ازياء - فساتين سهرة و مكياج و طبخ - اسهل طريقه لعلاج تشقق الرجل والنتيجه من اول يوم

السلام عليكم ورحمة الله وبركاته::

انا كنت اعاني من تشققات بالرجل وخشونة ولا كإنها رجل بنت

وما خليت شي وما استخدمته
لين ذاك اليوم:sgsh:

شفت الفازلين جدامي قلت اجربه
كم ساعة
فقلت شلون احطه وما اتحرك وإذا تحركت ازلق وأطيح لإن بيتنا سيراميك

ولقيت الحل حطيه الفازلين وربطت رجلي بجلاد الي يلفون فيه الاكل
ولبست فوقه دلاق

اما طريقه فكانت كالتالي::sgsh:

رحت المطبخ ومالقيت جلاد شفاف
فشفت جدامي اكياس صغار شفافة الي خفاف الي يلفون فيها الأكل مثل الصمون حق اليهال عشان ياخذونه المدرسة

فرحت وخذيته ودشيت غرفتي ولقيت خلطة التبييض والتنعيم الي استخدمها حق كل جسمي

الي مكوناتها:
زيت اللوز_ جلسرين سائل_عصير ليمونة_ زيت الخروع _زيت الزيتون_وثلاث نقاط اسكينول بالليمون
‏ كنت حاطتها ببخاخ الماي لانها بهالطريقة اسهل بالإستخدام

ورشيت على رجلي الخلطة وبعدين دهنت بالفازلين ولبست الكيس الشفاف وبعدها الدلاق وظليت من الصبح وقبل ما أنام بليل غسلت رجلي

ونمت

والله ثم والله ثم والله:a5bdf2b232:

ان رجلي تشقاقتها راحت من أول مرة وصارت حلوة:a5bdf2b232:

وصدقوني انها تظل ناعمة جذي لمدة اسبوع

فالي تبي تجربها تستخدمها ثلاث مرات بالأسبوع وانشالله تعجبكم

ولا تنسوا الترطيب الدائم بالكريمات

واذاتقدرين تستخدمينها بليل وتنامين فيها والصبح تغسلين ريولج

اتمنى استفدتوا

ادري طولت عليكم وقلت قصة حياتي مع رجلي

بس انا كتبت للإفادة ولا تحرموني من ردودكم وتقييمكم ..
****************************** ****************************** **************
:11_1_212[1]::11_1_212[1]::11_1_212[1]: