضعه في قدر في ماء ونضيفله ملح وهيل وفلفل اسود وحبة بصلة مفرومة ناعم ونخليه لحد ما يستوي
ثانيا نقطع البطاطا والباذنجان حلقات ونقليهم ونحمرهم يالزيت ونضعهم على جنب
ثالثا نقطع البصل شرائح بالطول والطماطم حلقات ايضا ثم نحمر البصل بقليل من الزيت ثم بالاخر نضع حلقات الطماطم في المقلاه وهيا مافيها زيت كتير بس يعني نحمر الطماطم شوية بعدين نشيلها على جنب
ثالثا نغسل الرز ونصفيه ونضيفله كل البهارات ونقلبه
رابعا هالحين بنرتب المقادير فوق بعض بالقدر الي بنطبخ فيه طبختنا
نرص قطع الدجاج المسلوق جنب بعض في قاع الطنجرة ثم نرص حلقات البطاطا فوقها ثم حلقات الباذنجان ونرش عليهم شوية ملح وفلفل اسود ثم نضع حلقات الطماطم وشرائح البصل
واخير ا نضع الارز المبهر فوقهم ونفرده في كل الطنجرة
بعدين نجيب المرق ونسكبه فوق الارز (حتى لا يخرب المرق الترتيب نضع فوق الرز صحن صغير وثم نسكب من فوقه المرق حتى يتوزع المرق على كل الطنجرة والمقادير )
مقدار المرق حسب الرز (انا بحط لكل 3 كاسات رز 6 كاسات مرق او اكثر شوية عشان احنا نبي الرز مستوي على الاخر بيكون اطيب بالمقلوبة )
اخر حاجة نضعها على النار ونخليها تغلي شوية ثم نخلي النار خفيفة على الاخر ونغطي القدر لحد ما يستوي الارزويتشرب المرق
نطفي النار ونخلي القدر شوية عشان يبرد شوية صغييييرة
واخر حاجة نجيب الصينية او الاناء الي بدك تقدمي فيه ويكون مسطح ونضعه على وجه الطنجرة ثم نقلب الطنجرة بيطلع كأنه قالب الرز وفوقه الدجاج والبطاطا والباذنجان وباقي المكونات شكلها كتير حلو وطعمها احلى والله
احنا بناكل جنبها دقة فلفل (فلفل مهروس مع عصير ليمون وشوية مرق )وكمان سلطة خضراء ولبن
وبالهنا والشفا انشالله :7_12_1[1]: