 |
  |
|
|
|
11-27-2009, 01:11 AM
|
#1 |
|
:: كاتبة مميزة :: |
انهارده عندى مفاجأه لكل بنت خلاص فرحها قرب ومحتاره وتايهه شويه
خلاص معايه انا انهارده درس خصوصى لمكياج العروس والخطوط الاساسيه للتحديد شكل المكياج فى البدايه مهم جدا تحديد حجم القاعه وعلى اساس اتساعها يتم اختيار المكياج وكمان شكل الطرحه وطولها وكمان مهم جدا اختيار خبيرة التجميل المناسبه لانها هى اللى هتساعدك فى وضع الاكسسوارات واساسيات المكياج والفستان . دلوقتى ياللا نحط الميك اب : اولا نبدا بتنظيف البشره جيدا باللوشن المناسب للبشره . ونحط كريم الاساس المناسب للبشره لكن يفضل اختيار درجه اقل لان بعد وضع البودره بيغمق درجه نبدأ بتوزيع الكريم بالتساوى على الوجه ونستخدم الاسفنجه الخاصه بكريم الاساس ونهتم بوضع درجه فاتحه تحت العين نحط البودره الشفافه على كريم الاساس على كامل الوجه وبفرشاه كبيره تزيل البودره الزياده ونصيحتى لازم تكون ناعمه وبعد كده نحط بودره بتلمع تحت العين وبقلم اسود نحدد تحت العين لان العين صغيره شويه لكن لو العين كبيره شويه يبقى التحديد جوه العين وبقلم بنى نحدد تحت العين عشان نكسر اللون الاسود كتير مننا بيحتار فى شكل العين نصيحتى لو العين ضيقه نتقل بالقلم من تحتها والعين الواسعه نتقل من فوق العين ومن جوه يبقى فاضى ده هيدى شكل حلو قوى للعين نسيح بالفرشاه القلم البنى اللى حطيناه من فوق العين نرسم العين على شكل banana مع رسمة الحواجب وبعد كده نرسم تانى خط فوق العين عشان تحديد الشكل نيجى لل eye shadow هانستخدم لون بنى بيلمع ونبدا نوزعه فوق الجفن وبفرشاة صغيره نسيح تحت العين ونرجع فوق تانى نعدل بفرشاه اكبر مكياج العين لو العروسه عاوزه تصغر انفها شويه تحط من اللون البنى على اجناب الانف وممكن نستخدم اللون البنى لتغميق درجه الوجه الفاتح قوى وبفرشاه كبيره نخلى البشره للون واحد من الحاجات المهمه اهتمام العروسه بالرموش والحواجب قبل الفرح على الاقل بشهر يعنى لو الرموش خفيفه تحط عليهم زيت خروع كل يوم عشان تبقى رموشها تقيله وحلوه يوم فرحها نحط الماسكارا ونضيف رموش اصطناعيه لو الرموش لسه خفيفه فى الطرف والوسط واول العين وبعد كده نتقل عليها الماسكارا نهتم بالماسكارا تحت العين عشان توسع خلى بالك من نوع الماده الاصقه للرموش لانها لو رديئه ممكن تسبب احمرار للعين اما الحواجب نرسمها بالون البنى على شكل ثمانيه نحط eye shadow فاتح تحت الحواجب نحط ال blusher والعروسه والعروسه بتضحك عشان يكون اللون متوزع بدرجه واحده من عظمة الخد الى الاذن نحدد الشفايف lip liner خفيف ونحط عليه الروج لان الموضه ان التحديد لايظهر ويكون نفس لون الروج ولو الشفايف صغيره بنحاول نكبرها والعكس نختار لون الروج زى ال eye shadow ونثبته بوضع glitter فى منتصف الشفاه لانها موضه خلاص المكياج ونبدا فى الطرحه والفستان يارب الموضوع ينول اعجابكم ويارب يسعد كل البنات اللى لسه هيجوزوا و يسعد اللى متجوزين امين يارب العلمين  كل سنه وكل البلاد العربيه بخير وسلام وعقبال السنه الجايه نحتفل كلنا بتحرير الاراضى المحتله وبنصر المسلمين على اعداء الله قولو امين اختكم : نرمين :icon_arrow: |
|
12-04-2009, 12:50 AM
|
#2 |
|
|
رد: درس خصوصى عشانك
ااااااااااميييييييين موضوع جمييييييييييل ياقمر تسلمي
|
|
12-04-2009, 04:50 PM
|
#3 |
|
|
رد: درس خصوصى عشانك
يسلمو ياقمر
|
|
12-06-2009, 07:55 PM
|
#4 |
|
|
رد: درس خصوصى عشانك
معقول يا بنات مافيش منكم واحده فرحها قرب وعايزه تبقى قمر 14 ع العموم مستنيه ردودكم على الموضوع
ويارب يارب يعجبكم |
|
12-07-2009, 11:55 AM
|
#5 |
|
|
رد: درس خصوصى عشانك
ايناس ميرسى ليكى كتير على مرورك العطر
|
درس خصوصى عشانك