رد: رساله لكل مصريه او جزائريه استحلفك بالله تقرئ
 

لا حول ولا قوه الا بالله
قلنا انها مش مساله كره و مفتكرش برضه ان من الصح ان اخ يهين اخوه و يرفع عليه سلاح ابيض و نقول احنا اخوه
بصراحه عمر ما اخويا او اختي رفع عليا سلاح !!!!!!

رد: رساله لكل مصريه او جزائريه استحلفك بالله تقرئ
 

اكيد المسألة مش مسألة كورة الحكاية حكاية اخلاق وعلشان كدة ارجع واقول نستحضر اخلاق الرسول والكلام لكلا الطرفين ...ومع انى مصرية وغاضبة جدا للاحداث الاخيرة من الجزائريين لكن الحق احق ان يتبع مش ممكن التصرفات اللى صدرت منهم تبقى من ال40 مليون كلهم اكيد فى منهم محترمين وعاقلين ..ربنا يهدى

رد: رساله لكل مصريه او جزائريه استحلفك بالله تقرئ
 

سلمت يمينك على ما خطيت بيه حبيبتي ولا حرمنى الله من مواضعيك الطيبة

رد: رساله لكل مصريه او جزائريه استحلفك بالله تقرئ
 

الاخت عاشقه رسول الله

مفتكرش ان صدر مني كلمه قالت ان ال40 مليون مش كويسين
بس ناس كتير فاهمين انها مساله كوره
و الي عاوزين نوصلو انها مساله كرامه
و كلام الرسول عليه الصلاه و السلام علي راسنا كلناااااا
بس برضه معتقدش ان الرسول عليه الصلاه و السلام كان يرضي ان المسلم ياذي اخوه المسلم و يعتدي عليه بسكاكين و مطاوي
و برضه معتقدش ان في حد يرضي ان علم مصر يحرق و يهان و يداس عليه من بلد المفروض انهم اخواتنا
المصريين جواهم جرح كبير من الي حصل بس ربنا ميرضاش ب الي حصل و اكيد حقنا هيجي هيجي انشاءالله


و اكيد اكيد ربنا يهدي

رد: رساله لكل مصريه او جزائريه استحلفك بالله تقرئ
 

https://i45.tinypic.com/bf14q0.jpg

ياأخواتى الاعزاااء

بصى ياعاشقة رسول الله

عاشقة بعلها مصرية وكانت زيك مفكرة انه موضوع كورة وكانت باعدة نفسها عن الاحداث

مجرد شافت الجريدة دى ؟؟ عملت ازاى ؟؟

مابالكوا لو عرفتوا وكنتوا متابعين تفاصيل الموضوع من البداية زينا وزى كل المصريين اللى حاسين بجرح واهانة كبيرة

بصى ياحبيبتى الحمد لله احنا عارفين ربنا وعارفين السب وان الكلام دة كله حرام

والحمد لله انا برغم النار اللى جوايا ماسبتش جزائرى

وخلى بالك ماافتكرش يزعل ربنا اننا زعلانين ع كرامة بلدنا

والا ماكنش الدفاع عنها واجب

والموت ف سبيلها استشهاااد

والمشكلة اننا مش بنعاديهم ولا بنسبهم

المشكلة انهم مدانين وعملوا اللى مايتعملش وشطبوا كلمة الاخوة والعروبة

وف الاخر يتقال اننا اللى اذيناهم وبدأنا بالعداوة

بالله عليكى دة يرضى حد

وانتى مصـــرية وعارفة ان مافيش مصرى يعمل اللى قالوا عليه دة

والانسة اللى بتقول دم وما دم دى

هى شافت دم بعينيها ؟؟

مش عايزين بقى تأليف وكدب ويتصدق

والموضوع مش هيتقفل ولا هنسكت الا لما تترد لينا كرامتنا وحقنا

ومصـــر مش ملطشة لاى حد كدة

عيب عليهم دى مصـــر

ولو مش عارفين يعنى ايه مصـــر

يدوروا كويس ويشوفوا قبل مايتكلموا