التنظيم والترتيب لهو دور كبير ايضا في حياتنا
يبعث في النفس الراحه والاطمئنان

انظري لغرفتك في البدايه هل هي غرغه امراه جميله ام غرفة عجوز
انتي وحدك حددي هذا ....

حتى تبتدي بدايه جميله عليكي بالتالي

1_ شراء شنطه كبيره جدا وصناديق وفتح ابواب الخزانه (( وتطلعين كل شي فيها وتخلينها صفر وهاتي منشفه صغيره ونظفي جيدا وبعدين هاتي ثانيه نظيفه وعطريها بعطر هادي
ومسحي الكبت من داااخل بالكامل هاتي الجمر وضعي العود او العود المعطر او البخور
(( المعاموله )) بشرط تكون رائحتها جميله جدا لان بتعلق في الملابس وبعد ما تدخنينه
سكري الابواب وخليه لا تفتحينه لين تخلصين ))

2_ قربي منج الشنطه والصناديق الصناديق للتبرع بها لفقير والشنطه تضعين فيها كل شي انتي ما بتلبسينه الحينه بمعنا هاتي الثياب والاندر وير وافرزي كل القطع حطي في الصناديق الملابس القديم جدا الي الها سنين او الاندر وير وكل شي ما تريدينه ما عدى الي الها ذكر خاصه في قلبك هديه وما شابه .

3_ بعد الفرز سيكون لديكي التالي

أ_ صناديق مملوئه للتبرع تخلصي منها حالا
ب_ شنطه فيها اشيء مش جديمه وايد بس لا تلبس في الوقت الحالي سكريها وحطيها في
المخزن او تحت السرير او غيره
ت_ ملابس جديده وتلبس (( ستلاحظين انج معلق على نوعيه معينه وتهملين نوعيه ثانيه جديده !!)

4_ قسمي الخزانه للتالي

1_ للتايورات ( القمصان والتنانير )
2_ للعبايه والشيل
3_ الجلابيات
4_ للاندر وير
5_ لغيرا السرير وما شابه
6_ للفوط والارواااااب
7_ ....................... حسب الاحتياجات للبناطلين او الشالات او او


5_ طبعا تكون مغسوله ومكوايه وتعطرينها على ذوقج الاندر وير يكون رحته هاديه
وتحطينه في مكانه المخصص وتحطين كل شي بطريقه مرتبه جدا ومنظمه لدرجة انج ممكن
تحطين فازه صغيره فيها ورد مجفف تعطرينه عشان الي يفتح كبتج يحس بالراحه فشو بيكون شعورج لا بد من هذي الخطوه لا بد يعني عندج رفوف خصاصتيها لملابس البيت حطي عدالها
شمعه شكلها حلو او صندوق مرتب او هديه يج او دبدوب او اي شي من الموجود مافي داعي تشترين ... ويوم بتحطين الاندر وير عطريهم وحطيهن في الاكياس وهاتي (( اقل شي ما اريد اكلف عليكن )) مسك العروس مثال وحطيه في قطنه وحطيه في كيس الاندر وير للعلم في قطعه صغيره تختارين الشكل الي تريدينه مخصص للاندر وير تعطرينه وتحطينه في الكيس المخصص للاندر وير اسالوا عند محلات الانجري .....

وممكن لما تعلقين ثيابج تختارين العلاقات الي عليهم حرير وقطن تعطرينهم وتعلقين في الخزانه ونفس الشي العبايه والشيل (( ما عدى الي بتطلعيبهم السوق او عند حد من غير المحارم عشان لا يكتب عليج زانيه )) يجب ان تختاري لكل شي المكان المناسب واعلمي
الخزانه مش للتكديس لا للترتيب والتنظيم وان احسستي انها لا تكفي ممكن شراء اخرى ووضعها في غرفه مجاوره وترتيب كل ما يهمك فيها ... وبنطرق الى هذا الموضوع بشكل مفصل اكثر ومدعوم بالصور ......





دلوقتي بنتكلم عن الطرف المهم في الغرفه
للاسف مرات اشوف التسريحه في الغرفه عليها كل شي !!!!!!!!
ويكون شكلها مزعج

ليييييه

المفرووووض يكون على التسريحه بعض هالاشيء

1_ شمووووووع




2_ ممكن ورد طبيعي مجفف الي اي في شمع ( جلي )




3_ حامل مزخرف للعطووور مش كلها بس كمن واحد للزينه

4_ حامل مزخرف للمكياج يكون فيه روجين اي اي شي شكله حلو

مش كل مكيااااااجج !!!

