حواوشي اسكندراني حصريا

**shosho.ahmed** · 07-09-2008, 11:38 PM

جبتلكم طريقة عمل حواوشي اسكندراني بس خطير جدا

وانا عملتها في البيت لعيونكم وعشان جوزي حبيب قلبي بيحبه موت ودايما يشتريه من المحلات قلت لازم اجرب أعمله في البيت عشان ينبسط وفعلا سهل وعجبه موت

وانا بهدي هذه الاكله لعذب الكلام حبيبتي

( المقادير)

كيلو دقيق(طحين)

نصف كوب سمن

ربع كوب زيت والزيت على حسب احتياج العجين

قطعة خميره او كيسين خميرة فورية

نصف ملعقة سكر+ربع ملعقة ملح

ماء دافئ حسب احتياج العجين

(الحشو)

حسب الرغبه ممكن جبنه رومى او لحمه مفرومه بالبصل اوسجق اللى انتى عايزاه

وانا هحشيها لحمه كفرومه بالبصل

ربع جبنه رومي مبشوره للتجميل

نصف كيلو لحمه مفرومه

3 بصلات متوسطين

2 حبة طماطم + 3 حبة فلفل حار

وبهرات + ملح + فلفل اسمر + معلقة زيت زيتون

وربع كوب خل

واعجن اللحمه بالمقادير الخاصه بالحشو ثم اتركها لتحضير العجينه

وده شكل اللحمه بعد الاضافات

(الطريقه)

اولا تضعى الخميره فى كوب وتضعى عليها نصف ملعقة السكر وبعدين تضعى عليها ملعقتين من الماء الدافئ وتتركيها دقائق لتتفاعل وبعدين تضعى الدقيق والملح والزيت والسمنه او القشطه حسب رغبتك فى اناءوتخلطي المكونات مع بعض واذا احتاجت العجين لماء ضعى عليها ماء دافئ وبعدين تضعى عليهم الخميره وتخلطيها معاهم وتتركى العجين بعد ان تتماسك معاكى لمده نصف ساعه فى مكان دافئ وبعدين تحضرى شوية دقيق ونشابة العجين وتبدئى تفردى العجين على مكان مسطح وقطعيه علي شكل دوائر وبعنين اضع علي واحده لحمه والتانيه اغطيها ثم اقفل حرف العجينه
ثم اضعها في الصانيه وارش علي سطحها جبنه رومي وتسيها في الفرن 20 دقيقه ثم ترفعيها في الفرن من فوق ليحمر الوجه.

واسفه معرفتش اصورها بعد النضج جوزي مكنش قادر يصبر

وبالهنا والشفاء

وارجو من البنات الحلوين منع نسخ الموضوع الي اي منتدي اخر الا بعد ذكر المصدر
لاني تعبت فيه

**{}{عذب الكلام}{}** · 07-10-2008, 12:04 AM

يؤ

يؤ

يؤ

يؤ

يمي يمي ع الوصفة الموت .. وكمان اهداء .. اه ياقلبي ^_^

اتاريكي ست بيت عشرة على عشرة ^_^

والله اشتهيتها مرة شكلها يجنن مرة مرة ..

وراح اجربها ان شاء الله ..

تسلم ايديكي الحلويييييين ياقمري ..

والله كلك ذوق وطباخة شاطرة كمان ..

وموضوعك يستحق التثبيت والفايف ستارز كمان ..

ماننحرمشي منك ولامن مواضيعك الحصرية ..

**shosho.ahmed** · 07-17-2008, 03:17 PM

تسلمي عذوبه يا ست اللبنات والله كلامك كسفني

ويسلملي لسانك واديكي علي الكلام الجامد ده

**shosho.ahmed** · 07-17-2008, 03:22 PM

انا زعلانه جدا منكم مفيش حد رد عليا غير عذوبه هو الاكله وحشه ولا انا ماستهلش المرور

**ام الاء** · 07-22-2008, 04:35 PM

والله والله والله ما شاء الله عليكي سلمت يديكي يا عسل بالجد وصفه روعه وشكلها جميله جدا وسهله ان شاء الله راح اجربها يا قمر

**shosho.ahmed** · 07-22-2008, 10:55 PM

تسلمي حبيبتي ويسلم مرورك العطر وكلامك الجامد