تمارين بسيطه للحصول على قوام متناسق شرح بالصور. أكيد حلم كل بنت هو الحصول على قوام متناسق خالي من أي عيوب ممكن تكون موجودة فيه زي مثلا بروز البطن "الكرش" أو مشكلة الأرداف العريضة أو مشكلة "ترهلات الصدر" وغيرها من المشاكل اللي ممكن إنها تأثر على جمالك
وأكيد بتسألي نفسك وبتقولي يا تري إيه السبب في المشاكل دي كلها؟؟؟
لو فكرتِ بينك وبين نفسك كويس هتلاقي إن السبب الأساسي في ظهور المشاكل دي كلها هو "الكسل والخمول وقلة الحركة" اللي ممكن تكون غصب عنك نتيجة مثلا إن طبيعة عملك بتفرض عليكِ الجلوس لفترات طويلة.. أو إنك مش عندك إمكانيات أو وقت إنك تروحي النادي تعملي تمارين رياضية.
بس إيه رأيك لما تتخلصي من كل المشاكل دي وإنتِ قاعدة في بيتك ومن غير أي مجهود.. كل الحكاية إنك تفضي نفسك كل يوم ولو لمدة نص ساعة ونعمل شوية التمرينات اللي هنقول لك عليها دلوقتي وده لأن زي ما إنتِ عارفة إن ممارسة الرياضة شيء ضروري جدا ومفيد.
بس في البداية
قبل ما نقول لك على التمرينات دي عايزينك تاخدي بالك من شوية الحاجات البسيطة دي:
1- ياريت إنك قبل ما تقومي بممارسة التمارين الرياضية وبعد ما تنتهي من ممارسة الرياضة تعملي تليين لعضلات جسمك.. وده لأن البدء المفاجئ في التمارين الرياضية أو الانتهاء المفاجئ منها ممكن إنه يعرضك لمشاكل زي حدوث شد في عضلات الجسم أو تشنجات أو حدوث الألم خاصة لو كانت التمارين دي شديدة شوية.
2- احرصي على شرب كمية كافية من المية في الأيام اللي هتعملي فيها تمارين علشان تعوضي جسمك عن فقدانه للسوائل.
3- مش محتاجة إني أقول لك إنك ماتجيش على نفسك زيادة عن اللزوم في التمارين الرياضية علشان ماتشعريش بالإرهاق والتعب بعد فترة قصيرة من بدء التمرين وتكرهي اليوم اللي فكرتِ فيه إنك تمارسي رياضة..
وخليكِ دايما فاكرة..
إن الحصول على الوزن المناسب والجسم الرشيق مش هييجي بين يوم وليلة، ده محتاج وقت وصبر وجهد ومحتاج إنك تلغي من قاموس حياتك كلمة مافيش فايدة أو زهقت ولازم تعرفي حاجة مهمة قوي وهي إن الاستمرار في ممارسة التمارين دي هو شرط النجاح في الحصول على القوام المثالي الخالي من أي عيوب.
تعالي بقى نعمل التمارين مع بعض
يلاّ.. واحد اتنين...
تمرين الوقوف على أطراف القدمينلتمرين ده بيسمى تمرين الوقوف على أطراف القدمين وكل اللي هتعمليه فيه هو إنك تقفي على أطراف قدميك لمدة خمس ثوان مع شد الجسم.. وبعد كده تقفي على رجلك تاني.. وترجعي تكري الموضوع ده 5 مرات مع مراعاة إن إيدك تكون جانبك وظهرك يكون مفرود.
وعلى فكرة التمرين ده مفيد جدا لأنه بيساعد على شد عضلات الجسم ومنع حدوث ترهلات في الفخدين.
تمرين الأرجـلhttp://www.boswtol.com/mastaba/images/148/kamar_06.gif[IMG]قعدي على كرسي مع مراعاة فرد الظهر بعد كده مدي رجلك اليمنى للأمام ورجعيها تاني إلى وضعها الأساسي..
كري التمرين 8 مرات لرجلك اليمين و8 لرجلك الشمال والتمرين ده بيفيد في التخلص من مشكلة الكرش وتخسيس منظقة الفخدين والتخلص من ترهلات الفخدين.
تمرين البطن[/IMG]وده كمان تمرين تاني لشد البطن والتخلص من ترهلات البطن.. كل اللي عليكِ إنك تنامي على وشك وتحطي إيدك ورا وترفعي رأسك بصدرك عن الأرض لمدة خمس ثوان، وتنزليها تاني.. كري التمرين ده 5 مرات مع مراعاة إن يكون ظهرك مفرود.. ولو عايزة نتيجة أحسن يبقى ياريت تعملي مع التمرين ده تمرين البطن كمان.