5_ كاس شكله ملفت للاقلام للعين او للروج ومش كلهم الاكثر استخداما او للفرش
مفرش يكوووون حلو ناعم وملكي ا

6_ اي شي يكون شكله حلو وبيعطي منظر

_ يكون المفرش من الدانتيل او الحرير او الشفون الي له جوانب طويله للارض وشكالهم
ملفته وتخلين طرف اطول من الثاني بان تضعين تحفه فضيه على الارض فوق المفرش
وتنسقين الباقي من الفرش بطريقه عشوائيه وياليت لو تكون القطعه شبه مفتوحه وفيها ورد مجفف معطر ويكون ملاصق التسريحه مش بعيد والي يدخل يقول شو السالفه

_ بعض وضع المفرش ضعي في الجه الاولى شموع باحجام مختلفه والوان متناسقه واشكال ملفته للنظر

_الجهه المقابله تكون باقه حمراء اللون من الورد المجفف مغموس في الشمع المائي حجمها
مناسب لحجم التسريحه .

_ في النصف صندوقين من الفضه او الزجاج او الخشب او الصدف او اي خام ملفت للنظر

وفي اشيء اتي كانها احجار كريمه ومجوفه ومحفوفه بطريقه غريبه تصفين فيهم العطور
او مكياج يطلع الشكل واااااااااااااااااااااو وبقربهم كاس مزخرف بطريقه ملفته تحطين فيها الاقلام وممكن ابجوره صغيره بشكل صدفه (( هذي قمه وروعه )) تكون بحجم المانقوا الكبير
وعلى جنب وتكون الانوار مطفئه وهيه تعطي اضائه ونعكاس رهيب

هذه بعض الافكار وممكن ان تظيفي واذا عندكم اي معلومه جميله لا تبخلون هذا الموضوع للاستفاده

اما باقي الاشياء ....

هاتي صناديق متشابه تدخل في ادراج التسريحه وخصصي واحد للمكياج المتبقي الكيلو ونص
والثاني للعطووووور والثالث للتووووووك والرابع للسشوار وتوابعه لا ترمي اغراضك في الدروووج ويكون شكله مبعثر !!!!!! احذري

والصندوق الرابع والخامس والسادس لجميع اغراضك ......

بالطريقه هذي بتكون التسريحه تحفه في الغرفه والاغراض مرتبه في الادراااااااااج



نتجه الى السرير


هل تعلمين ان النوووووم هو من اجمل المتع التي انعم الله علينا بها
تحتاجين الى مخدات ملمسهن لطيف وارتفاعهن مناسب ورائحتهن جميله
حتى تنعمي بنوم هادء وتحتاجين الى مفرش ملمسه كل حرير وجميل
ويدفئك ويجعل النوم اكثر متعه وجمالا ..........


أنظري الى حجم سريرك اذا كان حجمه كبير
_هاتي مخدتين كبار كبار ويكونن للوراء
_واثنتين اصغر عنهم ( الي تنامين عليهن نوم الهنا والصحه ****لله )
_ وهاتي اثنتين دائريات صغنونات وغيرهن مربعات وغيرهن اسطوانيات ورتبيهن
بشكل حلو ومنسق


واذا حجمه صغير اكتفي بمخدتين واسطوانه ومخده دائريه وأخرى ومربعه .



يحب اختيار المفارش المناسبه يكون من النوعيه الممتازه
والمخدات قطنهن لازم يكون ناعم وجميل
واختاري الوان تناسب غرفتك ابيض وردي سماوي او الوان مثيره مثل
الاحمر
العنابي
ابتعدي عن الالوان الكئيبه
ونوعي اذا قطن او حرير او ساتان اهم شي يكون مريح ونظيف

اذا انتي تعتمدين على الكفرتات حاولي تغيرينهم كل يومين مره على الاقل هذا اذا مش كل يوم مثل بعض الناس لان ملمس المفرش نظيف ومكوووووووووي يخليج ترتاحين في النوم
واذا تعتمدين على البطانيات الكبيره (( ما احبها وايد !!)) لازم تتعرض للشمس كل يوم وتنغسل على الاقل في الشهر مره .



حولي تغيرين مره هذي ومره هذي وتغيرين في الالوااان
وبالطريقه هذي بتكسبين منظر جميل للسرير وبيكون ممتع للنوووم

نشوف الكمدينوا الي جنب السرير احلى شي يكون عليهن ابجووووره

واذا انتي ما تحبين الابجورات على الاقل لو وحده شكلها صغنوني وحلو غريب

يمشي مع ديكورر الغرفه مثل صدفه كبيره تشترينها واتخلي الكهريائي يحولهالك ابجوره

ولا تحطين اي شي على الكمدينووووووووو الا ابجوره او شي للزينه لا ابريق ماء ولا ادويه ولا كتب ولا غيره ........!!!!!!!

