رد: طبيب اون لاين لمن تعاني مشكلة صحية مع طفلها
طبيب اون لاين (لمن تعاني مشكلة صحية مع طفلها)
حبيبه قلبي يا د.مى الله يجزيكي الخير عن جد موضوعك روعه والله يوفقك بدراستك
انا عندي اساله كتيره ولخمه وما عندي خبره بالمره فا ياريت تجاوبيني عليها كلها بالتفصيل ولو حتي على اجزاء المهم تجاوبيني وشكرا
اول شي انا ابني عمره 5 شهور بعني 10 ايام وبيخلص 5 اشهر المفروض اولد في اول شهر 1 ولدته في اقل من نصف شهر 12
شؤالي هل لما اتابع تطوراته وتغذيته اتابعها علي انه عمره قريب 5 اشهر ولا متل ما كتير بيقولو احسبيه اصغر بشهر لانه ما كمل شهره كامل؟
وانا لحد الان ما دخلتله الاكل الا كام مره بسكويت مع ماء دافئ وسكر بياكله وبيتقبله بس يومها ما بينام وبيضل منكد وجربت موز وشويه عصير برتقال ونفس الشي يومها ما بينميني وبيضل مزاجه منكد
تاني شي انا برضعه صناعي الخاص بالاطفال كثيرين الارتجاع لانه بيرجع كل الحليب دفعه وحده بشكل غريب كانه كبيتي كاسه عالارض مره وحدا هل طبيعي ولا لاء لان الدكتوره قالتلي غيريلو الحليب بنوع اكثف ولو ما تحسن نعمله صوره مولنه يمكن شي مسكر بالقناه الهضميه وانا بصارحه خفت اشربه الماده والخبط فيه لانه صغير والدكاتره غالبا ما بتعرفي نواياهم من غير تعميم بيهمهم الماده اوقات او بيستهترو والندم للاهل
تالت شي انا برضعه مني بحاول بس دائم صدري فاضي ما في حليب بحس وبالموت على ما يقدر يطلع شوي الا ازا شربت مي كتير وما رضعته يوم تاني يوم ممكن يلاقي شي ولو في طريقه تفيديني اني ازيد كميه حليبي ولا خلاص مافي امل.؟
رابعا انا اجا وزنه 2.500 يادوب وهلاء مشاء الله صار قريب 7 كويس ولا زياده ولا شو؟
خامسا:بالنسبه للمغص والغازات ابني بيعاني من مغص لدرجه انه بيشد علي حاله وبيصير وجه احمر وبتالم وبيخرج غازات كثير وبصوت وبكل الاوقات تقريبا شو السب وشو اعمل ,بحاول اشربه ينسون وبابونج وحماتي بتشربه مرميه بس بعتقد المرميه بتعمل امساك ودكتور زوجه اخو زوجي بيقلها ان الاعشاب مضره للطفال لانه زيوتها تقيله علي معده الاطفال..ياريت تفيديني انتي
وسادسا:ابني بلاحظ انه لما اغيرله وهو نايم امامي من جه اليمين اضخم شوي من الشمال خصوصا لما يصير يتمايل ويتقلب بتبين فرق كتير هل هيدا شي عادي ولا لازم اشوف طبيب؟
سابعا:عظام جمجمه طفلي من ورا قريب من الرقبه طريه لدرجه اني لما البسه واكون بشد او اضغط بحس ان اصبعي دخل شوي لجوا وبخاف هل طبيعي ولا شو لان دكتور قال طبيعي ودكتور قالي بعطيكي نقاط فيتامين د بس انا ما عملت شي خفت
بالنسبه للارتجع انا لاحظت اني لما اخليه يرضع وهو نائم واسند له الرضاعه واخليه ينام ويقوم بعد ساعه او نص ساعه ما بيرجع الحليب هل هيدا بيكفي كحل وافضل ما ادخل بمتاهات الدكاتره والاشعه والتصوير وكل واحد يعقدني ويقلي مشكله ولا غلط خصوصا اني ما بدشيه لافراغ الهواء الا بعد ما يصحى من النوم
اسفه كتير طولت عليكي بس الله يرضى عليكي ويفقك ويخليلك اطفالك يارب لانك عنجد بتساعدينا وكتير استفدت من اجاباتك لكثير من الاخوات
|