ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الجمال والرشاقة > مكياج makeup
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
مكياج makeup دورة ماكــ!! يوجد هنا دورة ماكــ!! مكياج المرأة السعودية و طريقة وضع المكياج سهرات و الاي شادو و ادوات التجميل makeup


 
قديم 04-06-2008, 08:20 PM   #1

زهرة الاسلام

من كبار العضوات

الملف الشخصي
رقم العضوية: 891
تاريخ التسجيـل: Sep 2007
مجموع المشاركات: 10,489 

3554772613415934 دورة ماكــ!!


دورة ماكــ!!

دورة ماك (1)

نقاط مهمه قبل بدايه اي مكياج :

1- لازم نستعمل سكراب للبشره مرتين بالاسبوع

2- اي بشره محتاجه لترطيب حتى البشره الدهنيه والمختلطه

كان اليوم الاول درس عن كريم الاساس بـــــــــــــــــــس




اول شي نستعمل البخاخ الفكس تقريبا 4 بخات على الوجه كامل بما فيه العيون ونخليه لمده دقيقتين عشان تمتصه

البشره



بعدين نحط كريم المرطب ويكون بكميه = ملعقه صغيره بس طبعا ما راح نستعمل كريم دهني

لا راح نستعمل الكريم اللي بماي مو دهن



تقول مو تحطون 5 نقط هذا غلط كميه وافره ونستمر بالتدليك للوجه والعيون من تحت لفوق لحد ما تمتصه البشره

ونحط البرايم وهذا يعطي لمعه للبشره



بعدين نحط الكونسيلر ويكون بكميه بسيييييييطه نحطها على الاصبع ونبتدي نسخنها بين الاصابع عن طريق الفرك

يعني تفركون اصابعكم ببعض وبعدين تحطون الكونسيلر بالصبع عن طريق الضغط على كل العين من فوق لين

تحت مو تنسون جهه الخشم كل العين بدون استثناء






وبالنسبه لحب الشباب والبقع الحمرا على الوجه نحط عليها شويه من الكونسيلر عن طريق ضرب

الفرشاه عليهم عده مرات وشويه مزج لي تمتصه البشره وما يكون متكتل بمكان واحد



وبعدين نختار كريم الاساس اللي يريحنا سواء السائل او المضغوط الكريمي انا اخترت هالنوع



واشلون نختار اللون المناسب؟؟؟؟؟؟؟؟؟

طبعا اغلبنا يستخدم اليد عشان يشوف اللون مناسب والا لاء !!!!!! غلط

وبعضنا يستخدم الذراع من جهه راحه اليد !!!!!!!!!!! غلط

والشطار يستخدمون بشره الوجه يعني الخد مثلا !!!!!!!!!!!1 بعد غلط

المكان الصحيح هو تحت الرقبه اي قريب الصدر

تعرفون ليش؟؟؟ لانا يوم نحط كريم اساس المفروض يكون لون بشرتنا موحد من الجبهه

لحد الصدر فلما نختار لون الصدر او نهايه الرقبه ونحطه على وجوهنا ما يحتاي نلطخ الرقبه

والصدر بكريم الاساس واذا سويينا هالحركه بتطلع بشره الذراع مختلفه !!!!!!

بعد ما تختارون اللون تبتدون تحطونه بالفرشاه من تحت لي فوق ولما تخلصون تمسحون بالفراشه اخر مسحه تكون

من فوق لي تحت عشان الوبر الموجود على البشره ينام وما يبان مع الاضاءه



بعدين تجيبين كريم اساس مضغوط او بلاشر اغمق من لون بشرتج بدرجتين عشان تخفين عيوب الوجه

وعشان وجهج ما يبين مسطح ويبرز في مواطن الجمال

وتجيبين فرشاه وترسمين مكان البلاشر اول شي وبعدين اطراف الخشم الجهتين بس تبتدين الرسم من نص الحاجب

يعني ترسمين اول شي من تحت نصف الحاجب لي نهايه الخشم فهمتو؟؟

وبعدين ترسمون خط من الجبهه وتمشي على اطراف وجهج لين الاذن وتنزلين على اطراف الوجه

لين نهايه الذقن يعني تحددين وجهج كامل بهالشكل بيكون وجهك بارز وخفي عيوبه ومب مسطح





بعدها تجيبون لوز بودر وبالفرشاه تحطين على بعض المناطق بوجهك مو كل مكان لانك راح ترجعينه مسطح

مره ثانيه


>



تحطين اللوز بودر تحت مكان البلاشر وعند الذقن والمنطقه تحت الخشم لين الشفايف وحول الشفايف شوي

وبوسط الجبهه وحول العين

الحقائب الشتوية من زوي نوردستروم
مجموعة حلقان مميزة .. قد تكون سر جمالك عزيزتي !
باسيل صودا 2009 (1) حصري
بيوت ناجحة!!
فساتين فرنسية قديمة علي طلب الاخت الصمت 29
دروس كيفية نطق الحروف الأنجليزية..
مكياج للعين الصغيرة والجفن الضيق
جلبيات عراقية
أسرع طريقة لعمل بيتزا بالخبز
موسوعه للاكسسوارات والمجوهرات بكل الاشكال والالوان
تشكيلة لصيف احلي 2009 حصري
ازياء الاسبوع الافريقي و أزياء المصمم اللبناني وليد عطالله
فساتين زفاف كوني اميرة قصرك بفستان فرحك
دورة في عالم تلوين الشعر
فساتين خطوبة !!


