رد: رواية مالت عليه يوم حبيت انسان ما ينحب
تقدرين تقولي بين الخيال و الواقع ... البدايه كلها واقع ... و في حوارات من الخيال .. اسمحولي والله أول مره اكتب روايه و يمكن ما تعجبكم ... بس من بعد ها البارت الثاني كله بيكون من الخيال ... و شكرًا ع السؤال غلايه
|
رد: رواية مالت عليه يوم حبيت انسان ما ينحب
لا والله عادي بدايتج حلووه انشاءالله اكمل ويااج ... ولو العفو غلايه انتي😉
|
رد: رواية مالت عليه يوم حبيت انسان ما ينحب
جهزت للبارتيً و خلصيت كنت لابسه جنز ازرق سماوي و بلوزه بيضه و عليها صوره نيويورك ف مربع و لبست جوتي فسفوري اصفر و سرت أستنا سعود .. شافيت رشود نازل من فوق
رشود : وين بتسيري ؟؟ ريم : ما عرف رشود : تستهبلي! ريم : عوذ ب الله شفيك بسير وَيَا سعيد و علايه نيب هزاع من المول بعدين بنسير بيت خالتيه عشان البارتي رشود : هيييه هههههه وانا أقول ليش هزاع داق لي طلعتو مخونين فيه ريم : ههههه هيه رشود : هيه عيل برايج انا بسير ايبً ربيعي من المطار ريم : ك .. يحفظك رشود : ي الله باي ريم : باي ... طلع رشود و فها الوقت دقت لي فطوم ... ريم : هلا والله .. فطوم : اهلين ريومي ريم : شحالج الغلا فطوم : يسرج فديت روحج ريم : دوم ان شاء الله / أمره تفداج روحي فطوم : هههه أمره إنت بايعه عمرج عادي واحد ف الشارع بقولج فديتج تقولي له أفداك ريم : هههه شو أسوي عاده يوم ربيعتج ما خلت حد ما فدته بروحها 😂 فطوم : هههههه يحيج والله ريم : يحيج و يغنيج ... و اسمع صوت هرن خاري .... ريم : فطوم دقيقه .. قسم اذا بنديتي بذبحج فطوم : ههههه ما ببند ... ركبت الموتر جدام .. بس عوار ف هزاع ... ريم : انزين فطوم سعيد يرمسني بصوت خفيف : هاي فطوم مال رآك ؟؟ خزيت راسي يعني هيه سعيد : اون سلمي عليها ريم : ههههههههههه يغربل ابليسج 😂😂😂 شو عيدي عيدي ههههههه اخ بطني ههههههه فطوم : ريوم الزق ما يضحك 😭😭😂 ريم : هههههههه تقفطيعو .. الحين من جده صيح عليكم و اون يا يبا يسلم علسكم و عطا ريس و جدام الكل 😂😂 فطوم : اييييه ريوم ما يضحك 😂هههه ريم : أسفه أسفه ... و خضتنا السوالف ل ساعه كامله و فهاي الساعة سبنا علايه و هزاع و وصلينا بيت خالوه و نزليت و سلميت ع الكل و شفت فهد نازل من فوق و وياه شيخه داقين سوالف نزلت راسي و سكت فطوم : ريوم ليش سكتي ريم : فهد جدامي فطوم : برايه شتبينه خليه ينقهر سيري مسكي أيد اي واحد و قولي....... ريم : ايييه شو تستهبلي هههههه عاد انا مب سخيفه جي فطوم : حيوانه براج ريم : شو عيل تبيني أسوي ها .. فطوم : هيه ما فيها شي 😒 ريم : ما بسوي مستحيل .. فطوم : ع راحتج ريم : اقولج بسير يبوني فطوم : برايج .... هزاع : ريييييييم ريم : هاااا هزاع : هواااا ريم : شو تبا ؟؟ هزاع : تعالي ساعدي ريم : ما روم ما تشوف شو لابسه انيقه اليوم هزاع : وين شرات كل يوم بس اضن اليوم شي محطيه فويهج ريم : جب جلب هزاع ؛ انزين اقولج سيري عند فهد و خضي ها مال البلون نسيت اسمه ريم : البمب هزاع : هيه ها هو ريم : تعال البارتي حق شو ؟؟ هزاع : تصدقي ما عرف اقولج قلبي ويهج ريم : زين زين |
