ازياء - فساتين سهرة و مكياج و طبخ - بس فكر من خسر فينا وضاااع ؟؟؟

لو خسرتك ما خسرت العمر والدنيا متاع
وادري اني لو خسرتك ما خسرت الا قليل

بس فكر زين تعرف من خسر فينا وضاع؟؟؟
تعرف انك تلف الارض وتدور بديل

والله ان تبطي ولو لفيت في كل البقاع
ولو تسوي وش تسوي ما انت لاقي لي مثيل

وين تلقى مثل شخصي شخص؟؟؟وطباعي طباع ؟؟؟
ووين تلقى مثل قلبي قلب؟؟؟او مثلي خليل؟؟؟

البشر واجد ..نعم ..لكن فرق الانطباع
يجعلك يمي تميل ويم غيري ما تميل

يارفيقي انتبه واحسن الي الاستماع
للمواقف دور في كشف المزيف والاصيل

وانت ما قصرت فيني موقفك جدا شجااع
طعنتك في الظهر فعلا كانت اثبات ودليل

بيض الل وجهك الي ساتره تحت القناع
ورايتك بيضا معاي ويا عسى عمرك طويل

يعني اعطيك الثقه وتردها بلوي الذراع
ياخي ما شاء الله عليك ابدعت في رد الجميل

مدري كيف اشكرك مدري كيف ارد الصاع صاع
كنت احسب انك عزيز نفس وطلعت لي ذليل

كم وانا عييت اصدق فيك قدر المستطاع
من غبائي كنت اسكت واعذرك واثر الحصيل:

جرح قلب ميزته كل يوم الاتساع
ودمع عين ينهمر من ضيقتي في كل ليلل

والله اني كنت احبك حب واتبعك اتبااع
كنت لجل ارضي غرورك بس اسوي المستحيل

كنت اعمى فيك .. لالا .. كنت ميت للنخااع
كنت مدري كيف ؟؟ لاكن صادق معك حيل

كنت امارس في غرامي لك سياسه الانصياع
وكنت لاغي معك فكرة اعتزل او استقيل

اندفعت بكل ما فيني وسؤ الاندفااع
يجبر الانسان احيانا يفكر بالرحيل

صدمتي فيك انت خلتني افكر بقتنااع
ان قتل النفس راحه لو انا كنت القتيل

انفجر راسي من التفكير وازداد الصداع
كيف انا بفتك من جرحك ودوشة " قال وقيل "

صرت سيره في حلوق الناس وتالي هالضياع
انتحر ؟؟؟ معقوله !!!يالله وش هذا الغليل ؟؟
رحمتك يارب لامن ضاقت امنحني وساع
انت حسبي في زمان الجاير ونعم الوكيل

لا غدى " مستقبلي والماضي " اطراف النزاع
وصفحة الماضي سوااد وشي من هذا القبيل

فلازم انسى لجل انهي بداخلي هذا الصراع
ولازم اتقوى عشان احقق النصر الجليل

وطالما ان الهجوم افضل وسيله للدفااع
مستحيل ارضخ لو ان الحمل ياربعي ثقيل

والبخيل الي نساني واشترى فيني وباع
يذلف الله لا يرده والله بجرحي كفيل

وان سال عني وجاكم بعد فترة انقطاع
علموه اني نسيته بس انا ماني بخيل

طالما كان السبب في قوتي .. قبل الوداع
بلغوه اقل شي بخالص الشكر الجزيل .....