ازياء - فساتين سهرة و مكياج و طبخ - تورتة عيد ميلادى من مطبخى بالصور

نبدأ فى المقادير
5 بيضات + كوب سكر + ملعقه كبيره محسن كيك
نص ملعقه صغيره فانيليا + كوب ماء دافى
2 كوب دقيق + ملعقه صغيره بيكنج بودر

الطريقه
اول حاجه نسخن الفرن
وبعد كده

فى اناء غويط هنضيف كل المكونات مع بعض
ماعدا الدقيق والبودر
ونضربهم بالمضرب الكهربائى كويس اوى
لغاية قوامهم ما يتقل
بالشكل ده

http://up.azyya.com/do.php?imgf=1386188542491.jpg

وبعد كده هنضيف الدقيق المضاف ليه البيكنج بودر بالتدريج
مع الضرب بالمضرب لغايه ما ننتهى من كمية الدقيق
وهتبقى معانا بالشكل ده

http://up.azyya.com/do.php?imgf=1386188542693.jpg

بعد كده ندهن صينيه مقاس 28 بالسمن ونرش عليها دقيق
ونحط فيها الخليط وندخله الفرن
على درجة حراره متوسطه او على حسب الفرن بتاعك
واوعى تفتحى الفرن قبل نص ساعه
لانها ممكن تهبط
وهى بتاخد وقت حوالى ساعه الا ربع فى الفرن
وبعد كده بنطلعها من الفرن ونقلبها على طول على شبكه ونسيبها تبرد
وده شكلها بعد ما طلعت

http://up.azyya.com/do.php?imgf=1386188542592.jpg

بعد ما بردت فتحتها من النص وحشيتها كريم شانتيه
وبعد كده دهنت التورتايه من فوق ومن الجناب بالكريم شانتيه
وعملت صوص شيكولاته وصبيته عليها من فوق
وجبت شوكه وعملت بيها التمويجات اللى على التورتايه
علشان تعطينا الشكل الرخامى اللى على الورته ده

http://up.azyya.com/do.php?imgf=1386188542935.jpg

طريقة عمل صوص الشيكولاته
نص كوب سكر
معلقة زبده
3 ملاعق عسل ابيض و3 ملاعق قشطه
و4 ملاعق كاكاو بودره خام
هنقلبهم مع بعض كويس ع النار
ولما يغلو نطفى
وبعدين نجيب قطعه شيكولاته خام
حوالى 1/8 كيلو
ونقطعها قطع صغيره وندوبها مع خليط الصوص لحد ما تدوب
وبعدين نجيب ملعقه صغيره جيلاتين بودر فى شويه ميه سخنه ونقلبهم مع الخليط
ونسيبه يهدى شويه قبل ما نزين بيه التورته

,وده الشكل النهائى للتورته بتاعت عيد ميلادى

http://up.azyya.com/do.php?imgf=1386188542996.jpg

الف هنا وشفا ليكم ده تطبيقى لتورته شفتها على النت
غير مسموح بنقله خارج منتدى ازياء