 
قديم 04-06-2008, 08:22 PM   #2

زهرة الاسلام


رد: دورة ماكــ!!


دورة ماكــ!!

الالوان في الدمج

الازرق - البرتقالي

الاخضر - الاحمر

الاصفر - بنفسجي



يعني مثلا لو لابسين لون ازرق نحط ظل ارزق وروج بلون برتقالي عشان البرتقالي يبرز الازرق

ولو عيونج خضرا حدديها باللون الاحمر نفس اشوريا الخبيره تقول انها دايما تحدد عين اشوريا باللون

الاحمر عشان جذي نشوف عيونها جذابه وخياليه

اما اغلبيه الخليجيات واللي عيونهم بنيه فتناسبهم جميع الالوان

يعني هالالوان يوم تندمج ويا بعضها تبرز بعضها

يعني شوفو الفراوله اشلون الوانها جذابه؟؟ لانا دمجنا الاحمر ويا الاخضر

وفي الوان تخفي بعضها

مثل البنفسجي - الاصفر

يعني شفتوا السواد تحت العين هذا لونه بنفسجي لانه عباره عن دم متجمع

فاذا حبينا نخفي هالون نحط كونسيلر اصفر وكل ما كان السواد اغمق نزيد حده اللون الاصفر

 
قديم 04-06-2008, 08:23 PM   #3

زهرة الاسلام


رد: دورة ماكــ!!


دورة ماكــ!!

طريقه رسم العيون

علمتنا 3 طرق :

1- العيون الهنديه

2- السموكي

3- طريقه العين اللي تكون نصها بلون فاتح والنص الثاني بلون غامق



طبعا في ناس تحط لوز بودر تحت العين بكميه كبيره عشان ما تتناثر بقايا الشدو تحت العين

بس هي تقول انا ما انصح بهالشي لان بعد ساعه او ساعتين راح تلاقين خطوط بالعرض تحت عينج

ولتفادي هالمشكله تقول اشتغلوا على العين قبل واخر شي حطو كريم الاساس والبلاشر والروج

اول شي طبعا حطت الفكس والكريم والكونسيلر واللوز بودر على العين بنفس الطريقه اللي تعلمناها بالجزء الاول

بعدين رسمت العين من داخل حطت القلم فبدايه العين وسكرت عيونها وسحبت القلم لنهايه العين عشان ترسم العين

من داخل عدل فهمتو اشلون؟؟

وعادت كم مرة عشان تتشبع العين عدل بالكحل

بعدين رسمت خط من فوق العين من بدايه العين لين تقريبا نص العين او اكثر

بهذي الفرشاه وهذا الكحل بس باللون الاسود


219





بعدين قالتلنا شوفوا ما تمشون ويا رسمه العين وانتوا ترسمونها لاء

(هذي رسمه العين يوم تمشون ويا خط العين وهذا غلط)



لما توصلون لنص العين ابتدوا ارتفعو شوي عن العين عشان الخط يجي فوق شوي

بعدين تعبين المسافه اللي تركتيها بين خط الكحل اللي سحبتيه على فوق ورمش العين

وبهالشكل نفسه ترسمين العين الثانيه



بس بتلاقون صعوبه في معرفه اشكثر ترتفعون عن العين؟؟؟

جيبوا قلم او فرشاه المهم شي مستقيم

حطو بدايه القلم على زاويه الخشم من تحت ومدوا القلم لحد زاويه العين الخارجيه

موترسمون خط لاء بس حطوا القلم على وجوهكم

الحين شفتوا الخط اللي صار بين زاويه العين الخارجيه والحاجب



هذا الخط لازم ما تطلعين منه ابــــــــــــــــدا عشان تكون رسمه عينج مثل العين الهنديه

بس بعدين تحطين مسكرة وراح اشرح الطريقه بالاخر اوكي؟؟

السموكي

تستخدمين الحكل الكريمي الاسود




219


بالفرشاه ترسمين خط مموه من تحت العين بالفرشاه




وتبتدين تمزجين وتمزجين لحد ما يمتزج اللون عدل

لان السموكي المفروض ما يكون خط محدد المفروض كل شي مموه

بعدين نرسم بالفرشاه 4 خطوط على الجفن المتحرك ونحاول ما نزصل للخط اللي بين الجفن المتحرك والثابت



هذا الكحل بس باللون الاسود


239 او
213


وبالفرشاه نبتدري نمززززززززززج ونحاول نخلي السواد يوصل شوي لحد الجفن المتحرك



بعدين نحط اللون اللي نبيه اخضر رمادي بنفسجي كحلي اي لون على كل الجفن المتحرك بس يكون لامع شوي

