يهددني بصوري..!
حبيبتي ما اعرف موضوعك الاول و بغض النظر كيف وصلته الصور لا تخافي
الشباب قليلين الاصل يكونوا خايفين و مين المجنون الي رح يورجي صورك لخطيبك او زوجك ؟؟!!!!
خلينا امشي معك لانه واضح انك متوترة كتير نفرض ورجاهم لخطيبك او لاهلك
اول شي هو تزوج و لو ورجاهم لخطيبك رح يخربله زواجه و يعلق بمشاكل مع اهله و اهل زوجته و يطلق و يدفع الي فوقه و تحته
وتاني شي انتي خايفةلو عرف خطيبك يفضحك و يعملك مشكله (هاد اسوء احتمال)بس قبل مخطيبك يجي يعملك مشكله رح يعمله كارثة و يسجنه
فكري و تخيلي معي اجى هالشخص الندل ونادى عاهلك او خطيبك دق باب بيتكم و ورجاه صورك
اهلك رح يحضنوه و يبوسوه و يقولوله بارك الله بك يا ابننا كشفتنا المخبي و يسقوه فنجان قهوة عكرم اخلاقه!!!!
والا رح ينضرب من كل الحي و يقولوا الواطي لعب بمشاعر البنت و ضحك عليها
انا اعطيتك اسوء احتمال ما في شب بحط حاله بهيك وضع لانه سيسجن و يعاقب
و عفكرة هو خايف اكتر منك هو يهددك انتي لانه عارف انك خايفة و متوترة و ما بدك تنفضحي بس تاكدي تهديده لن يتجاوز الكلام فقط
و نصيحتي لا تحكي معه و غيري ايميلك و هاتفك اذا كان يعرفه و قصي شعرك و اصبغيه و اعملي ريجيم او زيدي وزنك حتى لو جاء يهددك قولليه مو صوري انا مو هيك شكلي انت مركبهم و اكيد انت الي سرقت جوالي و اخدت صوري انا كنت اتصور اسلي نفسي ههههههههههههههه بمزح معك طبعا
انسيه و كل اثر يخصه امسحيه و لا تحاولي تكلميه لانه هيك بتسلميه رقبتك انك خايفة و متوترة و هو لن يقصر في اللعب باعصابك
موضوعك بسيط حبي لا تخافي واكثري من الاستغفار
و ربنا يرزقك زوج صالح يقدر قيمتك
خير الخطائين التوابين ديننا دين رحمة
ما تعاقبي حالك طول عمرك عالشي الي صار انتي عارفه انه غلط و تعلمتي منه
وبكرة هالتجربة رح تفيدك
انسيه و ادعي ربنا يرد كيده فنحره و قولي حسبي الله ونعمل الوكيل حيكون انتقام ربنا منه كبير اكبر من اي شي حتحاولي تعمليه لا تحاولي تنتقمي او تخربي حياته لانه حتكوني تصرفتي متله بتخريب حياة الناس بعرف انه كلامك من قلب محروق و موجوع و مطعون
و مغدور من اعز الناس الي طلع قليل اصل
اصبر الدنيا دواره بكرة بتشوفي شو مصيره
يمهل ولا يهمل
انتي مو اول وحدة بصير معها هيك و لا اخر وحدة في غيرك كتير و ربنا ما بنسى حدا
استغفري لانه مفتاح الفرج و يزيل الهم عن الصدر
|