رد: اليوم بنزفك ياعروس!!!
الزفه المميزه!!
فكره لزفه العروس :
نحنا عنا ... العروس بتجي مع العريس ... بس مرا حضرت عرس غير ... هادي الفكره
العروس بتفوت و بكون قدامها طفله ماسكه قرآن و مفتوح ... ع سورة من سور القرآن
المهم و بكون في اربع بنات ورا هالبنت ماسكين شمع ... وراهم العروسه ... المهم
و خوات العروس او العريس بكونه واقفين فوق الكراسي ... بعاد عن بعض يعني بكون بينهم مسافه
المهم العروس بتمشي و بكون معها شمسيه ... مظله يعني لونها ابيض و حلوة
بتوقف عند اول بنت و بتحط الشمسيه ع راسها و بترش عليها ورد كتير و بتمشي و بتروح عند التانيه
و بتعمل نفس شي بس برشو عليها شغلات تانيه حلويات يعني متل كأنو فصل الشتا و الربيع و الصيف و الخريف
و كل فصل تحاوله تجيبو شي بميزة و ترشو ع العروس ... المهم بعدين العروس بتقعد ع الكرسي و بتخلص الزفه
الكرسي بكون بدور ... بتلف العروس مع الكرسي للخلف ... و بكون العريس واقف ورا ما حد بكون شايفه
بيقعد جمب العروسه و بلف تاني الكرسي ... و بيطلع معها و بعدين بيقومو مع بعض بيمشو مسافه قصيره
و بيرجعو للكرسي ... و بيحتفلو .....! يا رب تكون عجبتكم
|