 |
  |
|
|
|
|
|||||||
| التعامل مع الزوج و العلاقة الزوجية عروس على وشك زواج وخايفه؟؟ ياحبيلك تعالي اواسيك بكلمتين يوجد هنا عروس على وشك زواج وخايفه؟؟ ياحبيلك تعالي اواسيك بكلمتين العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
|
03-14-2011, 12:40 AM
|
#1 |
|
:: كاتبة ألماسيّـة :: |
السلام عليكم ورحمة الله وبركاته ..
هذا موضوع قرأته في أحد المنتديات واعجبني قلت أنقلة للمقبلات على الزواج ... الموضوع كما قرأته ..... هلا والله وغلا بالعرايس الحلوات قبل مابدا في كلامي لكم مني هالزغروطه الحلوه وللو وش الف الف مبروك ×××××××××××××××××××××××××××××× ×××× ياغاليه ليه خايفه هذي ليلتك لازم تفرحي فيها وتعيشيها بكل لحظة بحلاوتها والله راح تندمي علىوال الاستهبال والخوف والهباله وانك ماشفتي شي في عرسك والدموع اربع اربع..والمكياج خربان.. والحاله حاله ×××××××××××××××××××××××××××××× ××× راح احكي لك قصتي مع زواجيانا توني عروسه قدلي 3 شهور من زواجي وأخذت على نفسي عهد اني اخف على كل عروس خوفها من يوم الزواج السالفه ومافيها..... أنا ياحلى عروسه من النوع الخجول والخوافه من طاري ليلة الدخله ولما خطبني زوجي(لاحرمني الرحمن منه) طبعا هو ولد عمي ولما جا عندنا عشان يشوفني في النظرة الشرعية الله لا يوريكم وش صار فيني!!!!!!!تعبت وسخنت ومرضت ولانمت هذاك اليوم وكل اشوي اكتم عبرتي وحالتي حاله وكانت امي تقول (الله يعينا عليك يوم زواجك وش بتسوين فينا!!!) ويوم جا ودخل وشافني النظرة الشرعيه حسيت وانا جالسه بنوع من الراحه والاطمئنان فقلت في نفسي(ياه بس كذا؟؟!!)يعني شي عادي بالعكس حسيت براحه نفسيه وتم تحديد الزواج 3 يوم في العيد وكل ماقترب الوقت الموعود كلما زاد الخوف اكثر واكثر وبعدين قلت لنفسي...يابنت الحلال كم مره في حياتك بتزوجين؟؟؟وليه تخربين فرحتك بهلاخوف اللي مال امه داعي بس يعدم بشرتي بالوان الحبوب ويعدم شعري ويصير شكلي ماله داعي يوم الزواج وبعدين من يضمن لي اني باعيش لهذاك اليوم اخرب حياتي في شهور عشان خاطر ليله وحده؟؟؟وحده متفائله فطريقتي لتجنب الخوف من ذيك الليله قمت بالتالي: 1)تركت التفكير في هالموضوع نهائي..صحيح انه يجيني هالتفكير لكن بسرعه اطرده اروح الهي نفسي اسولف واضحك اشوف اغراضي وش ناقصني يعني الهي نفسي بنفسي 2)ان جيت افكر في يوم زواجي اخلي تفكيري ايجابي يعني اقول لنفسي يابنت الحلال كم مره بتزوجين؟؟انتي ملكة هذاك اليوم انتي نجمة الحضور الليله ليلتك انتي لوحدك الحمدلله (ماشاء الله لاقوة الا بالله) 3)وهو الاهم والاساس: كنت محافظه على هالدعوه والله يابنات ان شفت نتيجته بعيني ولله الحمد (اللهم أجعل تلك الليلة بردا وسلاما على قلبي وانزل علي السكينة وتغشاني برحمتك يارحم الراحمين..) وحتى يوم الزواج في كل سجود ادعي بهالدعوه والله يابنات ان اهلي متفاجئين فيني ماتوقعوني شجاعه بهالطريقة (ماشاء الله) يعني اخر ايام رمضان وفي العيد جالسه اضحك واسولف وفعلا راح الخوف نهائي ويسألوني البنات هاه كيفيك خايفه؟؟؟