ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم تحذير من حقن الهالات السودا ودكتورة ((علا حسام )9حسبي الله ونعم الوكيل يوجد هنا تحذير من حقن الهالات السودا ودكتورة ((علا حسام )9حسبي الله ونعم الوكيل وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية


الكلمات الدلالية (Tags)
تحذير, تحذير من سبونج بوب, تحذيرات الدفاع المدني, من و تو, منال العالم, حقنه, حقن الميزوثيرابي, حقن الخدود, الهالات السوداء, الهالات السوداء تحت العين, الهالات السوداء وعلاجها, السودان, السوداني, السودان الان, jvm, علامات الساعة, علاج البواسير, حسام الرسام, حسام الرسام 2012, حسام الرسام صار شكد, الله, الله أكبر, اللهم لك الحمد, ونعم بالله, الوكيل مباشر, الوكيل, زينب الوكيل

 
قديم 01-05-2012, 10:05 AM   #1

يارب سترك ورضاك

:: كاتبة جديدة ::

الملف الشخصي
رقم العضوية: 179921
تاريخ التسجيـل: Dec 2011
مجموع المشاركات: 26 

تحذير من حقن الهالات السودا ودكتورة ((علا حسام )9حسبي الله ونعم الوكيل


تحذير من حقن الهالات السودا ودكتورة ((علا حسام )9حسبي الله ونعم الوكيل

السلام عليكم اعضاء منتدانا الكريم
انا حبيت انى احكى تجربتى المريرة مع علاج الهالات السودا بالحقن .انا حبيت احكيلكوا عليها لأن شوفت بنات كتير وستات نفسهم يفتحوا منطقة حول العين وممكن يعملوا اى شيء مؤلم وضار علشان يوصلوا لنتيجة كويسة في الموضوع دة
انا عندى هالات سودا من فترة كبيرة واستخدمت كريمات كتيرة ومفيش فايدة فدورت في النت على علاج ليها او دكتورة اروحلها فلاقيت ناس كاتبة عن دكتورة اسمها ((علا حسام ))
واكاد اجزم ان الكلام دة كلة غرضة دعاية مية في المية وحسبي الله ونعم الوكيل فيها وفاللي بيستغل امال الناس ومرضهم في اغراض ومكاسب شخصية
وحسبي الله ونعم الوكيل في الطبيبة دى واللى حصل معايا كالتالى والله شاهد على كلامى
انا روحتلها لما لاقيت واحدة بتقول انها اتعالجت عندها . لما روحتلها لاقيتها طبيبة صغيرة في السن جدا فاستشفيت انها قليلة الخبرة لكنى قلت اجرب يمكن يحصل نتيجة بكملت التكاليف
اللى لفت نظرى ان الدكتورة نفسها عندها هالات سودا وسمار حولين الفم فقلت لنفسي لية طيب هى مجربتش على نفسها العلاج اللى بتستخدمة للمرضي بتوعها طبعا لأنها تخاف على نفسها ولا تخاف على المرضي المهم المكاسب حسبي الله ونعم الوكيل
المهم بعد ما شافتنى اقنعتنى ان الحل الوحيد للهالات اللى عندى هو حقن الهالات السودا حول العين وقالتلي ان تكلفتها عالية لكن نتيجتها سريعة .فانا قلتلها انى مش هقدر استحمل حقن حوالين عينى فقالتلى انها هتحطلى بنج موضعى الاول
وكانت تكلفة الجلسة الواحدة 350 جنية وحددتلى 3 جلسات واحتمال احتاج الرابعة
وبدأت اول جلسة وبالرغم من انها وعدتنى انى مش هحس بأى الام الا انى كنت بـالم جدا اثناء الحقن
وفي ثوانى معدودة لاقيت عينى ورمت جدا فسألتها عن الورم فقالتلى انة عادى وكتبتلى علي كريم اضعة مكان الحقن علشان الورم يروح وبرغم من انى كنت بستخدم العلاج الا انى لاقيت ان عينى حمرا جدا ووجع رهيب فيها وفضلت كدة لمدة اسبوع وانا كل ما اكلمها تقولى ان دة شيء عادى جدا بالرغم من ان قبل الحقن مكنتش بعانى من اى مشكلة في عينى
وجائت معاد الجلسة الثانية واخبرتها انى مش هتحمل الحقن في عينى لأنها بتوجعنى ولونها متغير وورما جدا
تصوروا طلبت منى انىاخد الجلسة برضة واحقن على الورم واقنعتنى بأنى لازم اكمل العلاج علشان الحالة دى تروح وساعتها مكنتش حاسة بالحقن من كتر الالم اللى كان في عينى
ولكن في المرة دى معطتنيش لاروشتة ولا علاج طلبت منها امبولة الحقن ان تعطينى اسمها ولكنها رفضت بشدة علشان كدة بدأت اخاف واصريت انى اروح لدكتور رمد لأن عينى كانت حالتها صعبة خصوصا بعد تانى جلسة
المصيبة يا اخواتى انى بعد ان عملت فحوصات على عينى الدكتور اكد لى انى عندى انسداد في القناه الدمعية بالاضافة لتقرحات شديدة في القرنية
ولكنى لم استسلم روحت لكذا دكتور رمد اكدوا لى هذا الكلام والمفاجأة الاكبر لما شافوا روشتة الدكتورة دى اكدوا لى انها مش اخصائية تجميل ولا حاجة
ولا واخدة دراسات في عمل مثل هذة العلاجات ودة واضح في الروشتة
دكتورة علا حسام _ علاج بشرة وشعر _ جامعة الازهر يعنى ولا اخصائية ولا ماجستير ولا دراسات في عمل العلاجات دى وقالولى لو هى اخصائية كانت كتبت على الروشتة كدة وكانت هتديكى اسم مادة الحقن بدون خوف لكن اغلب الاطباء بيلاقوا المجال دة مربح جدا فبيعملوة بدون دراسة ولا اختبارات
وفي الاخر اخدت تقرير مفصل عن حالة عينى وروحتلها كأضعف الايمان اخد التكلفة اللى بوظتلى عينى بيها علشان اتعالج او حتى اسم مادة الحقن ولما رحت المرة دى والسكرتيرة قالتلها انى عايزة اقابلها زى ما تكون متوقعة سبب الزيارة سابتنى والله ما يزيد عن 4 ساعات متعمدة لأن كان في ناس بتيجى بعدى وتدخل وانا قاعدة هموت من عينى وصداع لا يحتمل وانا منتظرة بالصدفة لاقيت واحدة الدكتورة دى كانت بتديها حقن نضارة قاللتها انها هتخلى جلدها نضر ولونة بمبي وبعد ما عطتها 18 حقنة مفيش نتيجة نهائي غير انها اصبح عندها تضخم في الكبد من اثر هذة الحقن ربنا يشفيها ويعافيها يارب وكانت رايحة للدكتورة بالتقرير الطبي والاشعة اقسم بالله هذا حصل . وبعد معاناه دخلت وعرفتها انى عملت تقرير لعينى والتقرير بيوضح انى عندى انسداد في القناه الدمعية وتقرحات في القرنية بسبب الحقن وطلبت منها فلوسي واسم المادة اللى حقنتها . ولكنها اتعاملت معايا بتبجح شديد وقالتلى انى عندى مشكلة وهى ملهاش دعوة ومفيش اسامى مادة واللى عايزة اعملة اعملة وانا مملكش غير انى اقول حسبي الله ونعم الوكيل فيها وانا مش هسيب حقى وهروح النقابة وانا عينى بقالى اسبوعين حالتها صعبة بالرغم من انى باخد علاج ليها وصداع شديد ولما بغمض عينى بحس بوجع دا غيرالعلامات البنية الصغيرة في قاع عينى ربنا يصبرنى
انا تحت تأثير العلاج دلوقت علشان اعرف اكتبلكوا الموضوع دة علشان احظركوا من عواقب حقن الهالات وياريت تخلوا بالكم من اى حقنة تتحقن في امنطقة دى وحازروا اكتر من الاطباء اللى زى الدكتورة دى بالله عليكوا وحاولوا تكون حلول كل المشاكل طبيعية بدون المواد الخطرة واللى اكيد ضررها غير محتمل وربنا يستر عليكوا
وحسبي الله ونعم الوكيل

