خلاص انا بقيت اخت
بسم الله الرحمن الرحيم بصوا اسمحولي أتكلم شوية مع نفسي يعني الي هايتكلم دلوقت ... أنا و نفسي وانتوا مالكوش دعوة ............ ........ فاكرة الأيام دي ؟؟؟ أول ما لبستي حجاب شرعي سليم؟؟ و الناس كلها بقت بتقولك يا أخت فلانة و بقيتِ لما تشوفي واحدة متبرجة بتروحي تكلميها ؟ و لما تلاقي سواق الميكروباص مشغل أغاني تديله شريط ؟؟ لما كنتِ بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟ و لما كنتِ بتسجدي و تقعدي تتكلمي مع ربنا و تحكيله على كل الي مزعلك و تشتكيله ؟؟ فاكرة المشاعر الي كنتِ بتحسي بيها أيامها ..؟؟ كنتِ بتحسي إنك طايرة من الفرحة .. و إن الحياة كلها منورة .. و إنتِ ماشية في الشارع حاسة إن الشوارع و العمارات بتضحك و الدنيا فعلا شكلها اتغير حتى لما تحصلِلك مشاكل لما كنتِ بتقعدي وسط أصحابك وتلقيهم بينموا وتنصحيهم بيزعقولك ويقولولك( وهو فيه إيه يعني دي شوية فضفضة ) كنتِ بتسبيهم و انتِ زعلانة على حالهم ولكن كنتِ بتبقي فرحانة إنك سبتي شيء لله و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء فاكرة المشاعر دي لما كنتِ كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة و لما كنتِ كل لما تيجي تشرب حاجة تدوري على حتة تقعدي فيها عشان تشربي وانتي قاعدة على السنة فاكرة المشاعر دي؟؟؟؟ (مشاعر البداية) ؟؟؟ أمال إيه الي حصل بعد كده ؟؟؟ كنتي في الأول بتستغرب من كلمة يا أخت و الكلام ده و تقولي أنا لسه ماوصلتش للحاجت دي دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتِ) بتبصي فاكرك بينادي عليكِ دلوقت سمعتي شرايط كتير و حضرتي شوية دروس و بدأت تصدقِ إنك أخت بجد و الناس بقت بتسألكِ في الدين و انتِ بقيت بتفتي و بقيتِ تقولي الشيخ فلان ده مبتدع و الشيخ فلان ده ربنا يهديه و بقيتِ تقول ي: أصل ده مستحب لا ده مش حرام ده مكروه لا أصلِك مش فاهمة.. ده في مواضع تجوز فيها الغيبة و بعد كده بدأتي تتخِلى عن حاجات كتير كنت بتعمِلها و تقولي أصلها مستحبة و المرحلة الي بعدها رجعتي لشوية معاصي و بقيتِ تنام عن صلوات و و.. و... ... بس برضه ..أنا لسه( ملتزم ) فاكرة مشاعرك في الفترة دي ؟؟؟ مشاعر ... مشاعر إيه ؟؟ مابقاش في مشاعر خلاص أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده أنا عديت المرحلة دي و الصلاة خلاص اتعودت عليها و مابقتش باحس فيها بأي حاجة
منقول مع إدخال بعض التعديلات أسأل الله أن يجعلنى وإياكم من أهل القرآن وخاصته الذين هم أهله وخاصته منقول |
رد: خلاص انا بقيت اخت
بارك الله فيك
|
رد: خلاص انا بقيت اخت
ربناريباركلك بجد كنت محتاجه كلامك جدا لاني بعدت عن ربنا ومبقتش زي الاول وندمانه ربنا يجعله في ميزان حسناتك
|
رد: خلاص انا بقيت اخت
|
رد: خلاص انا بقيت اخت
|
الساعة الآن توقيت السعودية الرياض و الدمام و القصيم و جدة 04:11 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.