اقول والله ماحس بشي كأني بروح أحضر زواج وبرجع يعني مافيه ذاك الخوف اللي كان فيني قبل مادعي بهالدعوه!!! حتى يوم الزواج طوال ماني عند الكوفيراعادي وكل ماحسيت بريحة خوف قمت استغفر ونصحتني الكوفيرا جزاها الله كل خير قالت لي خذي نفس عميق واستغفري الله ولما خرجت من المشغل وانا في الطريق ازغرط لنفسي واستهبل واول مادخلت القاعه الا وانا اضحك مع اخواتي واسولف واكركر ولله الحمد واهلي متفاجئين فيني وتيسرت الزفه على احلى مايكون ولما قالوا يالله لمعت عيني بدمعه صغيره (حلوه لمعت )والسبب اني ماشفت امي طوال هذاك اليوم وحزت في خاطري اني اطلع وماشوفها وقفت وقلت والله ماطلع لين ماتيجي امي وشفتها جايه وقمت اسوي فيلم هندي حركات ودموع قالت امي(أقول الله يستر عليك ياليتني في هالليل عروس واروح مع زوجي الفندق اقول روحي بلا خبال قدامك باذن الله ايام حلوه)وسكت وركبت السياره واحس بان نسمات من الحرمه تنزل علي واحس بسكينه ماحسيت فيها بحياتي(ماشاء الله لاقوة الا بالله) حتى لما دخلنا الفندق احس بالامان ولساني وقتها مافك الاستغفار وهالدعوه(اللهم أجعل هذه الليلة بردا وسلاما علىقلبي وانزل علي السكينة وتغشاني برحمتك يارحم الراحمين..) وبكذا انتهى حفل زفافي وانا مستمتعه فيه لحظة بلحظة ولله الحمد ماشاء الله ×××××××××××××××××××××××××××××× ××××××××××× نصايح سريعه: الله الله بالاذكار لا تنسونها حصنوا انفسكم زين ترى العيون الجيعانه موجهه لكم ولاتدمرين نفسك هذا اهم شي ********************** حاولي في زواجك ان مايكون فيه ميوزك خاصة زفتك عشان ماتبدأي حياتك بمعصيه ويبارك لك ربي في هذيك الليله ***************************** لاتنسين تصلي العشا في وقته لانك اذا ماصليتيه عز الله مابتصلينه الا مع الفجر ****************************** ** راح تنتظرك ايام جميله باذن الله عيشيها لحظة بلحظه ************************* والله يوفقكم ويسخر ازواجكم لكم ويرزقكم الذرية الطيبة الصالحه أتمنى اكون افدتكم ولكم حبي وتقديري |
|
03-14-2011, 12:26 PM
|
#2 |
|
|
رد: عروس على وشك زواج وخايفه؟؟ ياحبيلك تعالي اواسيك بكلمتين
نصايح سريعه:
الله الله بالاذكار لا تنسونها حصنوا انفسكم زين ترى العيون الجيعانه موجهه لكم ولاتدمرين نفسك هذا اهم شي مشكورة يا عسل |
|
03-15-2011, 12:10 AM
|
#3 |
|
|
رد: عروس على وشك زواج وخايفه؟؟ ياحبيلك تعالي اواسيك بكلمتين
الشكر وكل الشكر لكي يا اختي
|
|
03-15-2011, 12:50 AM
|
#4 |
|
|
رد: عروس على وشك زواج وخايفه؟؟ ياحبيلك تعالي اواسيك بكلمتين
موضوع جرئ من وحده تحكي يوم زفافها من جد دخولك في هذا الطرح الرائع يهون على البنات المقبلات على الزواج
والله يديم عليكي الهناء والسعاده في حياتك الزوجيه |
|
03-15-2011, 10:36 AM
|
#5 |
|
|
رد: عروس على وشك زواج وخايفه؟؟ ياحبيلك تعالي اواسيك بكلمتين
شكرا لتواجدكم يالغلا
|
عروس على وشك زواج وخايفه؟؟ ياحبيلك تعالي اواسيك بكلمتين