|
|
التعامل مع الزوج و العلاقة الزوجية بكل خجل من نفسي اعترفلكم على امل المساعده يوجد هنا بكل خجل من نفسي اعترفلكم على امل المساعده العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
04-16-2012, 10:35 PM | #1 |
:: كاتبة جديدة :: |
بكل خجل من نفسي اعترفلكم على امل المساعده
السلام عليكم ورحمة الله وبركاته كيفكم صبايا انا اليوم جيت وكلي امل في المساعده وتاخدو اجري بازن الله انا امراه متزوجه وعندي طفل واحد الله يحفظه , مشكلتي قبل مااطرحها مابدي منكم كلام جارح الي شايفه نفسها هتجرحني تدعيلي وتطلع بليز معليش عشان انا من جد نفسيتي تعبانه المشكله واللي هي اهم مشكله في الحياه اني مابصلي , في كسل مو طبيعي كل مااحاول التزم بالصلاه التزم يومين وترجع ريما لعادتها القديمه , والله يابنات قد مااخاف من الموت وانا على دي الحاله واحاول اداوم الا يجي شيس وانشغل وكل اللي صليته يمكن 3 ايام , اللي تقول وين زوجك زوجي طول اليوم في الدوام يادوبك يجي يتعشى ينام , اللي مضايقني انو نفسي اداوم والله يابنات خايفه من عقاب ربي بس معرف ايش اللي يمسكني عن الصلاه والشي التاني نفسي اكون قدوه حسنه لابني بدي اياه يشوفني اصلي وبس يكبر يقلدني نفسي يابنات ساعدوني الله يسعدكم وربي تعبت , كل مااجي افكر اكلم شيخ اخاف زوجي يكتشف ده الشي ومعرف ايش مصيري معاه وكل مااقوله بدي اروح لشيخ يقرا علينا يقولي بعدين ومو لازم وانتي ايش بك موسوسه ومو عارف انو زوجته ميته من التعب النفسي والخوف والله معرف انام , وبس افكر اقوم اصلي في الليل معرف كيف يجيني النوم واروح في النوم . اترجاكم ماتطنشوني بدي ردود تساعدني يمكن وحده منكم تكون السبب بعد الله في هدايتي المشكله التانيه اكيد مو اهم من الاولى بس برضو مهمه اقولها وبكل خجل منكم ومن نفسي العاده السريه , اماااااارسها وبكثره يمكن في اليوم 3 مرات ده اكتر شي وربي بس اخلص اتضايق واقعد استغفر ربي ,مااقولكم انو زوجي مقصر بس انا اللي شهوتي مو راضيه تهدا يعني النوم مع زوجي تقريبا كل اسبوع مره وكمان المشكله لما ينام معايا على طول ينزل ويكون دوبو بدا , والله يابنات قد مني محتاجه حنان ومحتاجه حب ومحتاجه رومنسيه من زوجي بروح اعوضو في الزفت العاده السريه , والله اني اكتبلكم ودموعي مو راضيه توقف انتو تتخيلو ايش معنى لما احب نظرات الرجال لي واقعد افكر بااحتياجي للحب وبعدين استغفر ربي واشيل عني دي الافكار , ولا لما اكون عند اهل زوجي ( انا اكشف وجهي بس على اخوانو وازواج اخواتو ) احاول اسوي حركات تلفت نظرهم لي , تعرفو ايش معنى اني صرت احب اشوفهم يتطلعو في , تعبت والله تعبت وانا عارفه انو ده كلو نتيجة بعدي عن ربي . بس كمان قد ماحاولت انبه زوجي واقولو محتاجه حنان محتاجه حب يقولي يالله انتي مسكينه كل يوم تنضربي صح ؟ تريقه كل مااحاول افهمه انو مو شرط انك ماتضربني وانك مو عصبي يعني انك معطيني كل شي , هو بصراحه مو مقصر معايا بس ماديا اما معنويا وربي زفت . صرت لمااحس حالي هتهور واسويها واخونه قد مااستغفر ربي واعوضها بالعاده السريه يابنات والله كارهه حالي كارهه حياتي نفسي اغيرها كلها من البدايه نفسي ذنوبي كلها تختفي وتجي مكانها حسنات يارب يارب تهديني يالله ساعدوني محتاجتكم مرررررررررررررررررررررره بلييييييييييييييز نفسي اتغير الله يخليكم ساعدوني خدوني بكل جديه وساعدوني مواضيع ذات صلة التعديل الأخير تم بواسطة *ام جوجو* ; 12-23-2015 الساعة 05:42 PM. سبب آخر: الموضوع ليس في مكانه الصحيح وينقل للقسم الصحيح (نقل من 62 إلى 39) |