ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات تورتة الفراشة من مطبخ الشيف مونى بالصور يوجد هنا تورتة الفراشة من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 01-18-2014, 01:12 PM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

تورتة الفراشة من مطبخ الشيف مونى بالصور


تورتة الفراشة من مطبخ الشيف مونى بالصور

السلام عليكم ورحمة الله

تورتة الفراشة من التورتات اللى بيكون شكلها جميل وكمان الاطفال بيحبوها عشان فيها الوان كتير وانا عملتها بطريقة بسيطة

مكونات الكيكة الاسفنجية

نصف كيلو دقيق سبونش جاهز(طبعا دقيق الاسبونش مضاف ليه السكر والبيكنج بودر والمحسن)

6 بيضات كبار

نصف كوب ماء

فانيليا(اختيارى)

مكونات الكريم شانتى للحشو:

ربع كيلو كريم شانتى بودرة خام

نصف كوب لبن بودرة

7 معالق كبيرة سكر بودرة

2 وربع كوب ماء مثلج او حسب مايحتاج الكريم شانتى(وطبعا ممكن نستبدل الماء المثلج واللبن البودرة بلبن حليب بس انا بحب اعمله بالطريقة دى)

وللتزيين:

فارمسيل ملون

ملبس ملون

شوكليت شيبس

كريز

الطريقة

اول شىء انا المرة دى قسمت دقيق الاسبونش لنصفين يعنى هخفق ربع كيلو مع 3 بيضات كبار وربع كوب ماء وهيبقى عندنا كيكتين عشان فيه ناس كتير اشتكت من صعوبة تقسيم الكيكة ل3 شرايح فحبيت انقلكم الفكرة دى هنا التقسيم هيبقى اسهل لأننا هنقسم الكيكة لشريحتين بس طبعا الكلام ده معروف لكل واحدة بتعمل تورتة بس الفكرة دى حلوة للمبتدئات فى التورتات

فى اناء هنحط ربع كيلو دقيق الاسبونش مع البيض والماء والفانيليا



ونخفقهم بالمضرب على اعلى سرعة من مدة 5 ل7 دقايق متواصل وهنلاقى قوامه تكاثف



وهنحط الخليط فى صينية مدهونة مقاس 24





هنخبز الكيك فى فرن مسخن مسبقا انا بخبزه على حرارة هادية بس طبعا كل فرن بيختلف عن التانى ولما نحس ان الكيكة قربت تستوى نختبرها بالشوكة او بالعصا الخشبية من النصف ان طلعت نضيفة مفيهاش عجينة نطلعها من الفرن



ونقلبها على ورق خبز



ونكرر كل الكلام اللى فات مع الربع كيلو التانى من دقيق الاسبونش وهيبقى عندنا كيكتين



ونحطهم فى التلاجة لمدة يوم كامل ونخرجهم تانى يوم ونبدأ نجهز ادواتنا للتقطيع والفرد



وهنقسم كل كيكة لشريحتين زى ماقلنا فى البداية



ونجهز الكريم شانتى ونحشى بيه الكيكة



وطبعا هنحط الكيكتين فوق بعض والنتيجة كيكة مرتفعة وهنقسمها من النصف بالظبط بعد مانغلفها بالكريم شانتى



وحاولت اتخيل شكل الفراشة فقسمت جزء صغير منها من تحت وطبعا قبل مابقسم بقيس بالمسطرة عشان كل المسافات تبقى متساوية



ونغلف الاجزاء اللى متغلفتش منها بالكريم شانتى وبقية الكريم شانتى هنحطله ربع معلقة صغيرة لون طعام برتقالى بودرة ونقطتين ماء ونضربه بالمضرب هيبقى لونه برتقالى او اى لون تانى تختاروه حسب الرغبة وباللون ده هعمل وردات على التورتة وخيوط متساوية من الوردات وبينهم هحط الشوكليت شيبس وفى الجنب هنحط الفارمسيل الملون وفى النص هنحط الكريز والملبس اخترت اللون اللبنى وطبعا التزيين ده حسب الرغبة يعنى ممكن تزينوها بطريقة تانية خالص حسب ماتحبوا

وده شكلها النهائى





وده شكلها من جوة بعد ماقطعتها



يارب موضوعى البسيط ده يكون عجبكم

وبالهنا والشفا

خبز الشباتى الهندى من غير فرن من مطبخ الشيف مونى بالصور
تورتة السبت وردات الفوندان الملونة من مطبخ الشيف مونى بالصور
الكنافة النابلسية من مطبخ الشيف مونى بالصور
حلاوة الجبن السورية من مطبخ الشيف مونى بالصور
شترودل التفاح من مطبخ الشيف مونى بالصور
شوكليت كب كيك زى اللى فى المحلات من مطبخ الشيف مونى بالصور
ايس كريم الكيوى من مطبخ الشيف مونى بالصور
الباوند كيك بنكهة الليمون من مطبخ الشيف مونى بالصور
حصريا من مطبخى البالميه بعجينة البف باسترى بالصور
معجناتى بعجينة الفطير السويدى لشهر رمضان من مطبخ الشيف مونى بالصور
حصريا ولأول مرة المفتقة الأصلية المصرية من مطبخ الشيف مونى وبالصور
صينية رقاق باللحمة المفرومة من مطبخ الشيف مونى بالصور
مينى تارت الشوكولاته من مطبخ الشيف مونى بالصور
الهريسة الدمياطى بالبندق من مطبخ الشيف مونى بالصور
خبز بالحليب من مطبخ الشيف موني بالصور


 

أدوات الموضوع



الساعة الآن توقيت السعودية الرياض و الدمام و القصيم و جدة 03:23 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0