بطريقه الضغط بالفرشاه


> 239 او
213


استعملنا من هالنوع من البغمنت بس اللون الاخضر

وبالفرشاه نجيب لون مطفي بدون لمعه ونحطه من بعد اللون اللي حطيناه من فوق يعني على الجفن الثابت

ونمززززززززززززج


استعملنا اللون البرتقالي


بس لما نحط هاللون المطفي لازم اول شي نملي الفرشاه باللون بعدين نحط منه على الجفن الثابت بطريقه الضغط

بعدين لما نحس ان اللون ثبت نبتدي نمزج عشان ما يطير اللون بعد ساعه او ساعتين لا يتم ثابت فتره طوييله

 
قديم 04-06-2008, 08:25 PM   #4

زهرة الاسلام


رد: دورة ماكــ!!


دورة ماكــ!!

الطريقه الاخيره وهي لون فاتح لمعه ببدايه العين ولون غامق مطفي بنهايه العين






وهذي الطريقه جيبوا لون بلمعه مثل البيج وحطوا ببدايه العين لين النص تقريبا

وبعدين جيبوا لون غامق مطفي احمر مثلا وحطوه على النص الثاني



بس نبهتنا لشي مهم قالت لاتفكرون بيوم من الايام تحطون ضل عين كااااااااااااااامل بالوان كلها لمعه

او الوان كلها مطفيه

دايما حطوا لون بلمعه ولون مطفي لان اللون الللي بلمعه يعكس الاضائه واللون المطفي يجذب الاضائه

______________________

وبالنسبه للمسكرا

اول شي لما نستعمل المسكرا ما نسوي الحركه اللي متعودين عليها وهي انا نطلع الفرشاه وندخلها كم مرة بالعلبه






وبعدين نستخدمها على العين لاننا بهالطريقه ندخل هوا للعلبه وبعد فتره بسيطه تنشف المسكرا من داخل

الطريقه الصحيحه هي انا نحاول نلف الفرشاه على جدار العلبه بطريقه دائريه هالشكل



وبتطلع الفرشاه بهالشكل بس لاحضوا نهايه الفرشاه بتكون فيها كميه من المسكرا لاتنزلينها بالعلبه لاء حاولي

توزعينها على رموش العين وبعدين ابتدي مشطيهم



ثاني شي قالتلنا ان الرموش تكون دايما سيده مستقيمه يعني

فاذا بغينا الرموش تكون مطعوجه على فوق لازم اول شي نمشطها من فوق ونخليها لمده ثانيتين

بعدين نبتدي نمشطها من تحت داخل العين يعني لانا لما نبلل جهه ونخلي الجهه الثانيه جافه بنلاقي الرمش ينطعج

على فوق ثالث شي قالتلنا ان رموش العين تنقسم ل 3 اقسام قسم بالبدايه عند القناه الدمعيه

وقسم بالوسط وقسم بالنهايه ويكون بنهايه العين

فلازم اول شي نمشط الرموش اللي بالبدايه عند القناه الدمعيه باتجاه الخشم

والرموش اللي بالوسط على فوق والرموش اللي بالنهايه نمشطها صوب الاذن



وقالت لازم ناخذ وقتنا واحنا نرسم الرموش يعني على الاقل نمشطها لمده 5 دقايق !!!!

تقول شوفو العيون الهنديه اللي ساحره العالم عيون اشوريا مثلا تعرفون ايش السر؟؟؟

5 دقاقيق ويا المسكرة تخلي العالم كله يتكلم عن عيونها !!!!

________________

وبالنسبه للروج

اول شي نحدد الشفايف كلها بلون شوي غامق مطفي بس بدون زوايا الفم ولازم ما نطلع عن خط الشفايف عشان تبين

طبيعيه بعدين نبتدي نملي الشفايف بالمحدد قريب زوايا الفم لان اللون الغامق يعطي الشفايف شكل بارز

وفي المنطقه اللي بالوسط اللي تركناها فاضيه نحط قلوس لونه فاتح وبلمعه عشان يبرز الفايف وتبين اكبر




انتهى الشرح ............

 
قديم 04-06-2008, 08:37 PM   #5

املي بالله كبير


صورة قلبين رد: دورة ماكــ!!


دورة ماكــ!!

أدري طولت بالرد


بس كان عندي مواضيع كثيييييييييييييييييير
نسختها من منتداكم الميمون وكنت اقراها وبدقه

عشان أنا داخله دوره تجميل

وابغى استفيد مشكووووووووووووووره ياقمر
وزيدينا من هالمواضيع الحلوه

شاكره لك


التعديل الأخير تم بواسطة املي بالله كبير ; 04-14-2008 الساعة 03:38 PM.
 

أدوات الموضوع



الساعة الآن توقيت السعودية الرياض و الدمام و القصيم و جدة 12:56 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0