 |
  |
|
|
|
08-08-2011, 11:38 AM
|
#1 |
|
:: كاتبة مميزة :: |
بلح الشام
بسم الله
المكونات : كوب ونصف دقيق ماعقتين دقيق سميد ملعقه ونصف نشا فانيليا - 4 بيضات كبيره ملعقة خل كبيره كوب ماء - 1/4 كوب زيت ذره الطريقه : تغلى كوب الماء والزيت ....بس نخلى بالنا ان الميه مش تغلى اوى علشان المقدار مش ينقص ممكن نغلي الميه الأول فى الغلايه الكهرباء وبعدين نحطها فى الحله مع الزيت وياريت تبقى الحله استنلس او صاج او تيفال بلاش الألومنيوم و بعدين نضيف المكونات الجافه ( الدقيق- السميد -النشا-ذرة ملح ) ونقلب بمعلقه خشب مسطحه ونطفى النار لحد ما تتكون كوره مفتته نوعا ما ولما العجينه تبقى دافيه نبتدى نضيف البيض بيضه ولما تختفى نضيف التانيه وفى اخر بيضه نضيف الفانيليا والخل ونقلب كويس لحد ما تتكون عجينه ملساء ولامعه ياااااااااريت تسيبيها شويه فى التلاجه يعنى ربع ساعه وبعدين تجيبى كيس الحلوانى وتدهنيه شوية زيت علشان العجينه تبقى سهله ومش تلزق وتشكليه ويوضع فى زيت بااااااااااااااااااااااااااارد مهم اوى يا جماعه علشان القرمشه واول ما بلح الشام يبتدى ينفش نعلى النار ونقلب علشان كلو ياخد اللون وبعدين نطلعه على ورق مطبخ الشربات : كوبين سكر -كوب ماء - عصير ليمونه كبييييييره - فانيليا - او ماء زهر اللى بتحبيه يوضع السكر مع الماء ويترك ليغلى ونرجو عدم التقليب علشان السكر مش يتكون على اجناب الحله ويسكر وفى الأخر نضيف الليمون وماء الزهر او الفانيليا يوضع بلح الشام فى الشربات بعد ان يصفى من الزيت وناخد بالنا براحه علشان بلح الشام مش يتكسر ويصفى من الشربات وبالهنا والشفا ملحوظه ملعقه الخل مهمه علشان الزفاره بتاعت البيض ثانيا الزيت بارد ولو عايزه تعملى مره كمان فى الزيت اطفى النار واستنى شويه وبعدين لما يهدى حطى بلح الشام وبعدين شغلى النار معلش انا حاسه انى طولت عليكم بس الخطوات دى اهم حاجه علشان يطلع حلو :) مواضيع ذات صلة |
|
08-08-2011, 06:19 PM
|
#2 |
|
|
رد: بلح الشام
مشكوره ياقلبي
|
|
08-09-2011, 12:24 AM
|
#3 |
|
|
رد: بلح الشام
 |
|
08-09-2011, 04:29 AM
|
#4 |
|
|
رد: بلح الشام
ابداع يالغلا
وصفة جميلة شكرا لـ،ــ،ـك تقبلي مروري |