نامي على بطنك وإيدك جانبك وارفعي رجلك اليمين نص رفعة وبعد كده رجلك الشمال.. كري التمرين ده 5 مرات لكل رجل.. وعلى فكرة التمرين ده هيساعد على التخلص من مشكلة الأرداف نهائيا.
تمرين لتقوية عضلات الظهر [IMG]نامي على ظهرك وإيدك جانبك، وبعد كده قومي بظهرك من على الأرض نص قومة لمدة خمس ثوان، ورجعيه تاني على الأرض.. كري التمرين ده خمس مرات لأنه بيساعد على تقوية عضلات الظهر.
تمرين الحفاظ على الرشاقة
ولو كنتِ رشيقة وعايزة تحافظي على رشاقتك يبقى مافيش قدامك غير التمرين ده..
الخطوة الأولى [/IMG]نامي على الأرض وحطي رجلك على الكرة واثني ركبتيك بزاوية 90 درجة... ارفعي كتفيك عن الأرض وحطي كفيك على جانبي ركبتيك.
الخطوة الثانيةافردي رجلك على الآخر وشدي مشطي القدمين وفي نفس الوقت افردي ذراعيك تماماً للخلف وعلقيهما في الهواء.. حافظي على الكتفين معلقين في الهواء لمدة 5 ثوان.
كري التمرين ده 3 مرات مع العودة إلى وضع الاستعداد ولو ماعندكيش كرة مطاطية زي دي ممكن إنك تستخدمي بدل منها كرسي لأداء التمرين.
دي كانت مجموعة من التمارين الرياضية اللي هتساعدك على الحصول على قوام متناسق..
الموضوعات فعلا فى هذا القسم ممتازة وجيده جدا ما شاء الله بجد
بس عندنا طلب من حضراتكم وطلب ملح حقيقى
ياريت توفرو لينا بعض موسيقى او اغانى مثل اللى موجوده بالجيم او (الصالات الرياضية )
بحيث تسهل علينا اداء التمارين فى المنزل رجاء استجيبو لهذا الطلب وانا مش عارفة فين القسم الخاص بطلبات الاعضوات لذلك قدمت طلبى هنا واعتذر ان كان هذا خطأ بس بتمنى تلبو الرغبة دى
وشكرا للمنتدى وجميع من فيه
يا بنوتات ويامتزجات انا الحمدلله ولادت مرتين وكانت قبل ما اتزوج نحيفة ولكن لانى لايوجد شهية الى الان وزنى ثابت من 58الى 62 ولا يزيد بس انا طولى 169 ونفسى اكل كويس بس بنصح الى عايزة تقلل من وزنها طبعا الرياضة والتقليل من النشويات والحلويات مثل الارز والعيش والمكرونة كفاية 4معالق مثل ما انا اكل وزنى الحمد لله ثابت بس بدون ما اقصد لان دى حاجة من عند ربنا وجسمى مثل العارضات
لجسم رشيق مثل العارضات شرح بالصور
أكيد حلم كل بنت هو الحصول على قوام متناسق خالي من أي عيوب ممكن تكون موجودة فيه زي مثلا بروز البطن "الكرش" أو مشكلة الأرداف العريضة أو مشكلة "ترهلات الصدر" وغيرها من المشاكل اللي ممكن إنها تأثر على جمالك
لتمرين ده بيسمى تمرين الوقوف على أطراف القدمين وكل اللي هتعمليه فيه هو إنك تقفي على أطراف قدميك لمدة خمس ثوان مع شد الجسم.. وبعد كده تقفي على رجلك تاني.. وترجعي تكري الموضوع ده 5 مرات مع مراعاة إن إيدك تكون جانبك وظهرك يكون مفرود.
وده كمان تمرين تاني لشد البطن والتخلص من ترهلات البطن.. كل اللي عليكِ إنك تنامي على وشك وتحطي إيدك ورا وترفعي رأسك بصدرك عن الأرض لمدة خمس ثوان، وتنزليها تاني.. كري التمرين ده 5 مرات مع مراعاة إن يكون ظهرك مفرود.. ولو عايزة نتيجة أحسن يبقى ياريت تعملي مع التمرين ده تمرين البطن كمان.
نامي على بطنك وإيدك جانبك وارفعي رجلك اليمين نص رفعة وبعد كده رجلك الشمال.. كري التمرين ده 5 مرات لكل رجل.. وعلى فكرة التمرين ده هيساعد على التخلص من مشكلة الأرداف نهائيا.
[/IMG]نامي على الأرض وحطي رجلك على الكرة واثني ركبتيك بزاوية 90 درجة... ارفعي كتفيك عن الأرض وحطي كفيك على جانبي ركبتيك.
رد: لجسم رشيق مثل العارضات شرح بالصور
رد: لجسم رشيق مثل العارضات شرح بالصور
