|
10-03-2011, 06:15 PM | #1 |
من كبار عضوات ازياء |
كيكة النوتيلا بالكاكاو ..
كيكة النوتيلا بالكاكاو .. المقادير: -حليب عادي او حليب بالكاكاو -نوتيلا -3 علب قشطة نستله -2 دريم ويب -باوند كيك -هيرشي للتزين الطريقه : -اول شي نجهز القالب المتحرك اللي ينرفع او قالب الجيز كيك اللي ينفتح -ونبتدي نقطع الكيك شرايح اقرب للسمك على حسب الارتفاع اللي تحبين -بعد ما رصينا الكيك في القالب نبتدي نشربه بشوية حليب -وهنيييه بعد ماتشربت الكيكه بالحليب -وبعد ما انتهينا من الطبقه الاولى نبتدي نجهز الطبقه الثانيه (طبقة النوتيلا) وهي عباره عن : -القشطه ،ومن ثم النوتيلا،وفي مله ثانيه نخلط الدريم ويب مع نص فنجان ماي بااارد جدا ونحركها اللين تغلظ وتستوي كريميه -ونحطها على النوتيلا -ونبتدي نحركها اللين تستوي مزييييج بها الصوره -نصب جزء منها على طبقة الكيك -ونرجع نكرر مره الثانيه نرص طبقه ثانيه من الكيك ونشربه بالحليب -ونحرص انه ماتكون فيه اي فراغاااات في طبقة الكيك -نحتفظ بمقدار من كريمة النوتيلا ونصب الباقي علييه ونسويه بحيث تكون الطبقه مرتبه -نغطي القالب ونغطي الجزء اللي احتفظنا فيه من كريمة النوتيلا ونحطهم في الثلاجه -أنا عادة احب اسويها قبل التقديم بيوم .. بس ممكن تخلينها 4 ساعات او أقل قبل التقديم -بعد ما تتماسك وقبل التقديم بربع ساعه نطلعها من الثلاجه -نيب كريمة النوتيلا ونغطيبها اطراف الكيكه -ونبتدي نزينها ب سائل الكاكاو (هيرشي) -ونقصصها وممكن تزينين الصحن والكيكه مره ثانيه بسائل هيرشي مواضيع ذات صلة |