رد: بكائي شبه يومي من المخطأ؟ وزوجي
بكائي شبه يومي من المخطأ؟ وزوجي
والله يا ورد الفل
يعني انا انصحك نصيحة لوجه الله
انك تروحي هلأ هلأ و تسجدي لربك سجود شكر
و تطيلي السجود و تشكري خالقك بكل ما أوتيتي من قوة
على ان رزقك متل هيك زوج حنون
صراحة يعني لو تقولي هالحكي لأي حد
ممكن تنحسدي عليه كثيييييييييير
زوجك اولا لعلمك ما بحق لك تزعلي منه ابدا
فاهمة شو يعني : ابدا؟؟؟
يعني ابدا ابدا ابدا...
انا فكرت انو بسبك انتي و بشتمك انتي و اهلك
فكرت انو بضربك
فكرت انو مقصر معك بالانفاق و المعاشرة
لكن زوجك اقرب ان يكون للمثالية التي تتمناها اغلب المتزوجات على وجه الارض
عارفة على شو انتي محسودة؟؟؟
يا بنت الحلال زوجك براضيكي ...!!!!
براضيكي على زعل يعني سامحييني (سخيف جدا و ما الك حق انك تزعلي)
يا اختي خليه يشتم اي شي بالدنيا كلها معداكي طبعا
ليش الزعل يعني؟؟؟
لا.... وكمان بتصيري تبكي قدامه..!!!!
لعلمك ... سبب إرضاءه الك مش بكاءك قدامه ابدا
لا تفكري لثانية انو هاد السبب
ابدا
السبب انو براضيكي
لانو امنيح كتييييييييييييييييييير وبحبك
وهو للأسف بفكرك انك فاهمتيه و بتبادليه شعور الحب
لاكنه غلطان
اسمعي
انا ممكن استنتج شغلةمن طريقة كلامك و مشاكلك
وهي انك ممكن تكوني اكبر فرد بعائلتك او اصغر فرد
ليش؟؟
وبالعادة اكبر فرد و اصغر فرد يكون معتاد على الدلال و ان كل طلباته مجابة
و ياويله الي بيرفض طلبه
اتمنى انك ما تكوني من هذه النوعية
لانو اذا كنتي هيك
فإنتي بحاجة لانك تغيري طباع كثيرة فيكي
اسلوبك هاد مش حتمشي فيه الحياة
الشغلة التانية الي لااااااااااااازم تشكري ربك عليها
( ومعلش لو اغلظت بالكلام عليكي لكن عشان مصلحتك)
وهو:
انو زوجك مطول باله عليكي كثثثثثثثثثير كثثثثثثثثثثير كثثثثثثثثثثثير
بشكل خيالي
بشكل لا يصدق
يعني ماشالله عمري ما شفت رجل متل هيك
الصراحة انو الرجل ممكن يؤثر فيه بكاء المرأة
اول مرة .. تاني مرة .... تالت مرة ممكن لكن بصير يحس بأنو الامر زاد عن حدو
رابع مرة خلاااااااااااااص بكون قرف من هالوضع الممل
لا تفكري لثانية انو هالاسلوب ناجح و فعال
ابدا مستحيل
وانا ما بدي تحطي زوجك فأر اختبار و تجربيه
لمتى سيصمد امام دموعك...
لا تحطيه تحت الاختبار لانو هالاختبار سيفشل
ونحن ما بدنا نوصل لمرحلة الفشل
غلاتي يعني انا عم انصحك من صديقة لصديقتها بما أنك قريبة من عمري وبنت بلادي
طيب يا ستي من اخت لأختها اكثر واكثر
بترجاكي رجاء حار
يعني انا كنت قرأت بعض من مشاكلك
و اكثر من مرة كنت اقول لكي الحل بيديكي
لكن ارجوكي اليوم تقتنعي بكلامي لانو لمصلحتك اولا واخيرا
يعني ماشاء الله زوجك مطول باله عليكي كتير
ما بتعرفي بالمستقبل شو ممكن يصير فيه
يمكن يلاقي الشي المفقود ببيته و زوجته
يلاقي خارج بيته و حياته الزوجية
ديري بالك على حياتك الزوجية اكثر و تمسكي بزوجك
الكلام كله سيقال لكي انتي وحدك
لانو المرأة معروفه بعقلها الكبير
بعكس الرجال تماما
يا أختي لو كان زوجك بيتزعل كتير و صغير عقل و كلشي غلط فيه
ليش ما تكوني انتي الاذكى و الافهم بهالمعادلة؟؟؟
لمتى رح تضلو هيك بتتناقروا
ولا كأنكم ازواج
مافي مودة ولا رحمة بينكم
خلاص انوي انكح تغيري هادي الحياة و هاد الوضع
العمر قصير
والحياة الزوجية لها هدف
واكيد هدفها مش المشاكل الي عم تتعايشو معها
يعني متى رح تبدأوا تفكروا بإنشاء العائلة
الاطفال ما حسبتوا حساب حضورهم؟؟؟
انتي بترضي اطفالك يتربوا بمثل حياة مشحونة بشحنات سالبة
متل ما انتو عاملين
المهم: بداية حل مشاكلك هو انتي
ولما تحسي حالك تغيرتي و عملتي شي مختلف
في سبيل الإبقاء على حياتك الزوجة
صدقيني ساعتها زوجك رح يتغير للافضل
لما يشوفك غيرتي اساليب تعاملك معاه
يعني بطلي عامليه كأنو غريمك و عدوك
وانك لازم تفوزي بالنقاش دائما دائما
تعلمي فن التنازل
ولما تتعلميه .... علميه لزوجك
و رح تلاقي استجابة من ناحيته
ما تتعذري ابدا وما تقول حاولت
المحاولة لا تعني انك تحاولي مرة و تقولي حاولت و فشلت
المحاولة تعني: انك تضلي تحاولي ما دمتي عايشة مع هاد الانسان
حتى لو بلغ عدد مرات محاولتك المليون
حاولي وحاولي
ولا تيأسي
ولما ربنا يشوفك كيف جادة و بتحاولي و حريصة على انجاح زواجك
فسيعينك و يوفقك
فقط اخلصي النية
حابة فقط افهمك نقطة مهمة:
ان المشاكل في اول سنة زواج
ومنهم من يقول اول سنتين من الزواج
فهذه المشاكل طبيعية جدا و يجب ان تحدث
لانكي من بيئة و زوجك من بيئة اخرى مختلفة كليا عن بيئتك
و بالزواج إلتقيتوا و بدأتوا بالتعرف على بعضكم
واحيانا لا يحدث هذا التعارف الا عن طريق المشاكل
اذا اردتي ان تكون حياتك خالية تماما من المشاكل
يعني تكون نسبة المشاكل 0%
فالحل ان تكوني نسخة طبق الاصل من زوجك
يعني ان تلغي هويتك و شخصيتك تماما وان تنسخي نفسك من زوجك
او العكس
ان ينسخ زوجك ننفسه منكي
واتوقع انك لا تريدي متل هيك شي
اصلا الجميل فالحياة ان يكون لكل انسان شخصيته المستقلة
المنفردة عن غيره من الناس
اصبري و حاولي التقدم لا التأخر
بالتوفيق يا ورد الفل
و طمنينا عن اخبارك يا فلة
|