 
قديم 01-05-2012, 10:18 AM   #2

يارب سترك ورضاك


رد: تحذير من حقن الهالات السودا ودكتورة ((علا حسام )9حسبي الله ونعم الوكيل


تحذير من حقن الهالات السودا ودكتورة ((علا حسام )9حسبي الله ونعم الوكيل

وياريت يا اخواتى الاعزاء تتاكدوا ان اى مادة تجميلية غير طبيعية ضررها اكتر من نفعها ولا تثقوا في اى حد يقول عكس ذلك ربنا يعافيكم
واستودعكم الله الذى لا نطيق وداعة

 
قديم 01-06-2012, 05:07 AM   #3

حبي لك


رد: تحذير من حقن الهالات السودا ودكتورة ((علا حسام )9حسبي الله ونعم الوكيل


تحذير من حقن الهالات السودا ودكتورة ((علا حسام )9حسبي الله ونعم الوكيل

الف لا بأس عليكى اختى انا فعلا اصدق على الدكتورة دى اى شيء
لأنها عملت حملات دعائية لمنتجات ضارة جدا وغير حاصلة على موافقة الصحة ومن وقتها وانا رأيي فيها انها لا تخاف الله وصدق كلامك

 
قديم 01-06-2012, 10:01 AM   #4

بنت التحليه


رد: تحذير من حقن الهالات السودا ودكتورة ((علا حسام )9حسبي الله ونعم الوكيل


تحذير من حقن الهالات السودا ودكتورة ((علا حسام )9حسبي الله ونعم الوكيل

مشكووره

 

أدوات الموضوع


تحذير من حقن الهالات السودا ودكتورة ((علا حسام )9حسبي الله ونعم الوكيل


الساعة الآن توقيت السعودية الرياض و الدمام و القصيم و جدة 12:29 PM.

 

Powered by vBulletin® Copyright ©2000 - 2014,
يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0