|
10-21-2012, 09:10 PM | #1 |
:: كاتبة نشيطة :: |
أحبه ويحبوني لكن أهلي ؟
فيه شخص تقدم لخطبتي صارلي بعرفو 8سنين يعني عشرة عمر ,أنا عمري 22سنة وهو 23 .سنة .اللي بينا أكتر من علاقة حب رومنسية هي كانت علاقة زمالة تحولت لصداقة وبعد 6سنين لما صرنا بسنة تانية جامعي تعلقت فيه وصرت لما بعد عنو حس أني ضايعة ومحتاجتلو وحبينا بعضنا وصار كل واحد مننا مافيه يتخيل حياتو بلا تاني .بنتفق فكلشي فالقيم فالاخلاق فالطباع فالميول فالعادات .بنحس بعضنا ونوقف جنب بعض فوقت الشدة بتذكر لما مات بابا الله يرحمو كانت بثانوي وكان أول شخص طبطب علي وساني مافي أنسى هالموقف .أحيانا بحس أني عم أحلم لدرجة بحسد حالي لما فكر أنو هيك شاب بهيك مواصفات بهيك أخلاق يحبني وبدو ياني للحلال والله بحبو والله هو كمان بحبني وحبنا صافي وطاهر .فالصيف لما عرفو اأهلي بعلاقتنا ماهرب من مسؤليتو واجا وخطبني من أخي بس رفض وأقلو بعدين برد عليك ولهلق ماجوابو لا بالقبول ولا بالرفض .و حتى ماما واختي كمان رافضين بحجة اّنو لساه صغير ,هو صحيح صغير بس شاب كامل عندو , وظيفة محترمة بيت لحالو شو بدي أكتر من هيك وأنا معلمة بالابتدائي يعني مع بعضنا راح نفتح بيتنا ونبنيه حجر حجر .أنا مبدي لاقي كلشي جاهز بدي أتعب أشقى من شان حس بالنعمة .
هلق قالي أنو أبوه بدو يخطبني رسمي بعد لعيد الأضحى وانا عجبتني لفكرة لأني بدي كلشي يكون بينا بالحلال من شان يباركنا الله وخايفي من ردة فعل أهلي ليعملو شي مشكلة مع أهلو وأخسر كلشي . أخواتي في الله ذوي الخبرة فالحياة انصحوني بقولو يجي أبوه يخطبني ولا قلو يأجل لفكرة لموعد لاحق؟ :0108:ومني الكن أصدق دعوات لخير مواضيع ذات صلة التعديل الأخير تم بواسطة غيمة عطر ; 10-22-2012 الساعة 06:14 PM. سبب آخر: .... |