دلوقتي انشوف الجدران ممكن تشترين قماش شكله غرييييب عجييييييييب ولونه فاتح
وتثبتينه على بروااااز وتلصقين عليه بعض الاحجار ولا تستغربووون
ممكن تيبن حلق ما تريدينه كسريه من ورى بيكون شكله حلو صدقوني بالوان واشكال مختلفه
ولزقيه بيعطي شكل حلو واذاانتي فنانه ولا عندج موهبه ابدعي فيه
وممكن اثبتينه على برواااز التعليق مب شرط مال الصور الي تشوفينه احلى

وممكن تختارين لوحه منظر طبيعي او بحر او غيره وثبتينه في زاااويه او براويز صغيره
لمناظر طبيعيه او الوان غريبه وتحطونه بشكل عشاوئي على زاوية الغرفه متقابلين

يعني تعملي حركه في الغرفه حلو ه وغريبه وعلي زوقك وتعكس شخصيتك
وفي احد الزوااااااااايه تختارين لمبه استاند طويله ( مثل الي في الفنادق) الي تقدرين تتحكمين في درجة الاضائه وبعدين تحطينا وتخففين الضوء قد ما تقدرين

ضعي في الغرفه سجاده جميله او مخدات شكلها غريب المربعه والدائريه
او نفوره للماء فيها اضائه ودخان في منها مخصص للغرف شكلها وحجم مناسبين وحلويييين جدا جدا

وشوفي مكان مناسب وهاتياسفنجه او البلستيكه الناعمه المرتفعه ممكن تغلفينها

بقماش ساده حلو او تخيطينها تحت السجاده تكون مريحه ومرتفعه وتحطينها مقابل القبله دائما ابدا ما

تتحرك الا للغسل او التنظيف ابصراحه حلو تبدعين في السجاده لانها من اسباب الراحه النفسيه في الصلاه وعطريها دائما وخلي عدالها حامل للقرئان واخر لاذكار او الادعيه وا غيره ولا يتحرك من مكانه ممكن تسوين حركات في حامل القرئان احجار وماشبه للديكووور يعني

يكون صندوووق قدييييييم ضعي فيه الاذكار او عليه المهم وعداله الحامل للقرأن وغيره تخلينها مساحه روحااانيه مقدسه كل ما بغيتي
تهربين من الدنيا تصلين تقرين تدعين


ويوم تنتهين من الغرفه تدخنينها وتعطريييييييييييييينها ودائما خلي اضائتها خااااااااااافته


هذي بعض ما عندي واشدد على بعض الافكاااااااااااااااار والي عندها اضافات تتفضل ....



الحين انيي للحمام وخزانته !!!!!!

من الي نشوفه في المنتدى ونسمع عنه
امتلت الخزاااااااااااااناااااااااااا اااااات من كل ما لذ وطاااااااااااااااااااب
مشالله تبارك الرحمن

دلوقتي نبتدي بهذي الخزانه هاتي صندوووووق ونزلي كل شي ونظفيها وبعدين حطي الي تحتاجينه فقط فقط والباقي خليه بشكل مؤقت

ووقفي المشتريات خلصي كل الصااااااااااااابون الموجوووووووود عندج لا تشترين جديد
خلصي الشامبوا خلصي المعاجين الزيوووووووت الكريمات المرطبه انتي في الفتره همج تتخلصين منهن بس اخر شي بتكتشفين انج أفتي عمرج مثال ....



الكريمات

كل الكريمات الموجوده من الفازلين الى كريمات الجسم والوجه خليها في مكان واحد

واي شي تحسين ماله لازم ارميييييين لا تحتفظيف فيه ابدا ابدا ...

اي ماسكات او اي كريمات عندج فائضه ومنتهيه الصلاحيه استخدميها للاقداااااااام للاقدااااااااام فقط فقط واذا كان بعضها يصلح لغسيل ارضيه الحمام اوتضغيه داخل السيفون



الحمام لا بد من يكون نظييييييف 100% ورائحته جميله وتدل على صاحبته

1_ اول شي اختاري فرش مناسب للون الحمام ...

2_ ثاني شي اختاري الاكسسورس خامات لا تتاثر
ببخار الحمام ورطوبته والوانه متناسقه مع الحمام ...



3_ اضيفي بعض زجاجات العطوووور المخصصه لهذا
الغرض ضعي ورد مجفف اي شي حلو حجر كبير حاولي
تخلين الحمام مكان يجذب الانظار ...


4_ رتبي الفوط بشكل مرتب وحلو ممكن استخدام حامل
افوط يعطي منظر للحمام ورونق خاص ...



5_ اختاري مكان محصص او اواني جميله لوضع
حجر الفرك وعصى الارجل وفرشات الاظافر وادات المساج
واليف بشكل منسق ومرتب