ازياء - فساتين سهرة و مكياج و طبخ - همسات شعريه اتمنى تنال الاعجاب

[color="red[SIZE="6[B]"]"]عطني وعد ماأشوف أنامنك هجران
واعطيك كل الحب وأعطيك عمري
--------------------------------------

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!
-----------------------------------------
أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك

وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
------------------------------------

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار

أسمحيلي مابقى فيني مكان تطعنينه
وأقبلي من جوف قلبي كل عطفه وأمتنانه
----------------------------------------

يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا

أحبك مصنوعة من سكر فتاك
قد سمعت بحياتك سكرٍ يذبح؟
أنا كذا أذوقها ليمن نطقها فاك
لذيذة لذة في هالحشا تجرح
كرر أحبج وعدها لي جعلني فداك
كانك تكرمت ياروحي ولو تسمح
وشلون تلعب بطعم السالفة بشفاك؟
تجذب مسامع حبيبك لين مايسرح

----------------------------------
ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك

لعنبو قصـة غرام كل ابوها كلمتين
ابتدينا عند احبك وانتهينا عند باي
تونا ما بعد مشينا فالهوى لو خطـوتين
وانتهى الموضوع كله حتى ماأعرف ويش خطاي
انتهى الموضوع هيك بكل سهوله تحكمين
وين احبك؟ويـن اريدك؟وين ساكن في حشاي؟
------------------------------------

ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه

----------------------------------------

ياقلب إن ترضى بعيشي فانني
ساقتات من حزني وأشربُ دمعي
وأهجي المحبة َ في الجموع ِ فانها
قد أفقدتني عيدي واطفت شمعي

ياراحلاً وفؤادي في حقيبته
وهناً لديه لكن غير مضمون
تركتني في شجوني للورى مثلاً
يميتني الوجد والأشواق تحييني

تدري ؟ متى! تخنقني العبره وأحس أني وحيد
لا قلت تامرني بشي؟ وقلت لي سلامتك

ماهي بالعادة وينك.. عسى العلم خير؟
ليه نايم حبيبي قبل لا أسمع أحـبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّـيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خـير
صحني لما تصحى انا نايم بقلبك!

الجرح ماهو خاطر شوي ويروق
الجرح حتى لوتشافى يعلك

بعدك عذاب محرق قلبي احراق
وقربك اماني قلب حبك حيابه
بحق الذي يخلق وللعبد رزاق
عن حب غيرك سكر القلب بابه
جتك المشاعر ضاميه حيل تشتاق
تسألك حبك.. وش تكون الاجابه

بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه

لاحـس ؟ لاطـاري؟ ولا حتّى خبـر
فجـاة كذا تمشي؟ ولاقلت بتروح؟
وماقلت حتّى أستسمحك بعض العذر؟
شتكلّفك بالّله من وقت مسموح؟
على الأقل ..ماكنت أتأمّل تمرّ !
وأضحـك على قلبي وأسلّيه بجـروح؟

يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه

تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف

كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال[/b]
[/COLOR][/SIZE]
منقوووووووووووول
اتمنى تنال اعجابكم وانا في انتظار ردودكم