رد: من لديها اي استفسار طبي تتفضل
من لديها اي استفسار طبي تتفضل
مرحبا دكتورة مني انا رح اقولك قصة بنتي بتمنى انك تفيديني ........ والله ما في اصعب من حسرة انسان الا حسرتة على ضناه........ ما بدي اطول عليكي حقولك قصتي بس بالله انك تردي وتشوري علي ايش اعمل وكيف اتصرف ...... ربي رزقني بطفلة حلوة كتير ومرحة وكلامها اكبر من عمرها..... لما كنت اتطلع فيها كنت اشوف حالي بيها احس اني مو مالكة الدنيا من فرحتي فيها ... ما انسي يوم ما سجلتها بالمدرسة لما نزلت انا وياها السوق نختار اغراض المدرسة لو انسي عمري كله ما انسي كيف كانت فرحانة بحاجاتها واغراضها ... وفي يوم رجعت ليه من المدرسة مو على عوايدها نامت على طول فقلت يمكن لوز او زكام معها ... وفي اليوم التاني على طول اخدتها على العيادة وعملت لها كل الفحوصات وطلعت كلها سليمة .. وبعد يومين بنتي بطلت تتكلم بطلت تنادي علي بطلت اسمع صوتها ... وبعدين شوية شوية انشلت بنتي بالكامل ... ما خليت دكتور ولا مستشفي الا وعرضتهم عليها حتى لشيوخ وديتها ... بالاخر عملو لها رنين مغناطيسي والنتيجة كانت انو عندها التهابات فيروسية بالمخ .. المهم اعطوها ادوية وفاقت وما اوصف لكم كيف شعوري لما نادت على من بعد شهرين وهيه ما تتكلم ........المهم رجعت بنتي تتكلم وتمشي والحمد لله .... بس رجعت ليه بعقل طفلة عمرها سنة ونص وانا عمر بنتي سبع سنوات .......كانت تعملها على حالها ممكن اكرمكم الله انها تحط ايدها بالزبالة او تمسك اي شيئ ما تفرق بين المضر والنافع ......دايما تقعد مع حالها وتكلم مع نفسها كل شيئ بتحطة بتمها لدرجة اني مرة مسكتها بتاكل في زجاجة مرمية بال ........ رجعنا لدوامة الدكاترة والكل يقولي ليه شكل ....... مع انو هيه ما عندها ولا خلية ميتة بمخها وما عندها اي درجة من درجات التخلف العقلي ... بس بجد متعبتني وخايفة عليها ...... وخصوصا انها من بعد ما فاقت صار عندها افراط بالحركة مع قلة انتباه وتركيز وهلا هيه بتاخد ادوية لهادا الشي لحتي تهدأ حركتها شوية شوري علي شو اعمل معاها كيف اتصرف انا ما بقدر اسيبها نهائيا لحالها يعني لازم اكون دايما منتبه لها لانها ممكن تطلع من البيت وانت تعرفون في ناس كتير ما تعرف ربها ........... ماني عارفة كيف اتعامل معها وخصوصا اني برجعها للمدرسة السنة هادي بعد ما راحت عليها السنة الي فات ...... بالله عليكي اذا مرت عليكي متل هادي الحالة او سمعت عن هادا المرض تقولي ليه شو اعمل معاها وخصوصا انها ذكية كتير
|