رد: رواية مالت عليه يوم حبيت انسان ما ينحب
بارت حلووو بس قصير اقولج خليها. تعطيه اكبر بولباس امره لا تعطيه ويه اباه تكون قويه وتسولف ولا جنه. موجود/ هههه لا بعد قومي كتبي بدالها
🌹 اترياالتكمله |
رد: رواية مالت عليه يوم حبيت انسان ما ينحب
خلصنا تجهيزات البارتي
الكل يا .. الحريم و الرياييل - البنات و الأولاد - الصغار و الكبار بس الشخص الوحيد الي ما حضرها هو .. انا سرت و كل عاده كل ما يسون بارتي ايلس فوق البيت و اطالع النجوم .. كان الجو جميل هوا بارد و الدنيا صافيه و النجوم روعه يلست أتأمل النجوم . تخيلت عمري وَيَا النجوم الحين رفعت ايدي و تخيلت اني أمسك النجوم .. يا ليت لو انا مكان النجمه كان الكل حبي و ما تميت وحيده ... قلت جي بصوت ينسمع و منو قالج محد يحبج !! لفيت بطالع منو .. كان فهد .. هيه ها فهد انا ما اتخيل طالعته و لفيت ع طول ريم : ما يخصك فهد : شحالج ريم ريم : يسرك فهد : دوم .. وانا مب بخير ريم : انزين منو سالك فهد : هه ليش ي ريم تقسين علي ؟؟ ريم : ليش شو سويت لك ؟ فهد : طالعي كيف تعامليني ريم : بعد كيف اعاملك تراك شروا كل الناس الي هني فهد: ريم انا حبيبج ريم : كنت فهد : ولا ازال .. ريم انا احبج ليش تسوينً جي .. ها كله اني تقربت من شيخه ولا بعد هي ألي تقربت! ريم : هه تحب - اي حب ها - الي يحب ما يخلي حبيبه ف دموعه لمدة شهور - الي يحب بيتم وَيَا حبيبه طول الوقت و خاصه ف ضروفه الصعبه - انته لو تحب ما كان ودرتني .. فهد : ريم انا أباً ارد لج انا غلطان ....... ريم : فهد يرحملي والديك اسكت .. انته تعرف ليش بترد مب عشاني بترد عشان بيزات أبويه معن ابوك عنده خير بس انته طماع فهد : منو قالج جي .. ريم : عيل قولي ليش بترد !! فهد : بعدين انت قلتي ما تبين تكلميني بس ليش تكلمي سعيد ؟؟؟ ريم : سعيد اخويه ... تعرف شو يعني أخويه و بعدين ليش تغير الموضوع ... هه لان ما عند اجابه فهد : بس ريم سمعـ.... ريم : فهد روح لو سمحت فهد : مابا أسير ريم دزته - فهد عَصّب و دزها و طاحت من فوق البيت ... (( بيت خالتها ما فيه حاجز من فوق )) فهد يجوف ريم اطيح من فوق البيت.. شرد .. عند الحريم كانو بس الأولاد و البنات .. البقيه داخل فجأه يسمعون صوت طيحه سعيد : شو ها الصوت !! هزاع : ما عرف قوم قوم ... وصلو ورى البيت جافو ريم و حذابها كله دم 😬 سعيد : هز .. هزا.. هزااع هاي هاي ريم !! هزاع :م ماعرف سعيد : هزاع هاي ريم هزااع اطلب الاسعاف بسرعه سعيد : ريم ريييم ريم ريم ريم قومي ريم ريم قومي ريييييم ي الله حبيبي قومي يت الإسعاف و شلت ريم سعيد تم مكانه مكان ما شلوها فوق دمها .. سعيد يصيح ... يصيح بقو : رييييم ريم لا تخليني ريم |
الساعة الآن توقيت السعودية الرياض و الدمام و القصيم و جدة 10:13 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.