الكحك المصري بالعجوه من مطبخ الشيف موني بالصور
السلام عليكم ورحمة الله
كل سنه وانتوا طيبين المكونات: كيلو دقيق نصف كيلو سمنة بلدى سايحة(انا استخدمت سمنة الحلوب) كوب ونصف ماء دافىء (ممكن استبداله بحليب) نصف ملعقة كبيرة خميرة فورية 2 ملعقة كبيرة سكر 5 ملعقة كبيرة سمسم مش محمص ملعقة كبيرة ريحة كحك(وريحة الكحك دى من المكونات الاساسية للكحك المصرى وهى عبارة عن خلطة بهارات مكونة من حبهان وقرنفل وجنزبيل وقرفة وشمر مطحونين واحنا بنشتريها جاهزة من عند العطار) مكونات الحشو: ربع كيلو عجوه 2 ملعقة كبيرة سمنة 3 ملعقة كبيرة سمسم نقطتين ماء زهر الطريقة: هنبدأ فى تحضير عجينة الكحك ودى صورة ريحة الكحك للى ميعرفهاش http://i39.servimg.com/u/f39/16/73/51/37/122.jpg فى اناء هنحط الدقيق ومعاه ريحة الكحك ونقلبهم ونعمل حفرة فى النص نحط فيها السمسم ونقدح السمنة وننزلها على الدقيق وهتعمل فوران لأنها لازم تكون بتغلى وطبعا غليانها ده هيخلى السمسم يتحمص وفيه ناس بتحط السمنة باردة من غير ماتقدحها بس انا بعمل الكحك بالطريقة المصرية التقليدية طريقة جدتى الله يرحمها http://i39.servimg.com/u/f39/16/73/51/37/222.jpg ونقلب الدقيق مع السمنة كويس بالمعلقة لأن السمنة سخنة يعنى نبس العجينة زى مابنقول فى مصر لغاية ماالدقيق يشرب كل كمية السمنة http://i39.servimg.com/u/f39/16/73/51/37/322.jpg ونسيبهم يبردوا خالص وفى الكوب ونص ميه هندوب الخميرة والسكر وننزل بيهم على الدقيق والسمنة http://i39.servimg.com/u/f39/16/73/51/37/422.jpg ونبدأ نعجن بايدينا او بالمعلقة ونلم العجينة بايدينا http://i39.servimg.com/u/f39/16/73/51/37/529.jpg ونغلفها ونسيبها تخمر فى مكان دافى من مدة ساعة لساعة ونص ولأننا فى صيف هتخمر بسرعة وفى الوقت ده هنجهز حشوة العجوه في كسروله هنحط كل مكونات الحشو ونقلبهم مع بعض ونسيبها تبرد http://i35.servimg.com/u/f35/19/41/75/57/613.jpg نرجع لعجينة الكحك هنلاقيها اختمرت كويس http://i35.servimg.com/u/f35/19/41/75/57/713.jpg ونكور عجينة الكحك كور متوسطه متساويه ونكور العجوه كور اصغر منها عشان نسهل على نفسنا الشغل http://i35.servimg.com/u/f35/19/41/75/57/813.jpg http://i35.servimg.com/u/f35/19/41/75/57/913.jpg ونعمل حفرة فى نص كورة العجينه http://i35.servimg.com/u/f35/19/41/75/57/1012.jpg تااااااااااااااااااااابعوني هكمل المشاركه الجايه |
رد: الكحك المصري بالعجوه من مطبخ الشيف موني بالصور
ونحط فى الحفرة دى كورة من كور العجوه
http://i35.servimg.com/u/f35/19/41/75/57/1112.jpg ونقفل العجينة http://i35.servimg.com/u/f35/19/41/75/57/1212.jpg ونكون محضرين فورم تشكيل الكحك او المناقيش زى ايام زمان اللى بترتاحوله http://i35.servimg.com/u/f35/19/41/75/57/1313.jpg ونرص الكحك فى صوانى مدهونة سمنة http://i35.servimg.com/u/f35/19/41/75/57/1413.jpg http://i35.servimg.com/u/f35/19/41/75/57/1612.jpg وندخل الكحك فرن حرارته عالية ومسخنينه قبل كده ونطلعه لما وشه يحمر ويستوى http://i35.servimg.com/u/f35/19/41/75/57/1712.jpg وفيه ناس بتسيبه يختمر بعد ماتحطه فى الصوانى بس ده هيغير شكل الكحك والنقشة بتاعته هتختفى وده بردو لأننا فى صيف ودرجة الحرارة عالية ولما يبرد خااااااااااااااالص نرش عليه السكر بودرة ونقدمه وده شكله بعد التقديم http://i35.servimg.com/u/f35/19/41/75/57/1811.jpg http://i35.servimg.com/u/f35/19/41/75/57/1911.jpg http://i35.servimg.com/u/f35/19/41/75/57/2012.jpg http://i35.servimg.com/u/f35/19/41/75/57/2112.jpg الكحك طلع طعمه اكثر من رائع بس ناعم جدا ودسم لأننا بنحبه كده لو انتو عايزينه اخف ممكن تستبدلوا السمنه بزبده وبالهنا والشفا |
رد: الكحك المصري بالعجوه من مطبخ الشيف موني بالصور
تسلم الأياادي
|
رد: الكحك المصري بالعجوه من مطبخ الشيف موني بالصور
كَـآلْعَأدَة أبدَآعْ رَآئِـعّ
وَطَرْحّ يَسْتَحّقْ ألمّتَآبَعَةةّ شُكّـرَاً لَكـِ بَأنْتِظَآرْ الْجَدِيِدْ ألقآدَمْ دُمْتِ بّكلْ خِيَرّ |
رد: الكحك المصري بالعجوه من مطبخ الشيف موني بالصور
مشكورة حبيبتي يسلمو ايديك
|
الساعة الآن توقيت السعودية الرياض و الدمام و القصيم و جدة 11:25 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.