النصائح القويه للوقايه من الانفلونزا الموسميه ⚡️☔️⚡️
النصائح القويه للوقايه من الانفلونزا الموسميه ⚡️☔️⚡️
****************************** ******** **هوي البيت وافتحي الشبابيك وبلاش الجو الفيروسي اللي عايشين فيه ده ⛅️ **غسل اليدين علي الاقل لمدة ١٥ ثانيه بصفة دوريه ع مدار اليوم.. **ابعدي كل الالعاب القطنيه عن اولادك ( الفيروسات عايشه ومتقوقعه فيها كمان) **استخدمي مطهرات في غسيل ارضيات البيت **طعمي اولادك مصل الانفلونزا الموسميه وسيبك من اللي يقولك ولادي لما اخدوا تعبوا واصلهم يتعودوا عليه ..اللي زي دول بدأوا ينقرضوا ** طعمي ضد فيروس الروتا مسموح من اول ٦ اسابيع حتي ١٥ اسبوع كجرعه اولي والتانيه بعد شهر من الاولي ..سعر التطعيم اهون بكتيير من اللي هتشوفيه لو لا قدر الله جت لابنك **زمان كان تطعيم الانفلونزا البكتيري خارجي ..لكن حاليا اصبح اجباري في وزارة الصحه والطفل بياخده عند شهرين واربعه وستة اشهر **علمي ابنك لما يعطس او يكح يعمل ايه كسلوك صحيح **التدخين السلبي ..مصيييبه ف البيت 🚬 **افصلي الطفل اللي تعبان عن اخواته بلاش موضوع ندفي بعضينا ده **الفواكه والخضروات: -الجوافه والبرتقال والليمون والكيوي ..🍋مليانين فيتامين c -الموز ..🍌ماغنيسيوم بالهبل -الطماطم🍅..فيها(ليكوبين) ودي حضرتك ماده مضاده للاكسده وبتساعد علي تقوية المناعه .. اه والله زمبؤلك كده **السوايل الدافيه زي اليانسون والنعناع والتليو وياسلام ع شوربة الفراخ وياسلامين تلاته علي عسل النحل🐝 **فيتامين c نقط للاطفال الرضع ٥ نقط مره ف اليوم **بنزود جرعة فيتامين د في الشتا لاخر توصيات من الاكاديميه الامريكيه لطب الاطفال **بلاش التجماعات الحزبيه في البيت خلي العيال تلعب وتتنطط..تعرفوا !؟؟ ان الاطفال مع اللعب جسمهم بيفرز مواد طبيعيه اسمها (اندروفين) ودا بيساعد علي تقويه المناعه وبالاخص في الشتا...👍 **وطبعا بعد اللعب والشقاوه هيناموا نوم كافي وجسمهم هيستريح وبالتالي هيساعد في تقوية المناعه **خارجين من البيت .☔️.طب تعرفي ان فيروس الانفلونزا بيتعرف علي الحراره المختلفه يبقي لازم نشرب ميه او نغسل وش الطفل قبل مايخرج .. **الطفل الرضيع اهم حاجه ليه هي الرضاعه..🍼اه والله الرضاعه..مفيش بعدها مناعه...ومتنسيش نقط محلول الملح للانف ** افضل الطرق لاذابة البلغم عند الاطفال هي شرب الميه تخيلي!! **الشور 🚿 مفيش مشكله منه بس نحافظ علي درجة الحراره ..مش ياخد شور ويطلع البلكونه حضرتك ...وافضل وقت قبل النوم د.إيهاب الامام |
الساعة الآن توقيت السعودية الرياض و الدمام و القصيم و جدة 09:48 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.