طريقه جديده لعمل الكابتشينو والموكا
ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات طريقه جديده لعمل الكابتشينو والموكا يوجد هنا طريقه جديده لعمل الكابتشينو والموكا حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


الكلمات الدلالية (Tags)
طريقه عمل المكرونه, طريقه عمل البسبوسه, طريقه عمل المايونيز, لعمل ايميل, الكابتشينو, كابتشينو, طريقة عمل الكابتشينو, والموكا, الموكا

 
قديم 12-04-2009, 10:50 PM   #1

دريتوس

:: كاتبة نشيطة ::

الملف الشخصي
رقم العضوية: 85906
تاريخ التسجيـل: Oct 2009
مجموع المشاركات: 150 

طريقه جديده لعمل الكابتشينو والموكا


طريقه جديده لعمل الكابتشينو والموكا

((السلااااام عليكم))

اليوووم انا جبت لكم شي حلو وهو طريقه جديده لعمل الكابتشينو والموووكا ويااارب تعجبكم

واكيد الموضوووع منقوووول



الطريقه على لسااان صااااحبتها الي كتبتها

يله نبدأ..............



*المقادير:
الأساسية:
حليب مجفف - نسكافيه - ماء - سكر - حليب سائل - كاكاو بودرة - حليب بالشوكلاته والكاراميل جالكسي - قشطة - فانيليا

الجنونيات الثانوية:>>> وش تحسين فيه؟؟
حليب نستلة مركز - شوكليت شيبس هيرشي - زبدة - سكر أسمر - شوكلاتة جالكسي - سادة أو بالكاراميل - بسكويت أوريو - دانيت بالكاراميل - تويكس أو سنيكرس أو مارس -عسل-
آيس كريم نكهات (توفي-أو- فانيليا-أو- قهوة-أو- شوكولا) يفضل لو يكون باسكن روبنز >>> مايحتاج تسوين لهم دعاية
رموزي ومقاساتي : >>> ماصارت
#م.ص.=معناها ملعقة صغيرونة
#م.ك.= معناها ملعقة كبيرة ... ملعقة طعام
=السكر هو السكر الأبيض العادي أو السكر الخاص بمرضى السكري أو للي يسوون دايت
=كل الأنواع من حليب (مجفف أو سائل)+ القشطة تقدرون تستخدمون الخالي أو القليل الدسم >>> من الآخر كله ينفع
=الكوب قصدي به ذاك الكبير مو حق القهوة التركية الصغير



صلصة الكاراميل:>>> وش دخل صلصة الكاراميل مو قلتي كابوتشينو؟؟!!<<< أصبروا
عالنار تحطون بقدر صغيرون :[2 م.ك.زبدة +2م.ك.سكر عاتي +3م.ك.سكر أسمر +1م.ك.عسل +3 م.ك ماء] لين ماتغلي وتظهر فقاعات
بعدين نحط عليها 1م.ك. فانيليا+ 4 م.ك. قشطة ونطفي النار تحتها ونخليها لما تبرد وبعدين نستخدمها <<< بقولكم متى لا تهاوشوني

صلصة الشوكولاتة:
عالنار تحطون قدر فيه:[علبة نستلة مركز الوسط+ (كوب من شويكليت شيبس "اللي هي تجي شكلها مثل الطرابيش" \ أو 2 جالكسي سادة\أو 2 مارس) +1م.ص. زبدة]
نتركها عالنار لين تذوب وبعدها نخلط معاها 4 م.ك. ماء بارد لتخفيفها


نجي عالمهم طرق عملالكابتشينواللي هو أبو ذي السالفة >>> أخيرا

1\ طريقة ملطوشة : لطشتها من وحدة من قريباتي وفي كثير منكم يعرفونها أو حتى يسمعون بها بس مايعرفون طريقتها >>> أخلصي
المقادير والطريقة: >>>أموت أنا على حركة الأختصار
1م.ك سكر+1م.ك نسكافيه+1م.ك ماء بااااااااارد
ناخذها ونخلطها بخلاط الكيك أو بالعجانة للكسلانين . لين تصير كريمية ولونها بلون الكاراميل
يعني تطولون وأنتم تخلطونها عشان تضبط صح وياريت يكون وعاء الخلط بارد يعني تحطونه بالفريزر قبل ماتبدون بالشغل
معلومة: تقدرون تكثرون الكمية يعني بدل ماتحطون ملعقة تحطون 5 ملاعق أو أكثر بس لازم كلها تكون بنفس المقدار ... وخبوها بالفريزر تقعد لمدة شهر ماتخرب .. وتطلعونها وقت الإستخدام وتاخذون من الكمية ملعقتين وترجعونها للفريزر ... تنفع لأيام الكسل والإختبارات
طريقة التقديم:
نسخن حليب سائل بمقدار كوب ونحط عليه من الخليط السابق مقدار ملعقتين .. تقدرون تزيدون عليه سكر إذا حسيتو إن السكر ناقص
2\ طرقي: >>> معبدة ولامسفلته
*1*طريقة بسيطة :
المقادير والطريقة:
3م.ك.حليب مجفف +1,5 م.ص. نسكافيه+ 1م.ص. كاكاو بودرة+ 2م.ص. سكر أوعلى حسب الرغبة
نخلطها كلها مع ملعقتين ماي بارد
ونحط عليها كوب ماي مغلي وبعدين نحطها بالخلاط ونخلطها لمدة دقيقة
معلومة:عشان تمنعون تكتل المواد الجافة لما تخلطونها بالماي المغلي أخلطو المواد الجافة بشوي ماي بارد وبعدين حطوا الماي المغلي

