 |
  |
|
|
|
07-31-2011, 03:58 AM
|
#1 |
|
:: كاتبة جديدة :: |
أرجوكم أفيدوني فأنا اتدمر
أنا بنت مخطوبة ولله الحمد عمري 21 سنة , معرف كيف احل مشكلتي بس والله اني بس ادعي ربي انو يفرجها عليا و ارتاح من الهم الي انا فيه
بدأت قصتي من سنة تقريبن بصراحة كنت اعرف شاب واحبو ويحوبني بدون طبعن ما أهلي يعرفو وكونا متفقين ع الزواج الى وقت غير معروف . كونا ندرس مع بعض في نفس الكلية بس طبعن احنا سعودين فكل واحد يدروس مع جنسو . اول شي اتعرفنا على بعض عن طريق تبادل المعلومات الي تهم دراستنا عن طريق منتدى خاص بالجامعة وفضلنا نتواصل الين اتبادلنا ارقام الجوالات وسرنا بس نتكلم عن الدراسة وتبادل المعلومات الي تهمنا وبس بعدها سرنا نفتح شوية مواضيع شخصية الى ان وصل بنا الطريق انو نتعود على بعض لدرجة قوية جدن بعدها بفترة اعلن لي عن حبه . وبعدها قعدنا نهرج بدون معرفة اهلنا بينا مررت سنتين على حبنا الخفي دا وطبعن دراستنا كانت صعبة( ندرس طب بشري ) وكنا متأخرين و مهملين فيها لاننا كونا مشغولين بس بعض 24 ساعة هرج بالجوال وبدون محد مايدري ومرت الايام واهلو اكتشفو طبعن منعوا مني واخدو جوالو وغيرولو رقم جوالو بالرغم من انو حاول معاهم انو يتقدم لي رسميا لكن اقنعوا انو كيف تتزوج انسانة عرفتها قيل ماتزوجها وكيف تتزوج طبيبة طبعن انا انهرهت وتعبت وتقريبنا جاتني صدمة عصبية قوية وبس بعدها رحع كلمني تاني وانا ماصدقت زي المجنونة رجعت وكلمتو المهم .... بعد بحوالي سنة يعني كملنا3 سنوات اتقدمو ليا عائلة معروفة و ثرية وكانو موافقين اني اكمل دراستي انحطيت في وضع زي الزفت وبكل المغريات دي رفضتو كتير لكن سبحان الله كانو مرة متمسكين بنا اهلي بهدلوني و سمعت كلام كتير , تقريبن امي كانت هي اللي تجبرني بكلامها وصريخها عليا وانا كونت عايشة بين نارين نار اهلي ونار حبيبي الي قلبي بيتقطع عليه كونت اهرجو كل يوم واتفق معاه ايش اقول لاهلي لدرجة انو اتقدم لي هو وابوه في نفس الفترة الي اتقدمولي فيها الناس حاول كتير مع ابوي ودبر حيل كتيرة عشان اهلي يرفضو داك الولد لدرجة انو التقا مع ابويا وجهن لوجه وطلب يدي منو بس طبعن ابويا ما وافق بحكم انو فيه ناس اتقدمولي قبلو المهم انا تعبت مررة لدرجة اني مارضيت اسوي تحاليل الزواج ابدن لكن اهلي اصرو اصرار قوي واجبروني بكلام يجرح ويقهر فأنا أستسلمت و روحت مع ابوي و سويت التحاليل وكمان سويت الملكة وفي نفس اليوم اتفأجأ بحضور حبيبي لملكتي في الحرم وبعدها عشت في عزاب ونار وبكا لانو خلاص كل شي انتها بيننا وخلاص لازم ننسا بعض وكل واحد يروح في طريقو عزاب شديد و قهر وبكا و مستوى دراسي زفت المهم تمر الايام بعد6شهور من الملكة كونت وقتها شوية هديت قريت اعلان في النت انو في شخص اقدر اشتري من عندو ايباد بسعر مغري لانو يستوردو من كندا ويبعوا هنا ومسكب الربح ليه مررة قليل طبعن انا كونت مررة مشتهية ايباد و فورا ارسلت له على الخاص وطلبت منو اي وسيلة للاتصال وسبحان الله يطلع نفس الانسان الي انا كنت احبو وترجع من جديد نار حبي تولع وابكي وهو يبكي والله والله والله و ربي الشاهد ماكنت اعرف اي معلومة او اشارة تدل انو هوا ورجعت اضعف واكلمو وابكي وهوا يحاول يصبرني الي قبل شهر تقريبن قطع كل اتصالاتو بيا والاسلي رسالة انو مسافر لاختو في استراليا وبعدها مو عارفة كيف اوصلو نزلت الحرم وبكيت ودعيت ربي انو خلاص انساه بس احس اني باتعزب مو قادرة اتعود على خطيبي الجديد و مو قادرة انسى حبي القديم مو عارفة ايش اسوي و مو قادرة ارتاح خايفة على مستقبلي من الضايع ساعدوني مواضيع ذات صلة |
|
07-31-2011, 04:47 AM
|
#2 |
|
|
رد: أرجوكم أفيدوني فأنا اتدمر
ارجوكم ساعدوني:confused:
|
|
07-31-2011, 05:12 AM
|
#3 |
|
|
رد: أرجوكم أفيدوني فأنا اتدمر
الله يكون بعونك انتي لازم تنسية وخصوصآ انك مخطوبة موقف حساس طيب افرضي لو اهلك عرفو بتروحين فيه
نصيحة انتي لازم تقطعين العلاقة يعني اي شي يذكركي فية من رقم اي اي شي حاولي تنسينة اشغلي نفسك في اي شي مثل كلمي خطيبك او مع اقربك المهم انك تشغلين نفسك والله يقدر اللي فية الخير |
|
07-31-2011, 04:15 PM
|
#4 |
|
|
رد: أرجوكم أفيدوني فأنا اتدمر
يا اختي مالك الا انك تصبري وتحتسبي الاجر عند الله
وهذا مستقبلك لازم تنسيه خلاص وتبدي حياة جديده وربي ما راح ينفعك البكاء ولا شي غيره اهم شي شوفي طريقك الحين ويسير بدل ما تخسري رجال في حياتك تخسري 2 رجال وانتي عارفه هالشي خاصه في مجتمعنا السعودي ما يرحم من كلام الناس ولا حتى من هو لمن يعرف شي عن اللي انتي سويته ما عليك غير الدعاء والصبر وانتبهي للحياتك وربي عشان ما تندمين بعدين دومتي بمودتي |
|
07-31-2011, 05:05 PM
|
#5 |
|
|
رد: أرجوكم أفيدوني فأنا اتدمر
الله يسعدكم على نصايحكم و لا تنسوني من دعواتكم في ظهر الغيب
|
