رد: كلوعايزيخس احنا كمان هنعمل جروب وهنبقي بطابيط يلا يابنات
كلوعايزيخس احنا كمان هنعمل جروب وهنبقي بطابيط يلا يابنات
حبايب قلبي هلو
بصو بقي كلنا مش بنحب الجداول والكلام دة بنزهق بسرعة
انا عملت طريقة ماشية عليها من اسبوع
ووشي اتملا ودراعاتي كمان
بصو هنجيب لفة فانتا مشروب غازي كلنا عارفينو
نمسك واحدة واحدة
وطول ما احنا قدام التلفزيون نديها
منقعدش فاضيين
واحنا بنشتغل في البيت برضو
والله انا خلصت ازازتين لتر واتمليت ومازلت مكملة هوزن نفسي واقولكم
واني قدام الكمبيوتر اديها ايس كريم
واي فاكهة في البيت حطيها جنبك وهتلاقي نفسك بتاكلي بسرعة وكتيير
والله امي تعمل الكاسترد من هنا وانا اشطب عليه
قربت تمشيني من البيت
ههههههههههههههه
مع اني مليش في الاكل اوي وجباتي وبس مش بزود
وبعمل زي ما قولتلكم
هتقولو نجيب نفس منين
اقولكم
كل يوم نصحي الصبح بدري
ونكون جايبين عسل اسود في الثلاجة
وناخد معلقتين عالريق
هتلاقي نفسك اتفتحت اوي ولااي فاتح شهية
بالحركة دي نبقي شغلنا المعدة وخدنا سعرات حرارية جامدة
نكمل نومنا عادي بقي
ولما نصحي مش هنفطر ولا حاجة
شفتو بقي هههههههههه
هنغلي كوب لبن ونحشي رغيف عيش شامي حلاوة طحنية
ولازم تخلصيه والله هتبقي مدمنة حلاوة طحنية
وابقي هاتيها بمكسرات وكدة
وبس يا قمرات نتغدا عادي
ونتعشي عادي
ونتفق علي يوم نوزن نفسنا فيه يوم الجمعة مثلا
وكل يوم ندخل نكتب اللي عملناه
واللي اكلناه ونشجع بعض
اتفقنا يا قمرات
مووووووووووووووووووه لكل الرفيعين
|