*2*طريقة ثانية:
المقادير والطريقة:
1م.ك. حليب مجفف+ 2م.ص. نسكافيه+ 2 قطعة شوكولا جالكسي+ 2م.ك.قشطة+ 2م.ص. سكر+ قطرتين فانيليا حسب الرغبة
تخلطونها مع ملعقتين ماي بارد وبعدين تحطون عليها كوب ماي مغلي

*3* طريقة أخيرة:
2م.ص. نسكافيه+ 1م.ص. سكر
نسخن حليب بالشوكولا والكارميل يفضل لو كان جالكسي ونحطه عالمقادير السابقة


اكسسوارات التقديم:...>>> قصدها طريقة التقديم
1\ نحط بالكوب قطعة من الجالكسي السادة أو بالكاراميل , ونصب فوقه الكابوتشينو ...<<< ينفع مع أي طريقة
2\نسوي الحركة 1 وبعدين نحط فوقه ملعقة آيس كريم من النكهات اللي كتبتها فوق
3\نسوي نفس 1 بس بالنهاية نحط عليه ملعقة كبيرة من الكريمة المخفوقة أو (ظرف دريم ويب مخلوط معاه نص علبة قشطة)
3\ نحط الآيس كريم بقاع الكوب الكمية بكيفكم ونحط عليها 3 ملاعق كبيرة من ..]صلصة الكاراميل أو صلصة الشوكولا[ اللي هاوشتوني عليها فوق .. وبعدين نحط فوقها الكابتشينو الساخن
......*** ياريت لو تقدمون الكوب وجنبه ملعقه ..<<< ماتبون اللي يشربه يدخل أصابعه بالكوب والله العالم وين كانت أصابيعه>>> وااااااااااع وش ذا القرف
كمان ياريت بالآخر ترشون كاكاو بودرة أو بسكويت أوريو مطحون***.....


التحذيرات والشروط:
1\ لمرضى السكري ياريت تستبدلون السكر بالسكر الخاص فيكم مثل سكر "تروبيكانا سلم"Tropicana slim
وياريت تستخدمون الحليب الخالي أو القليل الدسم ... وياريت كمان تستغنون عن الإكسسوارات وهالكلام ماشي كمان عاللي يسوون الدايت " الحمية"
لإنها بتحتوي على كميات كبيرة من السكر والدسم >>> أحسك قلبتي أخصائية تغذية
2\ياريت مايكون شربها بشكل يومي مع إكسسواراتها يعني بس وقت المخمخة>>> وش دخلج؟؟ بكيفنا
3\تدعون لي ضروري... وتكتبون منقول اللي حاب ينقل أي طريقة >>> وش هالثقة "المادح نفسه كذاب
4\السكر تحطونه على حسب ذوقكم يجي ناقص ولازايد لاتدعون علي ترا مالي شغل فيكم
6\ اللي ماعجبه ولا كسلان يسويها ترا يمدحون "بارنيز" تلقونه بكل المحطات ولاتقربون جنب "ستار بوكس" قاطعوه ...>>> حاضر عمتي


الله يعطيها العااافيه على طريقتها لاازم كلكم تدعوووون لها لاااازم:0152:

والله الله بالردود:frasha5:


..............منقووووووووووووو وووووووووووووول............... ....:)

 
قديم 12-05-2009, 04:55 AM   #2

دلـــksaـــوعة


رد: طريقه جديده لعمل الكابتشينو والموكا


طريقه جديده لعمل الكابتشينو والموكا

يسلمو خيتي ع الطرق الرائعه..

 
قديم 12-05-2009, 05:45 AM   #3

الماسة الخير


رد: طريقه جديده لعمل الكابتشينو والموكا


طريقه جديده لعمل الكابتشينو والموكا

يسلمووووووووو بس خرابيطها واااااااااااااااااجد احس اني تعبت بس من القراءه...........يعطيك العافيه

 
قديم 12-13-2009, 09:26 AM   #5

مرية


رد: طريقه جديده لعمل الكابتشينو والموكا


طريقه جديده لعمل الكابتشينو والموكا

يسلمووووووووووووووووووووووو
ياقمر يعطيك الف عافيه تقبلي مروري

 

أدوات الموضوع


طريقه جديده لعمل الكابتشينو والموكا


الساعة الآن توقيت السعودية الرياض و الدمام و القصيم و جدة 09:42 PM.

 

Powered by vBulletin® Copyright ©2000 - 2014,
يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0