ازياء - فساتين سهرة و مكياج و طبخ

آه ..كم فيني لما قبل تكويني حنين
صرت أنا اللي عاش ماقبل تكوينه حياه

عشقي أكبر من حدود التأمل في اليقين
عشق سمعي ( للغطاريف ) من ذيك الشفاه

يوم كانت هيبة الساحة من لوز ٍ وتين
يوم كانت ترسم النار أصابعنا دفاه

الأمل : بيتٍ من أحجار.. وأخشابٍ .. وطين
والفرح : في حضرة الجار بأحضانه عشاه

يوم تاخذ ( خبزة البيت ) شكل الجالسين
بيننا الجيران حتى " الشقيق " أبدى غلاه

نادراً مايعطي الجوع فرصة لاعبين
وان لعبنا نلعب ( الطِّيش ) باقدام ٍ حفاه

في ضجيج البيت ( مهراس ) نسمع له رنين
واستمدّت ( ركوة ) الطفل هزّه من بكاه

المحبة : جلجلة عقد صدر امي ( لجين )
واحتدم في نظرة الشيبة تلويحة عصاه

كان يحمل جانب البيت ( قدر وطاستين )
كان يمسك ركن ذا البيت ( مسحاة ) انتباه

( الخصف ) يسهر يشخبط خدود النايمين
( والسراج ) المشتعل ينتظر لوحة مساه

( الحَجَلْ ) يطرب صباحات ناس ٍ سارحين
كل صبح ٍ في وجوه البشر تلقى رضاه

قريتي ماحلّ وقت ( الصرام ) إلا يبين
كل شخصٍ ( والركايب ) غدت تسمع غناه

يوم حنّت أوديتنا ل( قربة ) من يدين
اختلط هرج الصبايا بترحيب المياه

صادقة تشبه أذان الفجر ( الله يعين )
كانت أغزر من هطول المطر ذيك الجباه

يوم كان العيد يشبه كفوف الراحلين
يوم كان العيد يشبه الطفل في صباه

لاتحرومني من التقييم