المشاركة الأصلية كتبت بواسطة مدام ابو عودة

و الله انا تعلمت اشياء كتير من بعد ما تزوجت مع اني ما صارلي غير سنة متزوجة
أولا: تعلمت فن السكوت لانو الرجال ما بحبو المرأة الثرثارة و تعلمت لما بدي أحكيله موضوع يكون كختصر كتير من غير أي تفاصيل لانهم ما بحبو التفاصيل
ثانيا:تعلمت اني أبدا ما أطلع اسرار البيت للخارج حتى لاهلي و بالذات لانو زوجي ابن خالتي بتجنب المشاكل كتير
ثالثا: لما زوجي يروح من الدوام ولما يصحى ما بكون جاي عباله يحكي أبدا مع اني انا كمان موظفة و دوامنا ببدأ مع بعض و بنتهي مع بعض إلا اني اكتشفت يا بنات انو المرأة عندها قدرة على التحمل لا توصف أبدا أكتر من الرجل و الله انو الرجل ما بقدر يتحمل ربع اللي بتتحمله المرأة
رابعا: الزوج بحب زوجته دايما نظيفة و أنيقة بالرغم من أنه بتصيبه حالة الصمت و ما بحكي انو هذا الشيء جميل بس بحب يحكي عن النسوان اللي برا البيت و عن جمالهم و اناقتهم
وانشاء الله اكون افدتكم و بالذات ياللي على وجه الزواج